ROSLEGA HELD ÉG AÐ BANDARÍSK STJÓRNVÖLD..

.. séu orðin þreytt á biðinni eftir að Fidel geyspi golunni.  Karlinn hefur reyndar alltaf sent þeim fingurinn og komist upp með það.  Ég vona að hann verði allra karla elstur.  Ég er svolítið höll undir karlinn, þó að sjálfsögðu sé ýmsu ábótavant hjá honum, eins og reyndar líka í nágrannalandinu USA. 

Ég las um daginn að Raol bróðir hans hafi verið að rétta fram sáttarhönd til bandarískra stjórnvalda en þeir slegið á hana og sagst ekki vilja hafa neitt með kúbönsk stjórnvöld að gera á meðan ekki sitji þar lýðræðislega kjörin stjórn.  Ég skil þau rök.  En svo verður mér hálf óglatt, því Bandaríkjamenn hafa stutt og komið að valdhöfum sem hafa akkúrat enga lýðræðislega tengingu.

Fídel er auðvitað óskað til hamingju með daginn, þrátt fyrir að ég efist um að þessi auma bloggsíða sé lesin á Kúbu.

Hehe..læfisfunný!

Úje

 

Kastró fagnar 81s árs afmæli sínu

Athugasemdir

[krossgata, 14.8.2007 kl. 00:48]

Heilbriðgiskerfið á Kúbu ku vera betra en þetta markaðsvædda ómanneskjulega í Bandaríkjahreppi.

[Jóna Á. Gísladóttir, 14.8.2007 kl. 01:19]

ég hef ekki hundsvit á þessu svo ég sendi bara minn sérlega ráðgjafa í málið

[Jenný Anna Baldursdóttir, 14.8.2007 kl. 01:34]

Hann vinnur eins og brjálæðingur við að afla frétta.

Kveðja Bolur Bolsson

[Bjarndís Helena Mitchell, 14.8.2007 kl. 01:38]

Já, ekki er öll pólitík eins. Ég er ekki hlynnt einræðisherrum, þó að sumt sé gott á Kúbu, þá er pottur brotinn líka víða. Samt má ekki draga úr því að heilbrigðiskerfið er gott þar. Fólkið líka. En margt annað ömurlegt!

[Ósk Sigurðardóttir, 14.8.2007 kl. 08:20]

Þeir Kúbverjar sem ég þekki eru nú ekki alveg sammála þér Jenný! Það er ansi margt sem mætti fara betur........

[Jón Bragi (IP-tala skráð) 14.8.2007 kl. 13:16]

Merkilegt að vinstra fólk skuli ekki læra neitt af sögunni. Að óska einræðisherra og kúgara til hamingju með afmælið!

Sorglegt

[Anna Ólafsdóttir (anno) (IP-tala skráð) 14.8.2007 kl. 13:25]

Ekki hissa á að hann Castró sé í ljónsmerkinu  (uss, segðu samt engum að ég kommentaði á þessum tíma, mátti til með að stelast aðeins, fyrir Castró - og þig - og örfáa aðra)

[Jenný Anna Baldursdóttir, 14.8.2007 kl. 14:16]

Jón Bragi:  Ég myndi óska Bush til hamingju með afmælið, algjörlega.

Ósk: Ég tek það fram að ég veit að margt má betur fara.

Anna: Í ljónsmerkinu eins og Maysa mín.  Um...

[Ósk Sigurðardóttir, 14.8.2007 kl. 15:36]

Jebb, ég veit ;)

[Jón Bragi (IP-tala skráð) 14.8.2007 kl. 17:46]

"Ég er svolítið höll undir karlinn,..." Viltu ekki líka bæta því við sem Guðrún Helgadóttir sagði um Sjáseskú (eða hvað hann hét forseti Rúmeníu) : "Mikill sjarmör". Ég vil bara vara þig við að vera að daðra við kommúnistiska einræðisherra. Einginn kommúnistastjórn hefur hingað til farið frá völdum án þess að haughúsið hafi verið fullt með miklu verri viðbjóði en svæsnustu hægri menn höfðu nokkurn tíman getað ímyndað sér.  "Ég vona að hann verði allra karla elstur."   Ég er alveg viss um að samviskufangar sem sitja í fangelsum og geðveikrahælum á Kúbu og lýðræðissinnar þar hafa allt aðrar óskir en þú. Fyrir þá er "læf" ekki nálægt því eins "funný" og hjá Íslenskum stofukommum.

[Jenný Anna Baldursdóttir, 14.8.2007 kl. 17:59]

Átti Guðrún Helgadóttir að vita eitthvað um Sjáseskú sem var öllum heiminum dulið á þeim tíma?

[Jón Bragi (IP-tala skráð) 14.8.2007 kl. 18:20]

Ég held alla vega að flestir sem hafi viljað vita, hafi vitað nógu mikið um stjórnarfarið og stjórnarherrana í kommúnistaríkjum Austur-Evrópu á þeim tíma til þess að láta sér ekki detta í hug að kalla þá "sjarmöra".

Og mér finnst að þú ættir að vita nógu mikið um Castro og hans stjórnafar til þess að sjá hvað þetta daður þitt er barnalegt og smekklaust og móðgun við alla þá sem hann fangelsar og kúgar.