EN-LISTINN

Fordómar hafa verið mér hugleiknir í dag.  Auðvitað eru allir að einhverju leyti fordómafullir gagnvart því sem þeir ekki þekkja.  Ég játa mig að sjálfsögðu seka.  Ég vinn reyndar stöðugt að því að minnka líkurnar á að ég geri mig kjánalega innan um fólk.  Maður hefur nú einu sinni "repjúteisjon" að verja.

Það sem kom þessum hugrenningum af stað hjá mér var lestur pistils litaður af miklum kynþáttfordómum og í athugasemdakerfi viðkomandi bloggara (sjá færslu neðar) voru margir haldnir sömu hræðslunni við útlendinga.  Flestir tóku þó fram að þeir væru ekki útlendingahatarar EN svo kom viðhorfið, grímulaust og ljótt fram í skrifunum.

Hvað hefur maður ekki heyrt oft eftirfarandi frasa (ég tek bara örfá dæmi, en þar er reyndar af nógu að taka):

..ég er ekki kynþáttahatari og hef alls ekki á móti því að útlendingar komi hér til að búa EN.. þeir verða að aðlagast íslensku samfélagi, læra málið (aðlögun og reiprennandi íslenskukunnátta skal vera fyrir hendi eftir fyrstu 10 dagana eða svo), vera ekki fyrir, ekki gera kröfur og vei þeim ef þeir troða okkur um tær.

..ég er friðarsinni EN.. innrás Bandaríkjamanna var nauðsynleg til þess að koma í veg fyrir að Saddam setti heimsfriðinn á annan endann.  Stundum er stríð eina leiðin.

..ég er á móti ofbeldi á konum og börnum EN...stundum ögra konur manninum þannig að þær geta sjálfri sér um kennt og stundum ÞARF að dingla í krakka til að þau fái skilið mörkin.

..ég hef ekkert á móti samkynhneigðum EN...þeir skulu ekki sjást, heyrast eða vera til öðruvísi en í dulargerfi og ekki ögra hinum "normala" manni með afbrigðilegri kynhegðun sinni.

...ég er jafnréttissinni EN...ég skammast mín fyrir kynsystur mínar, feministana sem eyðileggja sambandið á milli kynjanna. 

Ergo:

Cut the crap.  Þið sem eruð í EN-unum;  það sem þið segir eftir þetta smáorð, sem þó er svo áhrifaríkt, er það sem gildir.  Ekki hið pólitískt rétta sem þið setjið fyrir framan.

Athugasemdir

[Ragnheiður , 16.7.2007 kl. 15:15]

Frábær pistill og ég er sek um sumt af þessu eða svipað...ég lofa að taka mig á.

[Hrönn Sigurðardóttir, 16.7.2007 kl. 15:59]

Það er náttúrulega óþolandi að þessir útlendingar skuli hanga svona í símanum í Samkaupum í Kebblavík - óþolandi að þeim skuli langa til að hringja heim

og Jenný sumar konur þarf að lemja..........

[Sara Einarsdóttir (IP-tala skráð) 16.7.2007 kl. 16:25]

Elsku mamma mín. Ég er mjög sammála þér En margir útlendingar koma hingað og ræna vinnum frá okkur Íslendingum. Svo verð ég líka bara að segja að mér finnst ofboðslega leiðinlegt hvað það eru margir ekta Íslendingar sem eignast börn með útlendingum og búa til blendinga. En samt er þetta ágætt fólk. Þín dóttir Sara Hrund Einarsdóttir (Eiginkona útlendingsins sem þykist vera hér í fullum rétti,honum Erik Robert Qvick)

[halkatla, 16.7.2007 kl. 16:31]

