AF VEÐRUÐUM BLOGGURUM

 

Þið sem hélduð að hér ætti að fara að ráðast á annarra manna blogg hafið verið TEKIN.  Ekkert slíkt stendur til.  Sussu-sussu, maður er aldrei andstyggilegur fyrr en eftir kl. 10,00 á morgnanna.  Það stendur í Bibbu Biblíu.  Stranglega bannað.

Þegar ég er að lesa á blogginu rekst ég auðvitað á allskonar blogg frá fólki sem ég hef ekki tekið eftir áður og það eru oft fyrirsagnirnar sem fanga athygli mína.  Það eru mörg blogg þessa dagana sem fjalla um eftirfarandi:

Fríið búið - Vinna á morgun - Okkur rigndi niður í Englandi- Við hefðum betur setið heima-  og fleira í þessum dúr.  Dúa vinkona mín skrifaði um bloggmeðvirkni um daginn  og ég var ekki sammála henni um hennar skilgreiningu á fyrirbærinu (www.dua-athugasemd.blog.is), en hvað varðar svona blogg þá er ég svakalega meðvirk.  Ég dauðvorkenni fólkinu sem er búið að vera í sumarfríi og hefur ekki farið úr stígvélunum allan tímann, er komið á Penisilín og er með bullandi bronkitis.  Ekki nóg með það heldur er fríið búið og vinnan handan við hornið, sem yfirleitt er hið besta mál, en ekki alveg, þegar fríinu hefur verið eytt í vatnsaustur og kvefpestir.  Fríið attbú og vesalings fólkið á ekki svo mikið sem einn dag eftir í fríi til að jafna sig eftir ósköpin.

Svo blasir við sú staðreynd, að eftir næstu helgi er ekki einn einast rauður dagur á almanakinu fyrir en 24. desember.

Það er eins gott að bretta upp ermar, láta sér batna og vona að fríið takist betur næst.

Æfílforðesökkers!

 

 

Úje

Athugasemdir

[Jenný Anna Baldursdóttir, 31.7.2007 kl. 10:41]

Mun ekki koma fyrir aftur.  Tek þig út samstundis og fleygi þér af bloggvinalistanum.

[Jenný Anna Baldursdóttir, 31.7.2007 kl. 10:58]

Get ekki hamið mig af ást (ellýjarkall).  Muhahahaha

[Sunna Dóra Möller, 31.7.2007 kl. 11:13]

Ég fékk stórt þunglyndiskat þegar ég sá að það er ekki einn rauður dagur fram til 24 des....hafði ekki áttað mig á því sjálf.....*grenj*!

[Ásdís Sigurðardóttir, 31.7.2007 kl. 11:27]

Hvernig gastu fengið af þér að sjokkera allt vinnandi fólk með þeirr frétt að það sé ekki rauður dagur fyrr en í des. Þú gleymir öllum sunnudögunum dúlla mín, annars er mér slétt saman, verkirnir mínir fá hvorki helgar né sumarfrí  heppin 

[Jóna Á. Gísladóttir, 31.7.2007 kl. 17:35]

þrír dagar í sumarfrí hjá þessari konu. jibbbbbííííííí

[Jenný Anna Baldursdóttir, 31.7.2007 kl. 17:53]