ÓSMEKKLEGUR BRANDARI EÐA PJÚRA HEIMSKA?

"Perri á reiðhjóli

Ef einhver sér mann milli þrítugs og fertugs á reiðhjóli, með derhúfu og í bláum og rauðum jakka, þá vill lögreglan gjarnan hafa tal af honum. Ekki síst ef hann er að fróa sér á hjólinu. Þar er líklega kominn sá sem þrjár ungar stúlkur gengu framá á Sólvallagötu um klukkan hálf sjö í morgun. Þeim brá nokkuð í brún við að sjá þennan másandi mann. Svona lagað er náttúrlega bannað á almannafæri. "

Ég sá þessa frétt af visi.is inni hjá einhverjum bloggvini og trúði ekki mínum eigin augum.  Annað hvort er um að ræða "fréttamann" með stórkostlega laskaðan húmor eða þá að viðkomandi ætti að snúa sér að öðru en fréttaskrifum og það hið snarasta.  Sumum finnst þetta fyndið.  Ég sé hins vegar ekkert broslegt við þessa frétt, af því mér verður hugsað til stúlknanna sem gengu fram á þennan mann og hafa orðið hræddar.

Bölvað ekkisens ruglið í fólki.  Sko sumarliðum þessa heims. Fá sér nýja vinnu og það strax.

Arg.

 

Athugasemdir

[Þröstur Unnar, 12.8.2007 kl. 14:22]

Úps !

[Sunna Dóra Möller, 12.8.2007 kl. 15:35]

Ég las fréttina líka og fyrsta sem að mér datt í hug að einhver væri að grínast. Þetta eru einhver undarlegustu fréttaskrif sem að ég hef lesið og afar illa skrifuð ! Þetta er alveg óskaplega dapurlegt og hreinlega ekkert fyndið eða sniðugt!

[Jenný Anna Baldursdóttir, 12.8.2007 kl. 15:43]

Alveg gjörsamlega taktlaust.  Á ekki orð.  Eins og þetta sé brandari ársins.

[Ásgeir H Ingólfsson (IP-tala skráð) 12.8.2007 kl. 15:45]

Það er satt best að segja ekkert í þessari frétt sem er nærri því jafn fordómafullt og sú gamla þreytta lumma að reikna ósjálfrátt með því að allar fréttir sem manni finnst illa unnar komi frá sumarstarfsmanni. Kannski er bara einn sumarstarfsmaður á vísi og kannski er hann að skrifa allar bestu fréttirnar en fær samt allan skítinn?

[Jenný Anna Baldursdóttir, 12.8.2007 kl. 15:53]

Kæri Ásgeir, rólegur með sumarstarfsmanninn, þetta er bara innanhúsbrandari vegna undarlega þýddra og orðaða stjörnuspáa hér á Mogganum í sumar.  Það heldur enginn að sumarstarfsmenn séu verri en annað fólk.

[Hrönn Sigurðardóttir, 12.8.2007 kl. 16:11]

Mér finnst dáldið fyndið að láta sér detta þetta í hug.....

.....og geta það. Hlýtur að vera svolítið snúið

[Jenný Anna Baldursdóttir, 13.8.2007 kl. 01:08]

Já þetta er háð tæknilegum örðugleikum Hrönn, en að mér finnist það fyndið er af og frá