ég las frábæra grein í nýlegum/nokkurravikna mogga um Paulu Kjærnested, man ekki hvernig það er skrifað, hún er latino gella sem flutti til Íslands og er núna fráskilin félagsrannsóknakona, hún er æðisleg, rosalega flott að lesa um það sem hún er að gera og rannsaka, þetta er kona sem leggur mikið til samfélagsins og hjálpar manni að skilja hvað er í raun að gerast hjá konum sem flytja hingað til lands og giftast íslenskum köllum. Hún sagði það greinilegt að fordómar hefðu aukist mikið frá því að hún kom hingað fyrst, fólk lætur smáatriði pirra sig of mikið og vandamálið vex, þetta er sambland af karma og öðrum andlegum lögmálum - það seinasta er mín skoðun, ekki hennar

[halkatla, 16.7.2007 kl. 16:33]

Sara!!!! er þetta ekki djók? Ég þekki dóttir þína Jenný, og er oft að hugsa um það hvað ég var heppin að vera nágranni svona æðislegs fólks einsog Söru og Eriks. Hin yndislega fagra og frábæra Jenný Una er síðan bara ein krúttlegasta litla manneskja sem ég veit um!!! Kærar kveðjur til ykkar fyrrum nágrannar - takk fyrir allt

[Ásdís Sigurðardóttir, 16.7.2007 kl. 16:49]

Jenny ef þú værir ekki þú og ég ekki ég þá værum við hvor önnur. Þú hefur svo heilbrigða og góða skoðun og sýn á lífið að þú ættir eiginlega að vera á þingi, allavega að ráðu einhverju mikilvægu. Love U girl og knús frá Agueryris.

[Doddi - Þorsteinn G. Jónsson (IP-tala skráð) 16.7.2007 kl. 16:55]

Ég er mikil dúlla EN engu að síður dálítill dóni stundum.

Hvað stendur eftir hér?

(ps. er sammála þér!)  

[Jenný Anna Baldursdóttir, 16.7.2007 kl. 17:00]

Gaman að þið Sara þekkist Anna Karen og auðvitað er hún dóttir mín að djóka.  Ef það örlaði á einhverjum svona fordómum hjá dætrum mínum teldi ég mig algjörlega misheppnaðan uppalanda. En þær eru FRÁBÆRASTAR

Þið eru annars öll STÓRKRÚTT

[halkatla, 16.7.2007 kl. 17:16]

nei ég meinti með djókinu að hún gæti þó ekki verið dóttir þín!!! en ég fattaði djókið hennar og sagði mömmu minni einmitt frá þessu áðan, ég komst bara í svo gott skap. Þið mæðgur eruð frábærar

[Þröstur Unnar, 16.7.2007 kl. 18:27]

Úlla la.

[Ljósleiðari (IP-tala skráð) 16.7.2007 kl. 18:36]

Hér fylgir hluti þess sem var skrifað, bara svo fólk geti skilið hvað þetta er allt um. Þó svo ég sé á móti fordómafullu fólki, þá hjálpar það ekki þeirra málstað að fjarlægja þeirra einlægu hugsanir frá bloggum. Það er betra að fólk sjái sannleikann fyrir það sem hann er, og geti betur gert sér grein fyrir hverskonar fólk það umgengst.

Ljósleiðari

_______________________________________________

_______________________________________________

_______________________________________________

16.7.2007 | 01:45

Nú verður allt vitlaust.

... En mér er eiginlega sama. Ég bara verð að tala um þetta við einhvern, og hverjir eru betri en bloggvinir mínir. Mér er svo ofboðið að það hálfa væri nóg. Ég bý í Keflavík eins og þið vitið flest, og mér stendur ekki orðið á sama um hvernig samfélagið er hérna. Margir kalla þetta litla Grænland en ég vill nú kalla þetta Alþjóðasamfélagið.

Mér varð á að fara í Bónus í dag að versla. Reyndar reyni ég að versla þar eins lítið og ég get, vöruúrvalið er lélegt og búðin oftast nær ílla þrifin og þröng. En nú er verið að gera einhverjar úrbætur á henni og laga plássið, og ég held hreinlega að það sé gert til að koma fyrir pólsku nöfnunum á matvælunum á hillurnar.. þær eru bara ekki nógu langar fyrir allar þessar útskýringar sem eru.

