LÉLEGUR HÚMOR

Mikið rosalega fannst mér hallærislegt að sjá í fréttatímasjónvarpsins, sviðsetningu á þrælauppboði í Alsír, í tilefni þess að 380 ár eru liðin frá Tyrkjaráninu ógurlega, í Vestmannaeyjum.  Flott að minnast þessara tímamóta en aðgerðin gjörsamlega misheppnuð þar sem öllum fannst uppboðseftirlíkingin svo rosalega sniðug og skemmtileg.

Í fyrsta lagi hafa aldrei verið haldin þrælauppboð af Tyrkjum í Vestmannaeyjum.  Í öðru lagi þá er mansal, uppboð á fólki og annar óþverraháttur, jafn grafalvarlegt mál í dag og það var dagana ógurlegu þegar Tyrkir fóru um Vestmannaeyjar rænandi og ruplandi.

Bendi á reisubók Guðríðar Símonardóttur eftir Steinunni Jóhannesdóttur, sem er vissulega skáldsaga en byggð á traustum heimildum.

Ég, í böðulsbúningnum með þrælapískuna.

Tyrkjaránsins minnst í Vestmannaeyjum

Athugasemdir

[Hrönn Sigurðardóttir, 16.7.2007 kl. 14:42]

Sammála þér núna!

[DoctorE (IP-tala skráð) 16.7.2007 kl. 14:42]

Já manni fannst óviðeigandi að grín hafi verið gert að svo hörmulegum atburði...

[Eyjapeyji (IP-tala skráð) 16.7.2007 kl. 15:40]

Er þetta ekki einum of mikil viðkvæmni.  Þarna var á ferðinni nokkurs konar leikrit.  Þið megið ekki hella svo úr eyrum af hneykslan að þið ruglist algjörlega !

[Jenný Anna Baldursdóttir, 16.7.2007 kl. 15:56]

Ég er nú ekkert rosa hneyksluð sko, fannst þetta bara hallærisleg nálgun á afar merkilegri sögu sem tengjast Eyjum og þarna var af nægu að taka.  Bara sollis sko!

[Helgi Georgsson (IP-tala skráð) 16.7.2007 kl. 17:06]

Sammála þé rmeð að þetta sé lélegur húmor. Að halda uppá hörmungaratburð eins og um gleðiatburð hafi verið að ræða.  Það er full ástæða til að muna eftir atburðum sem þessum en þá þarf það líka að vera undir réttum formerkjum og fara rétt með atburði.