ÍSLENSKA KJÁNAHROLLSVEITAN EHF

Á hverju ári kemur einhver snillingurinn fram með "tibute" til þekktra útlenda söngvara og/eða hljómsveita.  Þarna er meðalmennskan lofsömuð með örfáum undantekningum þó, svo ég gæti nú sanngirni. 

Í fljótu bragði minnist ég nýlegrar sýningar um Tinu Turner og Queen.  Hvorutveggja sá ég aðeins í sjónvarpi og takk fyrir mig.  Mér var ekki skemmt án þess að ég fari lengra út í þá sálma.  Kona sem ég þekki slysaðist inn á Tinu Turner sýninguna, með vinnustaðahóp og sagði mér að hún hafi verið komin langleiðina undir borðið, undir skemmtilegheitunum.  Þetta er kona sem er ekki neitt sérstaklega andstyggilega þenkjandi. 

Nú á að taka Presley "tribute".  Kannski er það flott.  Ég myndi alveg vilja hlusta á Bjarna Ara taka Presley, en maðurinn syngur Presley betur en Presley sjálfur, fjárinn hafi það.

Ég ætla að sitja heima. 

Love me tender!

Úje

Athugasemdir

[krossgata, 15.8.2007 kl. 15:52]

Alveg er mér sama hvernig fólk afskræmir flutning tónlistar annarra og frægari tónlistarmanna, nema Queen.  Það getur enginn sungið Queen-lög skammlaust og allar tilraunir sem ég hef heyrt eða séð má flokka sem ofbeldi og ber að kæra umsvifalaust.

[Anna Ólafsdóttir (anno) (IP-tala skráð) 15.8.2007 kl. 16:27]

Ég vil ekki segja neitt ljótt um Friðrik Ómar af því að hann er nemandi minn frá því í gömlu góðu og mér þykir vænt um hann en ef ég væri mamma hans myndi ég banna honum þetta uppátæki. Ekki það að mér fannst hann skila Elvis laginu vel í Kastljósinu í gær, en heilt Elvis Tribute show - veit ekki hvernig honum datt það í hug, nema þá bara til að búa til pening. Og þessi Tribute show finnst mér misheppnast oftar en heppnast.

[Jenný Anna Baldursdóttir, 15.8.2007 kl. 17:23]

Sá reyndar ekki Friðrik Ómar í gær en ég er sammála þér Anna.  Ég held að þessi leið sé ekki gott skref á þroskabraut listamanna.  Það sem ég sá úr Tinu Turner og Queen sjónu hálf drap mig.  Úr kjánahrolli sko.

Krossgata, ég hef nú einhverntímann heyrt George Michell taka Queen-lag og gera það vel.

[Doddi - Þorsteinn G. Jónsson (IP-tala skráð) 15.8.2007 kl. 18:28]

Mér finnst Anna oft tala eins og hún hafi lifað einhverja eldgamla daga ... þegar hún lítur ekki deginum eldri út en ég! En sjálfur ætla ég ekki heldur að blóta Friðriki, en ég álpaðist líka inn á Tinu Turner dæmið, þegar Sigga og félagar komu norður (mér var boðið!) og mér leiddist ekkert.

Persónulega finnst mér tribute hugsunin mjög skemmtileg. Og ef vel tekst til, þá hefur frummyndinni verið sýndur sannur heiður. Ég er þannig að ég elska músíkina meira en tónlistarmennina og því hef ég kannski meira gaman af tribjútum en næsti maður? Ég myndi ekki sækjast endilega eftir þessu Elvis-dæmi þar sem ég er ekki hans fremsti aðdáandi, þó hann sé frábær, en ef ákveðinn Ólafsson tæki sig til með Frank sinatra tribjút ... þá myndi ég frekar láta klóra mig með þúsund köttum en að fara á það dæmi ... !

Love you tender! 

[Þröstur Unnar, 15.8.2007 kl. 19:11]

Hver er Konni Dúa? Veit hver Baldur er, hann er Ferja.

[Þröstur Unnar, 15.8.2007 kl. 19:26]

Ertu að meina Valda hjólkoppasala: Veit ekki um Silla síld.

[Þröstur Unnar, 15.8.2007 kl. 19:40]

Dúa. Eigum við að stofna blogg saman, sem heitir kannski Bolur e.eitthvað og syngja saman?

[Þröstur Unnar, 15.8.2007 kl. 19:41]

Gemmér bara kennitöluna þína og VISA númerið.

[Þröstur Unnar, 15.8.2007 kl. 19:49]

Krakkarassgat.

[Þröstur Unnar, 15.8.2007 kl. 19:50]

Meigum við kannski eiga þetta blogg, jenný?

[Guðríður Hrefna Haraldsdóttir, 15.8.2007 kl. 20:02]

Fyrst Dúa hefur tekið yfir síðu Jennýjar vil ég nota tækifærið og óska henni til hamingju með daginn!

Sammála þér, Jenný, svona tribbjút eru oft voða leiðinleg!  

[Jenný Anna Baldursdóttir, 15.8.2007 kl. 20:22]

Sorrí ef ég trufla samtalið Dúa og Þröstur, ég þarf bara að setja eitt komment og svo er ég rokin.  Ok? (einsogmússemlæðistkall).

[Edda Agnarsdóttir, 15.8.2007 kl. 21:58]

Ég er sammála þér Jenný. efasemdir með hann sæta Friðrikí þessu Presley standi - annars er ég dálítið veik fyrir honum Fririki. mér finnst hann sérstakur, með sérstaka útgeislun.

[Edda Agnarsdóttir, 15.8.2007 kl. 22:01]

Ég þarf greinilega að fara flýta mér hægar og nota PÚKANN!

[Jenný Anna Baldursdóttir, 15.8.2007 kl. 22:15]

Hehe þetta skilst allt ágætlega Edda mín.  Dúa heldurðu að ég myndi nokkurntímann væna þig um VINGJARNLEGA yfirtöku?