Ég get ekki orða bundist ... hvers vegna í andskotanum er matarheiti sett á pólsku í hillurnar í Bónus??

Mér er nú farið að þykja nóg um. Íslensk einstæð móðir .. vinkona mín, þarf að bíða með pláss á leikskóla fyrir barnið sitt því að erlend börn nýflutt til landsins ERU Í FORGANG !!! Hvað á þetta að þýða ? Maður labbar inn í Samkaup í Keflavík, þessa líka fínu dýru verslun hér og labbar í gegnum svitastybbu af einhverjum rússa eða pólverja sem situr þar í símanum lon og don .. tíkallasíma að hringja heim (Palli pólski fón hóm) Og hann er ennþá þarna þegar maður fer út.. alltaf sami helv... kallinn með sína skítalykt. Maður treður sér í gegnum hóp af pólverjum þegar maður fer út úr búðinni. Tölum ekki um það þegar það er tilboð á einhverju í Bónus eða Kaskó... þá koma tælensku konurnar í RÚTU til að versla og hlaupa eins og óðar um búðina til að ná sem flestu til sín.

Mér þykir þetta ekki lengur hægt og mér finnst að nú sé komið nóg. Mér er alveg sama um að þetta fólk sé hérna, en mér er ekki sama ef að það getur bara breytt okkur eftir því hvernig þeim hentar. Mér finnst að þau eigi að læra Íslensku og það eiga bara að vera íslenskar leiðbeiningar á hillunum í bónus... ÉG TIL DÆMIS LES EKKI PÓLSKU !!! Hvað á ég þá að gera við leiðbeiningar á pólsku.

Portúgalar eru líka hérna að vinna og þetta er allt ágætis fólk .. held ég að minnsta kosti .. það er allavega ekki hægt að eiga samræður við þau .... ekki hægt að umgangast það heldur nema takmarkað, og við Íslendingar eigum bara að sætta okkur við þetta.

Ég segi .. skrifa og stend við það. Þetta fólk er velkomið hingað að vinna og lifa ... svo lengi sem það er tilbúið að aðlagast Íslensku samfélagi og læra tungumálið.

Ég er orðin miklu meira en þreytt á þessu.... Eina búðin sem ég veit um að er ekki skráð á pólsku eða guð má vita hvað er Fjarðarkaup... þrátt fyrir lélega íslenskumælandi starfsmenn þar inn á milli.

Vill samt taka það fram að mér er ekkert ílla við þetta fólk .. alveg sama hvaðan það kemur, mér er heldur ekkert ílla við að það búi hérna .. mér er bara illa við að það skuli ekki þurfa að hlúta sömu hlutum og ég .. Ekki fæ ég íslenskar leiðbeiningar neins staðar fyrir neitt.. nema á Íslandi.

Ísland er land mitt....... !!!

Flokkur: Bloggar | Breytt s.d. kl. 02:16

Athugasemdir

1

Oó. Ég er ekki viss um að það meigi skrifa svona á opnum vef. En ég skil það vel að þú sért pirruð á þessu. Ég bý líka á Suðurnesjum og ég veit að þetta er vandamál.

Vona bara að þú verðir ekki kaffærð, en ég skil þig.

Lesandi 2 (IP-tala skráð) 16.7.2007 kl. 01:54

2

mér stórlega blöskrar að lesa þetta en verð að dást að þér fyrir hreinskilnina í leiðinni. má ég segja eina sögu? ok ég var úti í búð í dag og hitti nýbúakonu og hún var sú indælasta manneskja sem ég hef hitt á Íslandi í langan langan tíma. Þvílík yndisleg manneskja ég þekki hana samt ekki neitt.

