SUMARLOK OG ÓÐURINN TIL EBAY

Hjá mér er sumrinu lokið. Formlega.  Því lauk eftir verslunarmannahelgi.  Það sem kemur af hlýju og sólardögum eftir þann tíma er bónus og ekkert annað.  Það er komið hárbeittur kuldastingur í veðráttuna, þrátt fyrir að sólin skíni sem aldrei fyrr.  Einhver mótmæli?  Nei, ég hélt ekki.

Ég merki haustið á því hvernig fólk bloggar, þessa dagana.  Ég sjálf líka.  Alvarlegri málin eru að taka meira yfir.  Það er fleira að gerast í samfélaginu og sumardoðinn er að renna af fólki.  Auðvitað má alveg halda áfram að fíflast og hafa gaman, en samfélagið er að komast í eðlilega fúnksjón, smám saman.

Ég tek þessum tíma fagnandi.  Sumarið er frábært, að sjálfsögðu, en þegar það er búið þá er það búið og annað tekur við.  Ég nenni ekki að hanga yfir þessari árstíð á meðan hún er í dauðateygjunum.  Þetta er það góða við að búa við árstíðaskipti.  Alltaf einhvert nýtt tímabil að taka við.  Spennandi.

Nú er að bíða spennt, með regnhlífina, pollagallann og berjatínuna.  Eða þannig.  Halló haust.  Gaman að sjá þig.

P.s. fann þennan óð til Ebay í dag þegar ég var að hlusta á músik á netinu.  Alveg bráðskemmtileg parodía.  Hlustið endilega.

http://www.youtube.com/watch?v=cnS4NCMQFOI

Úje!

 

Athugasemdir

[Sunna Dóra Möller, 16.8.2007 kl. 21:59]

Jams.....snjór, slabb, hálka.....stormviðvaranir....ofsaveður......skafa af bílnum klukkan 7.30 í skítakulda.....og aftur nokkrum tímum seinna........svo mikið frost að nefhárin frjósa saman og varaþurrkur .... Ég er líka að drepast úr spennu !

[krossgata, 16.8.2007 kl. 22:04]

Búið!!!!  Ég er að fara í sumarfrí eftir vinnu á morgun!!!!  Nei takk hér verður sumar fram í miðjan september  *móðursýkis-kall* ............ nema ég breyti í haustfrí.

[Þröstur Unnar, 16.8.2007 kl. 22:06]

Nei Sunna það er á veturna, haustið er allt önnur Ella, besti tími ársins að mínu mati.

[Sunna Dóra Möller, 16.8.2007 kl. 22:10]

æi...mér finnst þetta renna allt saman í eitt......maður þarf alla vega að byrja að skafa svona frost af bílum .... og svo er líka oft leiðinlegt veður þannig að alla vega tvennt var rétt hjá mér og á við haustið sko.........annars er ég vor og sumar manneskja...þegar allt rís upp úr dvala og lifnar við, ég er minna fyrir það þegar allt leggst í dvala og sofnar!!

[Ester Júlía, 16.8.2007 kl. 22:13]

" Ég nenni ekki að hanga yfir þessari árstíð á meðan hún er í dauðateygjunum. " Frábærlega orðað hjá þér!!! Nákvæmlega eins og mér líður!  Núna er maður bara að bíða og bíða eftir næstu árstíð.  Snillingur þú

[Heiða B. Heiðars, 16.8.2007 kl. 23:06]

Sumrinu mínu lauk þegar ég fann kuldann úti í fyrrinótt... á naríunum:) En það er allt í lagi... haustið er svo frábært

[Ásdís Sigurðardóttir, 16.8.2007 kl. 23:10]

Aldeilis að mín hefur verið duglega í dag að blogga, eins og fyrri daginn. Hjá mér er sumar/haust, sat úti á svölum áðan á bolnum og ferlega heitt. Knús til þín sem á að duga til morguns.

[Guðrún B. (IP-tala skráð) 16.8.2007 kl. 23:18]

Það liggur við að ég nái í ullarsokkana mína og flíspeysuna við að lesa þetta hjá þér.  Ég er að flytja í hús með heitum potti og ég ætla sko ekkert að kveðja sumarið strax .. HNUSS

[Jenný Anna Baldursdóttir, 16.8.2007 kl. 23:21]

Iss þið eigið að læra að njóta vetursins stelpur.  Sjáið Heiðu hún fer út á nærbuxunum á kvöldin.  Fólk verður að kunna að búa hér.  Það er vetur helminginn af árinu.  Kommon.

[Jóna Á. Gísladóttir, 16.8.2007 kl. 23:22]

 þessi segir að sumrinu sé ekki lokið

[Elín Arnar, 16.8.2007 kl. 23:23]

Haustið er skemmtileagast finnst mér!!! Þá hættir sumarstarfsfólkið sem veit ekkert hvað það er að segja og sérfræðingarnir taka við. Allt verður eins og það á að vera.

[Kristín Katla Árnadóttir, 16.8.2007 kl. 23:40]

Æi elsku Jenný þú er frábær dúllan mín takk fyrir kommentið í  sem þú gafst mér.

[Rebbý, 17.8.2007 kl. 00:23]

haha Elín, rétta viðhorfið Mér finnst æðislegt að fá haustið, þá bæði kemur afmælið mitt og kertaljósin koma sterkt inn á kvöldin ... er þessi rómó týpa þó það sé rómantík með sjálfri mér

[Jenný Anna Baldursdóttir, 17.8.2007 kl. 00:26]

Það var einhver ferlega sár hérna í kommentakerfinu um daginn þegar ég var að amast við Sumarliðunum á Mogganum.  Vildi meina að þetta væri pjúra óréttlæti að vera að ráðast á afleysingafólk.  Viðkomandi hefur EKKI séð stjörnuspár Moggans í sumar.  OMG (skelfingarkall).

Rebbý: Ég er klisjukennd ég veit það "En ég vildi að það væru alltaf Jól"

Kristín Katla:  Ekkert að þakka dúllan mín.

Jóna:  Ég tek nú ekki mikið mark á tollaranum, snarlyginn eins og hann er.

[Laufey Ólafsdóttir, 17.8.2007 kl. 00:54]

Ég er ekki þessi vetrartýpa, enda orðin veik. Hóst. Ég ætla aftur upp í rúm

[KL (IP-tala skráð) 17.8.2007 kl. 09:59]

Þú er flink að finna ýmislegt skemmtilegt til að dreifa - það kemur eitt og annað upp í hugann við að horfa og hlusta - takk kærlega. - Haustið "mitt" byrjar 20. ágúst, ekki fyrr. Þannig að nú er mjööög stutt eftir af sumrinu. Ég er alveg sammála þér að haustið er fullt af sjarma og notalegheitum: Þetta klassíska, við t.d. kveikjum á kertum, prjónum okkur ullarsokka fyrir veturinn, horfum á norðurljósin, o.fl., o.fl.