ÞAÐ SEM ÉG Á EFTIR AÐ GERA..

..áður en ég yfirgef þessa jarðvist er ekki margt.  Segi svona.  Mér dettur þetta fyrst í hug:

1. Fara til Kína og Kúbu.  Algjörlega efst á forgangslistanum, nenni ekki að fara þangað dauð.

2. Sjá barnabörnin mín komast á legg.  Helst verða langamma.

3. Hætta að reykja (Ekki fara hátt með það en einhver sagði mér að ef maður losaði sig ekki við fíknir í jarðvistinni, tæki maður þær með sér yfir landamærin).

4. Klára lífsverkefnið sem liggur harðlæst ofan í skúffu og rykfellur.

5. Prófa fallhlífarstökk (Segi þetta til að ég líti út fyrir að vera ævintýragjörn).

6. Ná mér af köngulóarfóbíunni/innilokunarfóbíunni/víðáttufælninni/lofthræðslunni osfrv.

7. Predika í Dómkirkjunni.

8. Fara í spænsku upp í Háskóla.

10.  Skrifa stíf fyrirmæli um mína eigin bálför.  Þar á að vera fjör, dans og gaman.  Væmni bönnuð.  Engum bréfþurrkum útdeilt við innganginn.  Vanir menn vönduð vinna. (Ég er EKKI morbid).

10. Hætta að velta mér upp úr stjörnuspám blaðanna sem ég hef hvort sem er enga trú á.  En spá dagsins er þessi:

"Steingeit: Ekkert hefur verri áhrif á sálarheill þína en hlutar lífsins sem þú hefur ekki lifað. Farðu því yfir listann og reynda að setja eitthvað úr seinna-flokkinum í núna-flokkinn."

Samkvæmt stjörnuspá laugardagsins verð ég að fara að forgangsraða.  Það skýrir ofannefndan lista.

Æmagonner.

Úje

P.s. Ef ég dytti svo niður dauð bara á næstunni munu allir segja: Greyið hún hefur fundið þetta á sér. Svo næm hún Jenny.  Hæhó!

Athugasemdir

[Gísli Bergsveinn Ívarsson, 11.8.2007 kl. 02:30]

Lýst vel á það sem þú segir um jarðarförina.  Vil sjálfur hafa fjör þegar ég verð kvaddur (ef einhverjir nenna þá að koma).

[Jenný Anna Baldursdóttir, 11.8.2007 kl. 02:33]

Það verður allavega ekki skyldumæting í mína jarðarför, það er á hreinu.  Ég fer ekki í jarðarfarir nema ég nauðsynlega þurfi.  Er viss um að ég verð "long gone" þegar kveðjupartíið verður haldið.

[krossgata, 11.8.2007 kl. 02:39]

Heh hum.  Maður fari með fíknirnar með sér í eilífðarvistina?  Ég get bara ekki hugsað mér betri stað að taka þær með á.... maður geispar ekki golunni af þeirra völdum þar

[Jenný Anna Baldursdóttir, 11.8.2007 kl. 02:41]

Þú meinar, krossgata.  Ég ætti þá kannski að halda bara áfram að reykja.  Sko einhver sagði mér að maður væri eins og grár köttur á jörðinni (sko dauður) að reyna að anda að sér sígóreyk og það tækist aldrei.  Þessi vitleysa hefur gefið mér marga martröðina

[Bjarndís Helena Mitchell, 11.8.2007 kl. 03:03]

LOL, það vantar ekki skipulagnina. Ég yrði svo hrædd um að gleyma einhverju að listinn yrði endalaus, fengi ekki tíma til að geispa golunni!

[Kristín Katla Árnadóttir, 11.8.2007 kl. 09:08]

Ég ætla hafa mína í kyrrþey.

[Birna Dis Vilbertsdóttir (IP-tala skráð) 11.8.2007 kl. 09:12]

 Ég ætla að taka þátt í mínu kveðjupartýi. Það verður slegið upp stórveislu þegar ég verð 85 ára og partý með hljómsveit og allt. Trúlega verður Vinarbandið pantað til að sjá um tónlistarflutning og svo þekki ég nokkra góða söngfugla sem ætla að mæta. Ég ætla ekki að missa af þeirri veislu  enda kveðjupartýið MITT.

[Ásdís Sigurðardóttir, 11.8.2007 kl. 09:33]

Fyrsta sem ég hugsaði þegar ég sá fyrirsögnina var morbid, fegin að svo er ekki. Annars er gott að sipuleggja svona hluti, maður vill nú stjórna fram í rauðan dauðann og yfirum.

[Edda Agnarsdóttir, 11.8.2007 kl. 09:36]

Hahaha sú er skipulögð - var eimitt að heyra af einum sem var búinskipuleggja allt hvernig jarðaförin ætti að vera og hverjir ættu að bera kistuna og alles!Líka hverjir áttu að syngja!

[Ingi Geir Hreinsson, 11.8.2007 kl. 10:02]

köngulóarfóbíunni/.../lofthræðslunni      ÞÚ LÍKA!!!!

Ég var að horfa á Friends í gær (ég veit ég veit, mea culpa) og heyrði hina besta grafskrift á legstein

Phoebe Bouffet - BURIED ALIVE.

[Laufey Ólafsdóttir, 11.8.2007 kl. 11:28]

Hehe, kast . Mig dreymdi í nótt að þú heimsæktir mig Jenný! Varð að gera það mitt fyrsta verk að kíkja hér á þig um leið og ég opnaði tölvuna... Knús á þig!

[Ásthildur Cesil Þórðardóttir, 11.8.2007 kl. 11:31]

Aldeilis fjör hérna.  Ég ætla líka að vera með í minni jarðarför.  Jarðarför, þetta hljómar eins og maður komi utan úr geimnum. 

[Guðrún B. (IP-tala skráð) 11.8.2007 kl. 11:31]

Haha Jenný þú ert kostuleg.  Mig hefur líka alltaf langað að prédika í Dómkirkjunni. En hóaðu í mig þegar þú stígur í stólinn.. Þá ætla ég að sitja á fremsta bekk. 

[Jenný Anna Baldursdóttir, 11.8.2007 kl. 11:37]

Þið eruð æðisleg öll börnin góð.  Mjög Phobisk grafskrift þú seki maður Ingi.

Guðrún læt þig vita um leið og ég er búin að bóka Dómkirkjuna. Sendi út boðskort, ekkert minna.

[Jenný Anna Baldursdóttir, 11.8.2007 kl. 11:37]

Laufey var ég að ofsækja þig í draumnum?  Vona að ég hafi verið til friðs.

[Laufey Ólafsdóttir, 11.8.2007 kl. 12:43]

Þú varst ákaflega indæl Jenný mín! Faðmaðir mig og alles. Svo fór þetta allt út í eitthvað rugl eins og draumar gera . Takk fyrir komuna!