Ég var reyndar alveg þvílílkt sammála þér á meðan greinin snerist um matarmerkingar á pólsku. allt eftir það var bara

Anna Karen , 16.7.2007 kl. 02:07

3

Lesandi þorir auðvitað ekki að koma fram undir nafni, yfirleitt eru kynþáttahatarar í felum og skjóta þaðan.

Ég met EKKI hreinskilni þína og ég skammast mín fyrir að vera Íslendingur þegar ég les svona óhroða sem lýsir bæði fordómum og vankunnáttu. Þú margendurtekur að þér sé ekki illa við þetta fólk bara ef það þvær sér, hangir ekki í símanum, kemur ekki í rútum til að versla og... og...

Er eitthvað að því að merkja vörur í verslun á því tungumáli sem stór hluti kúnnanna skilur? Ef það er ekki gert annarsstaðar þar sem þú þekkir til þá er það bara leiðinlegt. Heldur þú að útlendingar séu hérna af tilviljun? Þeir eru hérna vegna þess að íslenskt þjóðfélag þarf á kröftum þeirra að halda.

Lighten up

Jenný Anna Baldursdóttir, 16.7.2007 kl. 02:29

4

Hmm ég heiti Lovísa. Mér er ekki ílla við útlendinga. En mér er ílla við að ég sem Íslendingur þurfi að víkja í mínu eigin landi fyrir fólki sem ekki vill aðlagast landinu mínu. Jenný mín, lestu færsluna mína betur...

Ég er langt því frá að vera kynþáttahatari, ég á vinkonur frá ýmsum löndum. Það eina sem ég er ekki til í er að þurfa að læra þeirra tungumál til að geta átt samskipti við þau, eða sætta mig við að börnin mín þurfi að vera sett aftar í biðröð til að nýkömnu börnin komist fram fyrir þau.. eins og vinkona mín lenti í. Dóttir hennar átti að komast inn í leikskóla núna eftir sumarfrí, en hún þarf að bíða lengur því að umsókn fyrir barn af erlendum uppruna var sett fram fyrir hana. Mér finnst nóg um.

Og annað sem mig langar að benda á.... það er skoðanafresli á Íslandi. Við þurfum ekki öll að vera sammála.

Iwanna Humpalot, 16.7.2007 kl. 02:45

5

Með "lesandi" átti ég við þann sem skrifar fyrsta kommentið við færslunni. Auðvitað þurfum við ekki öll að vera sammála en að kynda undir svona er beinlínis hættulegt og óábyrgt. Enda held ég að þú vitir það alveg miðað við fyrirsögnina á færslunni þinni: "Nú verður allt vitlaust".

En að öðru leyti hef ég haft gaman að blogginu þínu, enda hressilegt og fær mig til að brosa. En ég er algjörlega sjokkeruð yfir þessu útspili.

Jenný Anna Baldursdóttir, 16.7.2007 kl. 02:50

6

Hún er bara að segja sína skoðun á þessu máli. Það á ekki að þurfa að merkja vöru á pólsku í búð, frekar ensku (ef það þarf) svo þetta sé aðeins breiðari hópur sem gæti notað leiðbeiningarnar.

Er sammála að vissu leyti en er enginn kynþáttahatari og þetta sjokkerar mig ekki mikið.

Ásdís Erla Valdórsdóttir, 16.7.2007 kl. 02:53

7

Ó .. fyrirgefðu ég hélt að þú værir að tala um mig. En engu að síður, þá má nú fyrr rota en dauðrota. Og þegar innflytjendur eru farnir að vera í forgang fyrir einstæðum mæðrum þá þykir manni nóg um.

Málið er líka bara að ef að enginn segir neitt, þá endum við með því að vera í minnihluta í okkar eigin landi. Mér þykir það ekki spennandi valkostur. Ég hef nú ekki mikið tjað mig um þessi mál hérna á Íslandi, en ég get sagt þér það að réttlætiskenndin mín er gríðarlega sterk. En það að segja að það sé allt i lagi að Íslendingar þurfi að hlúta því að útlendingar séu teknir fram fyrir þá ... það þykir mér hættuleg þróun. Og ég held að ef að það gengur svoleiðis áfram, þá kemur að því að það verða alvöru kynþáttafordómar á Íslandi.

