ERU EKKI EINVHERJIR ÞARNA ÚTI...

...sem hafa í heiðri orðatiltækið (málsháttinn) "í upphafi skyldi endirinn skoða"?  Þetta er einn af mínum uppáhalds og ég les alltaf endirinn á spennubókum áður en ég fer að lesa fyrir alvöru.  Þetta geri ég til að geta notið bókarinnar í rólegheitum og þurfa ekki að vera stressa mig yfir sögulokum.

Ástæða þess að ég er að röfla um þetta svona snemma á laugardagsmorgni er einföld.  Ég get ekki verið ein um nota þessa aðferð.  Þið Harry Potter lesendur sem eruð búnir að grafast fyrir um endi bókarinnar, skellið sögulokunum hérna í athugasemdakerfið hjá mér.  Hverjir dóu?  Gefið mér sóðaleg smáatriðin.

Skvísmí.

Athugasemdir

[Hrönn Sigurðardóttir, 21.7.2007 kl. 09:07]

hehehehehehehe - það væri svo hægt að opna hjálparlínu fyrir þá sem lesa bloggið þitt..........

[halkatla, 21.7.2007 kl. 09:32]

einu sinni hélt ég þetta í heiðri en ekki lengur...

[Þröstur Unnar, 21.7.2007 kl. 09:49]

Tek að mér andlega aðstoð þeirra sem þurfa á að halda vegna óvæntra endaloka Pottersins.

Spila róleg lög á kassagítar. "Í leikskóla er gaman" o.fl.

[Ester Júlía, 21.7.2007 kl. 09:58]

Sammála...ég vil sjá endinn ...og allt það sóðalegasta!  Þá þarf ég ekki að lesa bókina

[Jóna Á. Gísladóttir, 21.7.2007 kl. 13:05]

 rugludallur.

Aldrei á ævinni hef ég skoðað endi á bók áður en ég les hana. Í alvöru. Ég tími því ekki.

þar sem ég hef aldrei lesið Harry Potter (hef þó gert tilraun til þess) þá hef ég enga samkennd með söguhetjunum. Er því í sannleika sagt slétt sama hver gefur upp öndina.

[Jenný Anna Baldursdóttir, 21.7.2007 kl. 13:20]

Mér er líka slétt sama en ég held að Harry Potter lifi því það þarf að halda áfram að mylja gull.  Sannið þið til.

[Jóna Á. Gísladóttir, 21.7.2007 kl. 14:54]

Ég er spenntust að vita hvort Rawlings nái að skrifa aðrar bækur með viðlíka vinsældir. Ekki það að hún þurfi þess peninganna vegna. Það er ljóst.

Hefur einhver látið vita af boði Þrastar? Takk Þröstur. nefnt lag hefur hljómað í hausnum á mér síðan ég las kommentið þitt.

[Guðríður Hrefna Haraldsdóttir, 21.7.2007 kl. 15:51]

Var að kaupa mér Potter ... veit ekki hvaða masókismi réð því að ég opnaði kommentakerfið hjá þér núna. Sem betur fer eru bloggvinir þínir og aðrir kommentarar ekki búnir að lesa bókina. Til öryggis kíki ég ekki á næstu komment við þessa færslu. Skamm!