TELJARI FRÁ HROSSINU

 

Er yfirkomin af hamingju, skussinn ég gat sett inn teljara á bloggið mitt.  Ekki hvaða teljara sem er, heldur einn sem skráir tölu þeirra Íraka sem látist hafa vegna innrásarinnar í landið.  Þennan teljara fékk ég hjá Hrossinu í haganum bloggvinkonu minni (www.hross.blog.is).  Alveg er það skelfilegt að horfa á þessa tölu sem nú er komin vel yfir milljón látinna.

Þvílíkt virðingarleysi fyrir manneskjunni.

 

Athugasemdir

[Ragnheiður , 11.8.2007 kl. 00:02]

Þetta er glataðasta helvíti...ömurlegt stríðsbrölt og bitnar eins og öll stríð á saklausum borgurum...Djö ég verð líka reið við tilhugsunina um að við erum óbeinir þátttakendur í þessu. Það hefði ég aldrei skrifað upp á hefði ég verið spurð að því !!

[Jóna Á. Gísladóttir, 11.8.2007 kl. 00:30]

STRAX

[halkatla, 11.8.2007 kl. 00:43]

þetta Íraksástand gerir mann svo reiðann hvað er mannskepnan að pæla? Svar; EKKERT! 

[Örn Johnson´43 (IP-tala skráð) 11.8.2007 kl. 00:46]

Sæl Jenný,

skelfileg tala, leitt hve margir Írakar vilja drepa marga Íraka. Annars er enn meira leitt að þú, líklega skynsöm kona, hafi dottið í þá gryfju að trúa þessari tölu sem var einu sinni á netinu en er búið að bera maroft til baka. Taktu nú þessa tölu, eina milljón, deildu með 3 árum, um 333 þús á ári, nær 1000 á dag. Þegar fréttastofu Ríkisútvarpsins tekst vel til, honum Óðni fréttastjóra, "velvildarmanni Bandaríkjanna", nær hann kannski 80 manns í hádegisfréttunum. Engin viðbót í kvöldfréttunum. Hvernig skyldi Óðinn fréttastjóri klikka á hinum 920 á dag ? Eru þeir kannski ekki til ? Er Óðinn óður ? Svarið er auðvitað nei, þín tala er rugl og minnstu þess að Bandaríkjamenn hafa drepið fæsta, þetta eru Írakar að drepa samlanda sína, skelfilegt er nú það. Veistu að með þínum tölum og sama áframhaldi yrðu Írakar innan vuð 8 ár að þurka sig út af yfirborði jarðar.

Reyndu að hugsa, Jenný, látu ekki ljúga of miklu að þér og breiða vitleysua út hér á netinu.

Kveðja, Örn

[Jenný Anna Baldursdóttir, 11.8.2007 kl. 01:11]

Það er gott að USA eiga sér málsvara í þér Örn.  Skrifaði ég eitt orð um hver dræpi hvern? Ég held ekki.  Ég held að ég missi mig ekki út í rökræður við þig en þakka þér fyrir innlitið.

[Ragnheiður , 11.8.2007 kl. 01:14]

voðaleg kurteisi er þetta   finn ekki tollvörð

[Sigurður Eðvaldsson (IP-tala skráð) 11.8.2007 kl. 01:31]

Að mínu áliti er þetta góð röksemdarfærlsa hjá honum Erni #4. Það er auðvitað mjög hryggilegt að þjóð skuli berast á banaspjótum. En mér finnst það ósmekklegt að vera að setja upp teljara hve margir liggi í valnum eftir að Bandamenn réðust inn í Írak.Teljari sem margoft hefur verið verið véfengdur víða um heim.Með sömu rökum mætti, og þá mundu e.t.v renna tvær grímur á marga, ef settur yrði upp teljari hve margir væru látnir ef Saddam gamli væri enn við völd. Eða tölur yrðu birtar um hve margir féllu á þeim árum sem hann ríkti í Írak.Hann var nú ekki beint þekktur fyrir að meðhöndla þegna Íraks neinum vettlingatökum.Svo ekki sé talað um þegna í nágrannalöndum Írak.

[Jenný Anna Baldursdóttir, 11.8.2007 kl. 01:42]

Af hverju Sigurður er ekki sama hver drepur hvern?  Nú er það svo að USA er innrásarlið í landinu. Þeir fara með ófriði.  Það er bara staðreynd.

Ég er ekki talsmaður Saddams, sem er meira en USA getur haldið fram, því það voru þeir svo sannarlega þegar það hentaði þeim.  Ein ljót gjörð réttlætir ekki aðra.

