LJÓTAN AÐ GANGA

Ef ég væri ekki svona íðilfögur frá náttúrunnar hendi, mætti beinlínis segja að í dag væri ég með ljótuna.  Hárið á mér lítur út eins og ég hafi hrært í því með handþeytaranum og ég er náföl í framan (af skelfingu yfir hárinu sko).  Svo er ég í bleik-slettóttum bómullarnáttbuxum, þar sem rúma má tvo stæðilega karlmenn til viðbótar hinni aumu mér og hippamussan eiturgræna kórónar svo sköpunarverkið.

Það er alveg í lagi að vera með ljótuna heima hjá sér.  Jenny Una gerir engar athugasemdir þó amman sé eins og splæstur vindill í útliti en ég fór að hugsa um hvað ég myndi gera ef einhver hringdi á bjöllunni.  T.d. einhver að safna flöskum fyrir íþróttafélag.  Það gerist ósjaldan.  Eða ef einhverjum vinum eða vandamönnum dytti í hug að kíkja í heimsókn.  Meira að segja mínir nánustu ættingjar eins systur mínar og foreldrar eru ekki nægjanlega skyld mér til að ég leggi þetta á þau, reyndar er enginn nema húsbandið og Jenny Una sem fá að bera dýrðina mig augum þegar svona stendur á.   Að þessu sögðu getið þið ímyndað ykkur hvernig ókunnugu fólki gæti orðið við.

Ég er farin í "extreme makeover" og það á stundinni.

Rís upp eins og fuglinn Fönix að því verki loknu.

Kaffi og kökur í boði á kærleiksheimilinu eftir nákvæmlega fjóra klukkutíma.

Ójammogjá!

 

Athugasemdir

[Ragnheiður , 4.8.2007 kl. 20:13]

hey ég kem stökkvandi strax, er alveg í stíl við þitt útlit !

[Þröstur Unnar, 4.8.2007 kl. 20:18]

Taktu þig til kjelling, er að koma.

[Maja Solla (IP-tala skráð) 4.8.2007 kl. 20:35]

Bíddu, getur verið að þetta smitist í gegnum bloggið?

Svei mér, ef þér hefur ekki tekist að klína þessu á mig líka...
Bölvuð.

[Edda Agnarsdóttir, 4.8.2007 kl. 20:36]

Hvað er þetta eins og í sveitinni í gamladaga - bara kvöldkaffi og fínerí!  Ég kæmi undir eins ef ég væri ekki í Sverige.

[Guðríður Hrefna Haraldsdóttir, 4.8.2007 kl. 20:42]

Trúi ekki orði af því sem þú segir ... kommon þótt einn hárlokkur sitji ekki rétt og hippamussan sveiflist, só! Þú ert ábyggilega eiturfögur, isskan. Myndi sko koma til þín ef ég væri ekki í sveitinni og byggi ekki á Akransi og ... ef þú værir ekki að koma til mín eftir sjö daga.

[Ólöf Anna , 4.8.2007 kl. 21:01]

haha 4 tíma. Takktu bara Gurríuna á þetta og vertu klár eftir 2,5.

[Ólöf Anna , 4.8.2007 kl. 21:02]

mín.

[Hrönn Sigurðardóttir, 4.8.2007 kl. 21:09]

ljótan? Þekki ekki hugtakið..........

viss um að þú ert innst inni alltaf falleg, bara mislangt inn.......

[Anna Ólafsdóttir (anno) (IP-tala skráð) 4.8.2007 kl. 21:13]

Mamma mín lýsti ákveðnu ástandi þannig að hún væri eins og reytt hænurassgat í vindi. Er þetta eikkað soleiðis???

Ég segi eins og Gurrí, þú varst búin að segja í einhverri færslu í dag að þú tækir þér það bessaleyfi að falsa, staðfæra og ég veit ekki hvað frá þessum heimildamanni þínum. Hann hefur örugglega sagt eitthvað yndislegt og fallegt um útlitið á þér og þegar það er búið að fara í gegnum ritskoðun er þetta útkoman

[Anna Ólafsdóttir (anno) (IP-tala skráð) 4.8.2007 kl. 21:43]

PS: meilímeil

[Jenný Anna Baldursdóttir, 4.8.2007 kl. 22:48]

Anna mín, sko suma daga er maður eins og "hænurassgat í vindi", s.s. með ljótuna.  Þannig dagur er þetta í dag.  Ég nánast gargaði í hvert skipti sem ég gekk framhjá spegli.

Hrönn mín, ljótan er þegar þú ert ljót frá hári og niðurúr og ert gangandi sjónmengunarfyrirkomulag.

Gurrían verður ekki tekin á þetta ástand ÓA, það er of illa fyrir mér komið í dag.

Görr er alltaf fögur en núna er ég töluvert minna fögur en þegar ég kem stormandi í ammílið.

Og hér kemur enginn í heimsókn (grimmdarkall) því það fer í skapið á mér að vera illa haldin af ófríðu.

Smjúts.

[Elín Arnar, 4.8.2007 kl. 23:10]

ég finn til með þér Jenný mín en er jafnframt glöð að hafa fundið þjáningarsystur því ég er einmitt með ljótuna á hæsta stigi. Við erum samt heppnar að svona slæm tilfelli hafi borið niður á frídegi. Annars hefði ég sennilega hringt mig inn veika. VIÐ VERÐUM FALLEGAR Á MORGUN!!! 

[Jenný Anna Baldursdóttir, 4.8.2007 kl. 23:19]

Ók Elín, notum nóttina í sparsl og aðrar akútaðgerðir fyrir morgundaginn.

[Ragnheiður , 4.8.2007 kl. 23:32]

ég er með 20 kílóa fötu af sparsli hérna, það verður kannski smá afgangur þegar ég er búin...viljiði smá slettu ? þetta er timburveggja sparsl, bara smá myglað sumsstaðar...

[Jóna Á. Gísladóttir, 4.8.2007 kl. 23:44]

OMG ég er að gleyma einhverju eþagi??? Afmælisfóbían er komin upp. Hverju er ég að gleyma?

[Karl Tómasson, 5.8.2007 kl. 00:00]

Jenní, svaka varst þú fúl að segja að skoðanakönnun mín væri leiðinleg.

Þú sem ert í baráttunni eftir fyrsta sólarhring.

Bestu kveðjur frá Kalla Tomm úr Mosó.

[Jenný Anna Baldursdóttir, 5.8.2007 kl. 00:15]

Ég sagði ekki Kalli minn að hún væri leiðinleg.  Ég sagði að hún væri asnaleg og með því meinti ég (og hefði átt að útskýra betur) að það er ekki hægt að velja úr stórum hópi frábærra bloggara sem allir blogga hver á sinn máta.  Ég var með svo mikinn valkvíða að ég átti í stökustu vandræðum.  Hehe, fyrirgefðu hvað ég var leiðinleg.

Kveðja from me to you.

[Jóna Á. Gísladóttir, 5.8.2007 kl. 01:01]

meilímeil