Iwanna Humpalot, 16.7.2007 kl. 02:58

8

bravó ég er svo samála þér í þessu og mér finnst þetta vitleysa með matvörumerkin ég flutti til sviðjóð og þar þurfti ég bara að sæta mig við að læra sænsku annars bara greið ég svo af hverju á það sama ekki að gilda fyrir þau ég for einu sinn útí sjoppu í rvk og þar var stelpa sem ekki kunni íslensku og var heldur ekki góð í ensku að vinna ég ætlaði að kaupa 500 kr inneign og ég labbaði bata út það var sama hvað ég reyndi hún bara skildi mig ekki af hverju í ansk... á ég að þurfa að vera einsog útlendingur í mínu landi ? þetta er bara mín skoðun alveg einsog þín og við eigum rétt á að hafa þær svo ekki pæla í því ef einhver ætlar að reina að breyta þeim hjá þér kv ein úr keflavík :)

karen (IP-tala skráð) 16.7.2007 kl. 03:02

9

Sammála og ekki. Ég geri ráð fyrir því að þú sért að tala um fólkið sem bíður eftir tíkallasímanum í Samkaup, sérstaklega um helgar. Og stendur þarna í hnapp. Frekar óskemmtilegt, ég er sammála því. Já Bónus er ekki alveg upp á sitt besta hérna suðurfrá frekar en annarsstaðar. En við hverju er svosem hægt að búast.

Hallærislegt þykir mér að kalla þig rasista Lovísa mín, það er svo langt frá því sem þessi færsla hljóðar uppá. Þú ert einfaldlega að segja það sem margir hugsa en þora ekki að segja.

Kveðja Gunna.

Gunna. (IP-tala skráð) 16.7.2007 kl. 03:07

10

Jenný ! Afhveru ætti ég að skrifa undir nafni, og hvað var kynfordómafullt við það sem ég sagði ? Ert þú svona manneskja sem les á milli lína ? Anna heiti ég ef þú villt endilega vita það.

Lesandi 2 (IP-tala skráð) 16.7.2007 kl. 03:54

11

Rosalega er ég sammála Lovísu..bý reyndar ekki á þessu svæði en kannast við þetta þar sem ég bý.. þetta er bara svona og það þarf enginn að skammast sín fyrir að vera íslendingur fyrir að lesa þennan pistil eins og ein góð hér fyrir ofan skrifar.. er fólki alveg sama líka t.d. um menningu íslands sem er að glatast bara svo við getum verið "góð" við útlendinga..sem við erum ekki einu sinni.. undir borgum þeim í vinnu og fyrirtæki reyna að svíkja allt af þeim sem þeim ber að greiða.. tíma ekki að borga íslendingum fyrir að vinna þessa vinnu..og hrúga inn útlendingum, sem halda niðri launum og það verður aldrei hægt að mótmæla eða fara í verkfall því þá verða íslendingarnir bara reknir og fleiri útlendingar keypt inn.. við erum pínu lítil þjóð sem braust útúr valdi annars land (ok háfleygt og pínu hallærislegt hjá mér ..en þetta er samt flott hjá okkur) ég meina einhverjir smá bóndadurgar hér sem stóðu upp fyrir sínu.. við örruglega eina landið í heimi ( eða með þeim færri) sem geta lesið fornbókmenntir sínar.. við höfum sérstakt útlit.. við erum við... erum við tilbúin að gefa þetta allt uppá bátinn..? ahh fokk it.. leggjum bara niður íslenskuna og förum að tala Pólsku svo við pössum örruglega inní á íslandi..

Hálfvitalegt.is eða punktur pólska..