Kveðjur,

[Sigurður Eðvaldsson (IP-tala skráð) 11.8.2007 kl. 02:30]

 Kæra Jenný. Ég er alls ekki að segja að það skipti máli hver drepur hvern. Ég vil meina að ástandið í Írak var engu skárra fyrir innrás bandamanna í Írak. Það er aðeins okkur sýnilegra í dag þar sem við fáum nú daglegar fréttir þaðan.Því var ekki að heilsa þegar Saddam var þar við völd. Þó að súnnítar og sítar drepi hvorn annan, þá er bandamönnum kennt um,af andstæðingum innrásarinnar í Írak. Engu máli virðist þá skipta þó að bandamenn hafi hvergi komið nálægt eða átt neinn hlut að máli í þeim vígaferlum sem rætt er um. Og fyrst þú ert að tala um staðreyndir að USA fari um með ófriði í Írak þá ættir þú ekki að vera í vandræðum með að rökstyðja það.

Það er hárrétt hjá þér að Saddam var álitin bandamaður vesturlanda í denn, eða þegar þeim hentaði það. Ein ljót gjörð réttlætir ekki aðra, eins og þú bentir á. Það er hins vegar allveg ljóst að Saddam varð ekki óvinur vesturlanda vegna þess að hann var ljúfmenni og miskunnsamur.Hann ber ábyrgð á dauða mun fleiri manneskja heldur en mælirinn ykkar sýnir.Þó svo að ég álíti þá tölur sem hann sýnir hreinustu fjarstöðu.

[Jenný Anna Baldursdóttir, 11.8.2007 kl. 02:36]

Við skulum bíða og sjá Sigurður.  Það væri gott ef rétt reynist, að mannfall á Írökum sé minna en haldið er fram. Samt er hvert mannslát einu of mikið.

Auðvitað fara þeir sem ráðast inn í land með ófriði.  Það þarf vart að rökstyðjaþ

Takk fyrir innleggin.

Kveðjur,

[Sigurður Eðvaldsson (IP-tala skráð) 11.8.2007 kl. 02:58]

Kæra Jenný.

Innrás er ekki endilega sama og innrás og ófriður er ekki endilega sama og ófriður.Að sjálfsögðu er það óhjákvæmileg staðreynd að við innrás í land verður mannfall.En ef innrásin er gerð til þess að hindra aðrar yfirvofandi hörmungar geta menn með innrás verið að fórna minni hagsmunum fyrir meiri.Þeir eru fáir í dag sem finnst það hafa verið óréttlætanlegt fyrir bandamenn að ráðast inn í Þýskaland við lok seinni heimstyrjaldar. Það finnst vart sá maður á þessari jarðkringlu sem gagnrýnir Víetnama fyrir innrás þeirra í Kambódíu á áttunda áratugnum þegar þeir steyptu hinum illræmdu Rauðu Kmerum af valdastóli.Það var okkur vesturlandabúum til mikillar skammar að ráðast ekki fyrr en við gerðum inn í lýðveldi fyrrum Júgóslavíu sem og síðar Kosovo hérað  til að stilla þar til friðar.Nær allir eru sammála um það í dag að það hafi verið réttlætanleg og óhjákvæmileg aðgerð.Sagan mun dæma innrásirnar í Írak og Afganistan. Og ég spái því að fólk á vesturlöndum muni í seinni tíð sjá það að við innrásirnar í þessi lönd hafi í raun verið fórnað minni hagsmunum fyrir meiri.

[Ásthildur Cesil Þórðardóttir, 11.8.2007 kl. 11:35]

Þessi innrás var ólögleg sviksamleg innrás inn í fullvalda ríki í nafni samhjálpar, sem var lélegt yfirklór til að ná í olíuauð Íraka.  Þetta brölt er andstyggilegt frá a til ö, og því miður vorum við dregin inn í þetta af tveimur mönnum sem höfðu ekki rétt til að gera það, án samráðs við utanríkismálanefnd. 'Eg segi bara Bandaríkjamenn og aðrir sem lugu þessu stríði af stað ættu að kunna að skammast sín.

[halkatla, 11.8.2007 kl. 15:27]

nokkrir tugir á dag sem deyja í sprengjuárásum, vígasveitir fara um og drepa nokkra, þetta er eitthvað sem maður nennir varla að tala um lengur það er svo sorglegt. Það var vitað mál að stríð myndi ekki hjálpa þessu fólki, og það hefur svo sannarlega komið á daginn að ástandið er verra núna en það var á meðan Saddam réði, og það ekki bara í írak heldur almennt. Hvað á svo eftir að gerast á næstunni....