MIKIÐ SKELFING ER ÉG FEGIN..

..að hér skuli fólk ekki líflátið af dómstóli götunnar.  Bara svona nærri því.

Ætli mannorðsmorð sé hin nútíma aftökuaðferð?

Ég, hugsi-

Hundurinn Lúkas á lífi

Athugasemdir

[kolbrunsig (IP-tala skráð) 16.7.2007 kl. 18:54]

Jebb - og Kristjana, hundeigandinn, sagði samkvæmt fréttum Stöðvar 2 "að henni þætti þetta voða leiðinlegt"! 

Hrrmmmpppp.... mig skortir orð til þess að lýsa hversu Skrattanum hefur verið vel skemmt  

[Ásdís Sigurðardóttir, 16.7.2007 kl. 19:03]

ÉG ER SAKLAUS

[Kristín Katla Árnadóttir, 16.7.2007 kl. 19:19]

Það var gott að hann er á lífi litla greyið.

[Edda Agnarsdóttir, 16.7.2007 kl. 19:44]

Bíddu hún er á leiðinni upp í fjall.... og hvað? Sko hún Kristjana! Er hún að fara leggja niður minnisvarðann? Jújú gott er að krílið lifir - munið þið eftir hundinum í Mosfellsbæ? Það fer allt á annan endann, ef það álpast í fjölmiðla að hundar týnast - ég veit ekki til þess að fólk fari í skipulagðar ferðir og leiti af fólki þegar auglýst er eftir því.

Þetta er víst eitt af því sem ég ekki skil.

[krossgata, 16.7.2007 kl. 20:14]

Mikið þykir mér gott að hundgreyið er á lífi og enn betra að segja þetta, "ég sagði það", ......... jah, eða óskaði eigandum þess og skrifaði það á sínum tíma á blogginu mínu. 

[Maja Solla (IP-tala skráð) 16.7.2007 kl. 20:15]

Æi, mér finnst þetta bara vera eins og atriði úr Simpson þætti eða eitthvað..

[Svala Jónsdóttir, 16.7.2007 kl. 20:18]

Sökin er ekki eigandans, heldur þeirra sem fóru með söguna um drápið á hundinum til hennar.

[krossgata, 16.7.2007 kl. 20:28]

Sökin um hvað?  Að hundurinn týndist?  Annars er ekki kominn tími til að taka einhvern af lífi á netinu núna, næstum mánuður síðan síðast, er þá ekki eigandi hundsins næstur?

Þó eigandi hundisins hafi reynst hógvær í sínum dómum, alla vega opinberlega, þá tók hún þátt í þeim (skiljanlega svo sem), en mér finnst hún skulda strákgreyinu afsökunarbeiðni.  Hvað varðar þá sem komu sögunum af stað þá finnst mér þeir þurfi að skila einhverju meiru en afsökunarbeiðni.

[Hrönn Sigurðardóttir, 16.7.2007 kl. 20:40]

Fer fólk EKKI í skipulagðar ferðir að leita að fólki ef það týnist?

HA? Ég ekki skilja.... Veit ekki betur en björgunarsveitir fari skipulega í  ferð eftir ferð að leita að fólki sem týnist.

Gott mál ef hundurinn er fundinn. Vont mál ef einhver er að taka mannorðið af drengnum vísvitandi!!

Og ekki orð um það meir

[Edda Agnarsdóttir, 16.7.2007 kl. 21:17]

 Hrönn svona rétt til áréttingar. Þegar fólk er týnt er eitthvað vitað um ferðir þess áður en það týnist - en svo hverfur fólk og þá auglýsir lögreglan eftir fólki í fjölmiðlum og til allra lukku kemur það oftast fram aftur, þá eru engar skipulagðar leitir svo ég viti til. En kannski veit ég bara ekkert um þetta mál.

[Jenný Anna Baldursdóttir, 16.7.2007 kl. 21:26]

Ég held að hinn almenni borgari rjúki ekki út að leita og ég er sammála Eddu með það.  Þar skilur á milli hunda og manna.

[Svala Jónsdóttir, 16.7.2007 kl. 22:38]

Krossgata: Sökin varðandi það að vera með ofsóknir og ofbeldishótanir á netinu. Umræðan um þetta mál hófst á spjallþræði um bíla og barst þaðan á barnaland og víðar. Þar var fólk, mest nafnlaust, að tjá sig og hóta meintum ofbeldismanni.

Það er ekki rétt að kenna eiganda hundsins eða öðrum henni nákomnum um það hvað nafnlauss skríll gerir á netinu.

[Hrönn Sigurðardóttir, 16.7.2007 kl. 23:11]

Hinn almenni borgari rýkur ekki heldur út og leitar að týndum hundum. Trúið mér. Það er bara þegar þetta er blásið upp í fjölmiðlum sem hinn svokallaði almúgi rýkur til. Ég hef leitað lengi að týndum hundi, alein og fann ekki...... Enginn hjálpaði mér... enda fór ég ekki með málið í fjölmiðla..... kannski minn feill

hvur veit?

[Jenný Anna Baldursdóttir, 17.7.2007 kl. 00:48]

Já Hrönn máttur fjölmiðla er greinilega mikill.