Í DAG HEF ÉG..

..hringt út um allar trissur og útréttað til hægri og vinstri.  Ég hef líka búið um mig, farið í sturtu, burstað tennur, neh róleg bara, ætla ekki að fara út í smáatriði og skemmta þar með skrattanum.

..farið til læknis sem sagði mér að hætta að reykja (hvaða læknir gerir það ekki?), borða heilsusamlega (sem ég núþegar geri) og hreyfa mig.  Það gerir ég reyndar ötullega, þið ættuð að sjá taktana, þar sem ég sit fyrir framan tölvuna.  Alveg stöðugt á hreyfingu.  Fyrir þessar ráðleggingar, borgaði ég eitthvað af fjármunum.  Alesatt.

..reynt að troða mér inn hjá sérfræðingi nokkrum, sko fyrir jólin en komst að því að sérfræðingar og Jesú eiga það sameiginlegt að það er nánast vonlaust að fá hjá þeim deit.

..arkað í búð og keypt döðlur.  Það er alltaf verið að predika yfir manni um gæði lífrænt ræktaðs fæðis og ég keypti þekkt merki úr þeim geira.  Þegar heim var komið, þurfti ég næstum stækkunargler til að geta virt fyrir mér döðlukvikindin, þær voru agnarsmáar, krumpaðar og ljótar. Ég henti þeim.

Ég ætla að leggja mig.  Vaknaði svo snemma vegna læknisheimsóknarinnar.  Ég er ein af þeim sem klæði mig til heilsu.  Í dag varð það svarta Jackie Onassis dragtin, svartar sokkabuxur og svartir skór.  Var að hugsa um að skella mér í jarðaför á heimleiðinni, bara af því ég var klædd í það, en hætti við.  Fór heim og bloggaði fyrir ykkur aularnir ykkar.

Ég er farin að halla mér í hálftíma eða svo.

Woman is the nigger of the world

Újejeje

Athugasemdir

[Anna Ólafsdóttir (anno) (IP-tala skráð) 15.8.2007 kl. 12:59]

Sweet dreams - en ekki láta okkur bíða of lengi eftir nýrri færslu nú þegar þú ert búin að koma okkur upp á þessar reglulegu lestrarstundir, við gætum fengið fráhvarf

[krossgata, 15.8.2007 kl. 13:07]

Hvað sagði læknirinn?  Getur það annars verið að það hafi verið allt í lagi með þessar döðlur og þær af fínni stærð en þú bara ekki fært þær nægilega langt frá þér til að sjá þær í réttu ljósi?  Ég hef tekið eftir því að undanfarin ár er einhver móða yfir öllu sem er of nálægt mér og það verður ekki skýrt, læsilegt eða myndarlegt nema ég færi það lágmark armslengd frá mér. 

[Kristín Katla Árnadóttir, 15.8.2007 kl. 13:18]

Hvíldu þig hvíld er góð.

[Heiða B. Heiðars, 15.8.2007 kl. 18:41]

Ef maður getur ekki brotið odd af fýlulátum eftir svona hláturskastið sem ég fékk yfir þessari færslu... þá hvenær!!
Hef einmitt fleygt krumpuðum ör-döðlum í tunnuna og leyft þeim að njóta síns lífræna uppruna þar! Drasl!

[Jenný Anna Baldursdóttir, 15.8.2007 kl. 19:22]

Við erum ekkert að hanga í fýlunni Heiða mín, bara njóta hennar á meðan hún stendur yfir.  Það heitir að njóta augnabliksins.  Muhahahahaha

Er löngu vöknuð dúllurnar mínar og alveg eldspræk og skrifin.  Má bjóða döðlu??