Jóhanna (IP-tala skráð) 16.7.2007 kl. 07:24

12

Ég er alveg sammála því að þetta fólk verður að læra íslensku ef það ætlar að búa hér, en ég vil nú frekar vinna með pólverjum en hundlötum löndum mínum sem flesta dreymir um að verða bótaþegar og lifa á kerfinu.

Rúna P (IP-tala skráð) 16.7.2007 kl. 08:48

13

Verð að viðurkenna að ég er að mörgu leiti sammála þér. Ég hef ekkert á móti því að útlendingar búi hér og starfi. En mér finnst lágmark að þeir aðlagist íslensku samfélagi og læri íslensku. Sé það fyrir mér að við mundum flytja til útlanda og bara ætlast til að allir aðlöguðust okkur þar :/

Górý (IP-tala skráð) 16.7.2007 kl. 08:53

14

Ég sem Íslendingur í húð og hár, en einnig sem Íslendingur sem ekki bý á landinu, né heldur hef ég búið þar seinustu 23 árin, minnist vel til þess að kynþáttahatur Íslendinga var ein orsök þess að ég fékk óbeit á að lifa á Íslandi, og flutti burt. Síðan þá hef ég komið í nokkra mánuði í einu - nokkrum sinnum, og fannst mér að ástandið hefði breyst til hins betra... en það er jú alltaf hægt að reikna með að sumt fólk sé fætt með "shit for brains", eins og við sjáum greinarhöfundinn sýna og sanna.

Fólkið í því landi sem ég hef búið í seinustu 7 árin, hefur tekið mér með opnum örmum og virðingu, nokkuð sem er erfitt að finna í vesturheimi í dag. Flest fólk hér er fátækt, enda landið fátækt, en fólkið er ríkara andlega og hegðunarlega en allir fjandans kynþáttahatarar heims gætu státað sér af.

Ég hef búið í Danmörku í 12 ár, og þar fékk ég slengt í andlitið af manneskju sem átti að vinna fyrir mig (í kerfinu), að alla Íslendinga, Norðmenn og Svía ætti að handtaka og senda með næstu flugvél "heim", og það væri andskotans sama hvort fólkið væri gift Danskara eða ekki, hvort það ætti börn með Danskan ríkisborgararétt eða ekki. Í öðrum löndum í Skandinavíu hef ég einnig mætt kynþáttahatri, og bróðir minn er sjálf-yfirlýstur nazisti og rasisti... hann ól sín börn upp með hatri á fólki frá öðrum þjóðum og elsta son hans dreymdi um að myrða útlendinga á Íslandi þegar hann var um 17 ára. Það sagði hann mér að væri "gott, því þetta væri hans land"... ég benti honum á að móðir hans væri ekki "nema" hálfur Íslendingur, svo hans óbeit á útlendingum hlyti að lenda á hans egin móður, systkinum og honum sjálfum líka. En það hélt hann nú ekki, því hann var ljóshærður og ljós á hörund! Ég hef ekki talað við hann síðan þetta var... fyrir 4-5 árum síðan, og hef engan áhuga á að eyða mínum tíma í að ræða við manneskjuhatara eins og hann.

Ah, bróðir minn kynþáttahatarinn er ekki búsettur á Íslandi í dag, en hann segir sjálfan sig vera yfir það hafinn að geta verið settur í bás með "útlendingum", því hann er hvítur á hörund. Svona fólk er andlega veikt og líður undan egin minnimáttarkennd. Synd og skömm að svona heimska og óþverra lífs-sýn viðgengst í annars heilbrigðum þjóðfélugum, á meðan fátækt land eins og ég er búsettur í núna, hefur ekki einu sinni skugga af þessum óþverra.

