KRÚTTBLOGG II

Þennan verð ég að skjalfesta áður en ég gleymi honum, en gullkornin hrynja inn þessa dagana.

Jenny Una Eriksdóttir var að troða böngsum og öðrum loðkvikindum í dúkkuvagninn.  Vagninn tók ekki meir og bjarndýrið stóra og loðna, datt á gólfið aftur og aftur.  Loks þraut þolinmæðina hjá barni og ég heyrði hana segja hátt og ákveðið (um leið og hún þrykkti kvikindinu af öllu afli ofan á hrúguna):

"VERTU KURR ÓLÁNIÐ ÞITT"

Amman þarf greinilega að fara að ritskoða sig aðeins,  að minnsta kosti þar til barnabarn nær þriggja ára aldri, en það verður þ. 30. desember n.k.

Veriði svo kurr þarna ofvirklarnir ykkar.

Úje

Athugasemdir

[krossgata, 8.8.2007 kl. 14:24]

Þau eru einstök krútt á þessum aldri.  Ég hef verið að ræða við ömmukútinn (3ja ára) komandi litlu systur og sting upp á alls konar nöfnum fyrir hana.  Ekkert nafn hefur verið kútnum þóknanlegt á bumbubúa mömmu hans.  Svo amman brá á það ráð að endurtaka tillögur að nokkrum vel völdum nöfnum.  Kúturinn sá strax í gegnum það og sagði af festu:  "*Amma, við erum búin að ræða þetta".

[Bjarndís Helena Mitchell, 8.8.2007 kl. 14:31]

LOL, þau eru óborganleg á þessum aldri. Þegar minn yngsti var 2-3 ára var hann með bíladellu og tækjadellu mikla. Vildi fá að vita nöfnin á öllum bílum vinafólks okkar. Svo einn daginn var ég að keyra honum í leikskólann, þegar við keyrum framhjá ryksugubíl. Ég vissi ekki hvert hann ætlaði, kallaði hástöfum "ryksjúgubílí ryksjúgubílí"!! og vildi greinilega að ég myndi stoppa til að hann fengi að prófa herlegheitin..... Sá var sár þegar ég gat það ekki.

[Birna Dís , 8.8.2007 kl. 14:32]

Díjj - bloggheimar eru fullir af ofur krúttilegum börnum. Þetta hjálpar ekki skynsemisröddinni sem er búin að ákveða að það séu minnst 5 ár í að ég eignist börn. Getur maður leigt svona krútt einhverstaðar?

[Jenný Anna Baldursdóttir, 8.8.2007 kl. 14:45]

Það má alltaf fá að passa svona við og við amk.

[Ragnheiður , 8.8.2007 kl. 14:48]

hehehehe á þessum aldri eru þau líka eins og litlar orðaryksugur, það er alveg nóg að glopra einusinni út óheppilegu orði. Næst glymur orðið í áttræðisafmæli langafans eða á einhverjum álíka ópassandi stað.

[Ásdís Sigurðardóttir, 8.8.2007 kl. 15:43]

Je, það hefur komið í kollinn á manni ýmis orð sögð í hugsunarleysi.  Best að passa sig.   en það er sko alveg á hreinu að Jenny Una er ekkert ólán.

[Ragnhildur Sverrisdóttir, 8.8.2007 kl. 15:48]

Hahaha, já, allt sem fer inn um eyrun á þessum krílum skilar sér út um munninn. Eins gott að gæta að sér

Birna Dís bíður ekki í 5 ár með þessu áframhaldi

[Svava frá Strandbergi , 8.8.2007 kl. 16:05]

Það sannast oft gamla máltækið, 'Betri er belgur hjá en barn´

[Edda Agnarsdóttir, 8.8.2007 kl. 16:07]

Þú verður að fá þér upptökutæki!

[Birna Dis Vilbertsdóttir (IP-tala skráð) 8.8.2007 kl. 16:59]

 yndislegt

[Anna Ólafsdóttir (anno) (IP-tala skráð) 8.8.2007 kl. 17:21]

ofvirkill - þetta fer í orðabókina. „Ég heiti Anna og ég er ofvirkill“

[Jóna Á. Gísladóttir, 8.8.2007 kl. 18:19]

rólegasta fólki þrýtur þolinmæði. Ólán er pent og vel valið orð. Ótrúlega þroskuð hún Jenny Una