AÐÞYKJASTEKKIVILJAVERAFRÆGURHEILKENNIÐ

 

Arg, hvað ég þoli þetta varðhundafyrirbæri illa.  Nú hafa hundar í eigu leikarans Ving Rhames (sem setti niður sína síðustu kartöflu í mínum garði með því að leika Kojak), ráðist á og drepið mann sem vann hjá leikaranum.

Hafið þið pælt í einu?  Er ekki merkilegt að allt þetta fræga fólk, sem hefur ekki unað sér hvíldar við að slá í gegn, verða frægt, koma sér á framfæri, verður ógisla pirrað á frægðinni um leið og þeir eru búnir að meika það?  Alveg furðulegur andskoti.  Svo kvartar þetta lið yfir átroðningi og lætur eins og það sé einrænt og algjörlega laust við athyglissýki á háu stigi.  Það verður auðvitað ekki bæði haldið og sleppt.

Bítsmí.

 

Hundar Ving Rhames taldir hafa drepið mann

Athugasemdir

[Jóna Á. Gísladóttir, 4.8.2007 kl. 13:23]

svakaleg frétt er þetta.

Ég held að svakalega frægt fólk verði veruleikfirrt með tímanum og viti ekki í hvorn fótinn það eigi að stíga. Gerviveröldin sem fólk býr í í Hollywood er sjúkari en við gerum okkur grein fyrir. Og fólk verður samdaun ástandinu. Merðvirkir. ég yrði það líka er ég viss um.

Maður heyrir reglulega um leikara sem kjósa að búa alls ekki í Hollywood heldur reyna að halda sig fjarri sjúkleikanum á milli verkefna. Held t.d. að Tom Hanks sé einn af þeim.

er ég of alvarleg? Er samt í stuði með Guði

[Jenný Anna Baldursdóttir, 4.8.2007 kl. 13:25]

Þú ert bara flottust Jóna mín, eins og alltaf.  Ég er sammála svona að öllum gamni slepptu.  Jodie Foster er t.d. ein af þeim sem heldur sér alveg fyrir utan þetta rugl.  Hún er reyndar ein af mínum uppáhalds.

[Hrönn Sigurðardóttir, 4.8.2007 kl. 13:40]

Tom Hanks er minn uppáhalds......

[Birna Dís , 4.8.2007 kl. 13:49]

Alveg sammála - held að þetta lið sæki í að vera í ösinni með alla ljósmyndarana í kringum sig. Svo fær það eitthvað píslavottarsyndrom og á svo ótrúlega bágt útaf þessu öllu saman. Frekar vil ég bara vera litla ég sem engin veit hver er

[Ásthildur Cesil Þórðardóttir, 4.8.2007 kl. 15:09]

Einmitt það verður víst ekki bæði sleppt og haldið.

[xxx (IP-tala skráð) 4.8.2007 kl. 17:32]

Hundar í eigu leikarans Ving Rhames eru taldir hafa ráðist á og drepið fertugan mann

er ekki betra að leifa ransóknarmönnum að staðfesta þennan grun áður enn þú gerir það ;)

bara svona góðfúsleg ábending umm ranga staðhæfingu í þinni grein  

[Guðríður Hrefna Haraldsdóttir, 4.8.2007 kl. 20:39]

Fyndið að berjast fyrir því árum, jafnvel áratugum saman að verða frægur. Svo tekst það og þá er næstu árum og áratugum eytt í að fela sig á bak við sólgleraugu og innrita sig á hótel undir fölsku nafni til að þekkjast ekki.