Þegar ég ferðaðist um Pólland árið 1990, kynntist ég einu dásamlegasta fólki sem ég til þess tíma hafði kynnst. Allir tóku vel á móti mér og mínum. Við höfðum tjald og hugðumst búa í því á camping plássi. 6 mánaða dóttir okkar var með okkur. Við vorum ekki einu sinni búin að slá tjaldinu upp, þegar fólk í kringum okkur bauð okkur að búa í þeirra hjólhýsum, svo dóttir okkar væri öruggari (fyrir skordýrabitum). Við þökkuðum gestrisnina og góðmennskuna og notuðum okkar tjald. Hver hefur heyrt álíka sögu frá Pólverjum á ferðalagi um Ísland... þar sem landsmenn okkar buðust til að fórna öllu sem þeir höfðu, svo að ferðafólkið hefði það gott? Ég held það megi lengi leita áður en svoleiðis sólskins saga finnst!

Ég kenni mínum börnum Íslensku, þau fá Íslenskar kennslubækur og lesa Íslenskar bækur og blöð og hlusta á Íslenskar fréttir og horfa á Stundina Okkar á netinu. Þau munu aldrei koma til með að flytja til Íslands eða fara þangað til að búa í skemmri eða lengri tíma... svo það að kenna þeim Íslensku mun ekki gagnast þeim mikið í lífinu á þann hátt. Ég hef lært 11 tungumál á mínum tíma utan Íslands, því ég er alveg á því að það er ÉG sem verð að læra tungumál þess lands sem ég bý í. Það að búa í öðru landi þýðir ekki að ég verð að hætta að borða hangikjöt, hákarl, svið, bjúgu og annað góðgæti sem ég ólst upp við á Íslandi. Ég baka dökkt rúgbrauð eins og amma mín gerði. Ég bý til pönnukökur með rjóma og sultu. Flatkökur geri ég líka ásamt allskyns kökum og smákökum sem er Íslensk hefð sem ég ólst upp með, en sem er ekki hefð þar sem ég bý. Þegar ég geri mat, þá er það oft á Íslenskan hátt.

Kynþáttahatarar vilja að allir aðlagist ÞEIM, og það finnst þeim alveg sjálfsagt, því þeir eru Íslendingar, og það er óh svo sérstakt... Hvað svo með Íslendinga eins og mig, sem held í gamla Íslenska siði og venjur, Íslendingar eins og ég, með erlendan maka og börn hálfan heiminn í burtu frá Íslandi, kennandi mitt tungumál og siði og venjur.... ætti ég að "aðlagast venjum þessa lands" og verða eins og fólkið hér? Það er einfaldlega ekki hægt, því ég er ég, og ég mun deyja sem ég. Ég fæddist á Íslandi, ég mun deyja utan Íslands, en ég mun deyja sem Íslendingur í húð og hár. Ég nýt þess að borða mat annarra þjóða, ég læri þeirra tungumál og virði þeirra venjur, en ég mun ekki verða "eins og þau", vegna þess að ég er ég, og ekki þau! Það að vera Pólverji eða Rússi breytir engu. Hvorugtveggja eru manneskjur sem hafa hefðir, venjur, siði og egið tungumál sem þetta fólk vill halda í. Hvar eru mannréttindi þessa fólks þegar þeim er meinað að vera þeir einstaklingar sem þau eru?

Bónus með Pólskan texta á vörunum... Það er svona slæmt? Er það að segja að kynþáttahatarar læra erlend tungumál alveg undir eins og án erfiðleika? Það getur vel verið undarlegt að sjá Pólskan texta fyrir viðksiptavini í Íslenskum verslunum, en ég verð nú að segja að það eru greinilega einhverjir sem SKILJA hversu erfitt það getur verið fyrir Pólverjana að koma til lands sem á ekkert sameiginlegt með þeirra tungumáli. Er það RANGT að reyna að hjálpa fólki að geta keypt sér mat sem það hafði hugsað sér að gera? Ég tala af reynslunni þegar ég segi fylgjandi: Þó svo ég hafi notað Íslensk orð yfir matvörur í löndum sem ég bjó í, þá hætti ég því strax og ég hef getað munað nafnið á viðkomandi vöru á viðkomandi tungumáli.

