SVEFNSNÚRA

 

Þó ekki megi lesa það af færslunum mínum í dag, þá hefur þessi dagur verið hund erfiður.  Allt hefur vaxið mér í augum, ég hef drattast áfram og átt alveg svakalega bágt.  Sumir dagar eru svona og stundum koma þeir í kippum.  Þ.e. einn eða fleiri saman í röð.  Dagurinn í gær og í dag eru kippudagar.  Ferlega erfiðir og ekkert eins og það á að vera, þó ég hafi ekki nokkurn skapaðan, guðsvolaðan hlut að benda á mér til varnar.

Að vakna með tilfinninguna um að allt sé ómögulegt er eitthvað sem ég almennt, er ekki í stemmara fyrir. Stundum hlýt ég þó að hafa þörf fyrir að eiga hörmulega bágt, því annars myndi ég sennilega reka blámann á brott.  Það hlýtur að vera alkinn og þá auðvitað dramadrottningin í mér sem þarf að fá útrás. 

Einu skiptin, í dag,  sem ég var ekki umhverfi mínu hálf hættuleg, var þegar ég settist niður og bloggaði.

Eftir kvöldmat hristi ég af mér slenið.  Hringdi í trúnaðarkonuna og las AA-fræðin.  Ég fer ekki á fundi þessa dagana, svimandi af blóðleysi, langar ekki til að hníga að fótum fundarfélaga minna, þrátt fyrir að það sé ákaflega myndrænt og fallegt, ef ég get gert það almennilega.

Eftir AA-fræði og sollis, var ég farin að skammast mín töluvert yfir vælinu og eymdinni í sjálfri mér og lífsgleðin kom smátt og smátt til baka.  Þegar ég svo var búin að hlusta á nokkra góða með Stones, var ég farin að brosa í gegnum tárin (okok ég var ekki með tárvot augu, má maður).

Ég er svo innilega glöð með að vera edrú og sigli hraðbyri inn í árs edrúmennsku.

Haldiðiaðþaðsé?

Úje

 

Athugasemdir

[Ragnheiður , 15.8.2007 kl. 23:34]

Yndislegt...maður má vera blár og best er að gera það skýringalaust ! Hafa ekki grun um afhverju, þá bendi ég oftast á einkabílstjórann blásaklausan

[Þröstur Unnar, 15.8.2007 kl. 23:36]

Thumpsupkall

[Ásdís Sigurðardóttir, 15.8.2007 kl. 23:38]

Það eru margar snúrurnar í lífi konu, knús til þín, við höfm greinilega verið svipað tengdar í dag.  Góða nótt hnoðrinn minn.

[Jóna Á. Gísladóttir, 15.8.2007 kl. 23:48]

snúllurúsínurassgatarófurúslan hennar Jónsu. Sofðu fast og vel í nótt. Á morgun kemur nýr og betri dagur. Knús til þín

[Guðríður Hrefna Haraldsdóttir, 15.8.2007 kl. 23:56]

Þúsundfalt knús, elskan mín! Sofðu rótt!

[Jenný Anna Baldursdóttir, 16.8.2007 kl. 00:02]

Takk elskurnar.

[Jóna Á. Gísladóttir, 16.8.2007 kl. 00:06]

þessi er á leiðinni að syngja þig í svefn

[krossgata, 16.8.2007 kl. 00:07]

Sést best á þessu hvað bloggið er umhverfisvænt og hollt.   Gangi þér allt í haginn.

[Bjarndís Helena Mitchell, 16.8.2007 kl. 00:14]

Þetta kemur allt saman. Auðvitað eru sveiflur, ef svo væri ekki fyndi maður aldrei hversu gott það er þegar góðu dagarnir koma, munurinn er þá enginn. Sofðu rótt, það kemur nýr dagur á morgun og þetta líður hjá, vittu til.

[Anna Ólafsdóttir (anno) (IP-tala skráð) 16.8.2007 kl. 00:35]

Æi þú ert gullmoli jenfo mín - knús til þín

[Eva Þorsteinsdóttir, 16.8.2007 kl. 02:06]

Æi, kannast við svona daga!

Þú getur þetta og þú veist það .... einn dag í einu :)

Knús til þín kelling ;)

[Úlfar Þór Birgisson Aspar, 16.8.2007 kl. 06:50]

Well u win some and u lose some,sjálfur á ég nokkurra ára edrúmennsku að baki eftir allmargar innlagnir árum saman í tómu bulli,sennilega vegna þess ég er flækjufótur en verstu dagar mínir í dag eru samt hátíð miðað við bestu daga mína í neyslu.Mér líður eftir að hafa unnið sporin eins og maður og auðvitað vinn enn og lifi í þeim svona 80% vel 20% blues áður var líf mitt 90% ömurlegt og hitt feikaði ég til að endast daginn gangi þér allt í haginn Jen babe kveðja Úlli.

[Ásthildur Cesil Þórðardóttir, 16.8.2007 kl. 08:33]

Já maður kannast vel við svona daga, ég hugsa bara að allir eigi þá einhversstaðar til, og svo eiga þeir til að dúkka upp aftur og aftur.  Elsku Jenný mín knús til þín.