HÆTT AÐ BLOGGA?

 

Í dag er ég eins og biluð kona.

Sumir dagar eru umhugsunardagar og sumir morgnar eru alveg sérstaklega miklir umhugsunarmorgnar eins og þessi í dag.  Ég er döpur.  Döpur yfir dauðaslysinu við Akranes í gær, döpur vegna fólksins sem bloggar hér og er með krabbamein, eða aðstandendur barns með krabbamein eins og mamma hennar Þuríðar.  Bloggheimurinn er stundum svo nærri manni, það er erfiðara að ýta frá sér hlutum þegar maður fær þá beint í æð, fólkið á bak við harmleikina fær andlit og það deilir með manni hugsunum sínum, sorgum og gleði.  Tvær ungar konur sem hafa bloggað hér um sinn sjúkdóm hafa látist með stuttu millibili.  Mér finnst ég hafa þekkt þær báðar.

Svo brosi ég í kampinn yfir öðru sem hér er að lesa.  Eins og örlagasögu Lúkasar.  Þvílíkur bömmer í báðar áttir.  Lúkas bara ósvífinn á lífi uppi í fjalli og með attitjúd og neitar að láta góma sig. Kertavökurnar komu mér undarlega fyrir sjónir þegar þær voru haldnar, núna eru þær beinlínis broslegar. Svo verð ég leið yfir unga manninum sem var nánast tekinn af lífi fyrir að hafa myrt hundinn á hroðalegan hátt og svo sagði einhver í fréttunum að kannski hefði það bara verið annar hundur í töskunni sem hafi verið myrtur. Þá varð mér nú allri lokið.  Ef ekkert er líkið þá búum við það bara til.

Það er fullt af öðru fyrirkomulagi sem gerir mig reiða hér á blogginu, en ég nenni ekki að eyða orku í að skrifa um það, sko ekki núna. Ég hef nefnilega hugsað mér að eiga góðan dag.  Skemmtilegu og gefandi bloggin eru svo mörg og þau skilja eftir sig framlag til lífsgleði þegar ég á í hlut og bjarga svona "döprum dögum" í Seljahverfinu.

Sumir eru sífellt hættandi að blogga.  Þeir móðgast og hætta að blogga.  Þeir pirrast og hætta að blogga, þeir gera mistök og hætta að blogga.  En þeir eiga það allir sameiginlegt að hætta EKKI að blogga.  Þess vegna ætla ég að hoppa yfir þessa yfirlýsingu um að ég sé hætt að blogga.. og halda áfram að blogga, jafnvel þótt ekki hafi verið hátt á mér risið þegar ég opnaði augun í morgun.

SÚMÍ 

Athugasemdir

[Þröstur Unnar, 17.7.2007 kl. 09:39]

Velkomin í hópinn "hætt að blogga" .Mér hefur fundist það sama og þér varðandi að  "kynnast fólki" á blogginu. Finnst ég þekkja það sumt hvert, og er bara ánægður með það. Til dæmis eins og þig Jenný. Þú veitir mér eins og einhverskonar öryggi, umhyggju, eða eitthvað, með því að blogga og setja stöku comment á mínar færslur. Skrítið ekki satt? En skemmtilegt og notalegt.

Færslurnar þínar fá mann oft til að hugsa málið frá öðrum hliðum.

Haltu bara áfram að "hætta" að blogga, og blogga.

[Jenný Anna Baldursdóttir, 17.7.2007 kl. 09:41]

Takk Þröstur Unnar, er með þig í gjörgæslu, þe les þig alltaf, kommentera reyndar alltof sjaldan.  Ég skal vera amma þín í staðinn.  Újeeee

[Þröstur Unnar, 17.7.2007 kl. 09:47]

[Edda Agnarsdóttir, 17.7.2007 kl. 09:50]

Bless kjútí pæ, heyrumst innan tíðar er að fara í bílinn - mannurinn er svo hneykslaður hvað ég er róleg!

[Díta (IP-tala skráð) 17.7.2007 kl. 10:47]

"Lúkas bara ósvífinn á lífi uppi í fjalli og með attitjúd"

Snilld sem bjargaði morgninum hjá mér

Hafðu góðan dag, Jenný mín 

[Sigríður Sigurðardóttir, 17.7.2007 kl. 10:56]

  Gruna Lúkas karlinn, að vera kominn á bullandi sjens með sætri tófu, uppi í fjalli.  Hvað þarf hann þá með mannfólkið?  En blessuð vertu, er líka alltaf að hætta að blogga, og hætta við að hætta að blogga.  Eitthvað við arfapirrað fólk sem fær mann til að hugsa svona.  Að hætta meina ég!  En svo er bara svo gaman að blogga.......!  Flott síða hjá þér!

[Kristín Katla Árnadóttir, 17.7.2007 kl. 11:14]

Ég seigi það sama mér finnst að maður sé farinn  þekkja suma bloggvini ekki vil ég missa af þeim og haltu svo áfram að blogga elskan,

[Ólína Kjerúlf Þorvarðardóttir, 17.7.2007 kl. 11:21]

Góðan og blessaðan daginn Jenný Anna - og hafði það nú reglulega gott í dag. Við hittumst svo vonandi í athugasemdadálkunum fljótlega

[Jenný Anna Baldursdóttir, 17.7.2007 kl. 11:54]

Ég myndi að sjálfsögðu aldrei hætta að blogga og missa af ykkur ljósin mín.

Ólína min við sjáumst fljótlega ertu ekki að fara í rosalegt ferðalag?

[Ásdís Sigurðardóttir, 17.7.2007 kl. 12:19]

Hæ frú "hætt að blogga" sénsinn að það gerist. Topp bloggari landsins, ferð með mann allan skalann upp og niður I just love U. Ég ætla að fara að leita að Lúkasi og Dodda, heyrumst í kvöld. 

[Jenný Anna Baldursdóttir, 17.7.2007 kl. 12:42]

Ásdís letaðu að Dodda, hann á að vera fundinn.  Láttu aðra um að hlaupa um allt í leit að Lúkasi, hann gæti bitið.  Er illa pirraður þarna á fjallinu greyið.  Knúsaðu Doddann frá mér.

[Huld S. Ringsted, 17.7.2007 kl. 13:35]

Í guðanna bænum ekki hætta að blogga, þú ert alltaf sú fyrsta sem ég kíki á á morgnana, hressandi og skemmtileg.

[halkatla, 17.7.2007 kl. 17:47]

já mér fannst þetta líka alveg hræðilega sorglegt með banaslysið í gær

ég get ekki lesið sorgleg blogg, nema örsjaldan.