Það er margt sem fólk með skítugar og illa lyktandi hugsanir getur ekki skilið. Sem betur fer getur fólk með skítugar og illa lyktandi hugsanir stundum vaknað upp til veruleikans og séð hversu ógeðslega það hagaði sér gagnvart öðrum og breytt hegðun sinni til hins betra.

"Stundum" er ekki það sama og "alltaf", en það er hægt að vona að fleiri fari að haga sér eins og manneskjur, og færri hagi sér sem sjálfselskusinnaðir kynþáttahatarar.

Megi gott fólk lifa vel og lengi, og takk fyrir að hafa lesið þetta til enda.

Ljósleiðari

Ljósleiðari (IP-tala skráð) 16.7.2007 kl. 08:53

[Edda Agnarsdóttir, 16.7.2007 kl. 18:38]

Frábært

[Þórdís Bára Hannesdóttir, 16.7.2007 kl. 19:16]

Mín skoðun er sú að merkja eigi bæði á íslensku og pólsku, helst bara íslensku. Útlenskt barn með dvalarleyfi á Íslandi sem sækir um á leiksóla á sama rétt og íslenska barnið. Ef barnið er t.d 4 eða 5 ára og íslenska barnið yngra  er líklegt að útlenska barnið verði tekið fyrr inn því eldri börn eru í forgangi, líka er þörfin metin meiri fyrir útlenska barnið því nauðsynlegt er að það læri íslensku sem fyrst svo það aðlagist sem fyrst og best. ´Það er þörf barnsins sem skorar hæst eki að það sé útlensk að uppruna.  Svo er eitt í viðbót.Tölum islensku við útlendingana eins og hægt er þeir vilja það flestir.  Útlendingum gengur best hér á landi ef þeir læra málið.

[Jenný Anna Baldursdóttir, 16.7.2007 kl. 19:30]

Ljósleiðari!  Konan tók sjálf færslunnar sínar út.  Hún átti eitthvað erfitt með að standa við þær.

[Jóna Á. Gísladóttir, 16.7.2007 kl. 21:45]

ég er soldil en manneskja. en elska þig samt

[Jenný Anna Baldursdóttir, 16.7.2007 kl. 23:23]

Að sjálfsögðu Þórdís Bára þurfa útlendingar að læra málið, en það verður fj... hafi það að bjóða upp á tungumálanám sem þeir geta nýtt sér og svo þarf að vera skilningur á að það tekur tíma.

Annars furðar mig mest á þessu tali allsstaðar um að það verði að stemma stigu við flæði útlendinga til Íslands.  Veit fólk ekki að við erum með með mjög fjandsamlega útlendingapólitík?  Höfum tam aldrei tekið okkar skerf af pólitískum flóttamönnum.  Flestir útlendingar sem koma til landsin nú orðið koma vegna verkefna í vinnu og fara svo.  Sk. "hit and run" dæmi.  Ég veit satt að segja ekki við hvað fólk er svona hrætt.

[halkatla, 17.7.2007 kl. 01:47]

#11 sko, ég vil bara að það sé á hreinu að ég setti tvisvar sinnum upp þvílíkan hneykslunarsvip í kommenti mínu við upphaflegu greinina, það lítur hinsvegar út einsog ég sé nánast að taka undir greinina hér!!!

p.s þessi kall heitir geispa en ég nota hann þegar ég er að hneykslast, ég var tvisvar x gapandi hneyksluð. En asnalegt þykir mér að merkja hér matardót á pólsku... frekar á ensku ef eitthvað er, en kom on...

[halkatla, 17.7.2007 kl. 01:49]

við sjáum öll hvernig maturinn lítur út sem við erum að kaupa, ég hef keypt inn á grísku... pólverjar eru ekki heimskari en ég