NÝJAR KARTÖFLUR

Ég er svo gömul (eða þannig) að ég man eftir kartöflueinokuninni margfrægu.  Þá voru kartöflur seldar í 5 kg. pappírspokum og þær voru vondar, trúið mér.  Amk. 30% af hverjum poka fóru í ruslið, fyrir nú utan að þær sem eftir voru og ég notaði til manneldis voru á mörkunum boðlegar.

Ég elska kartöflur og bý til allskonar kartöflurétti.  Nýjasta æðið hjá mér eru litlu aflöngu frönsku kartöflurnar (nei ekki franskar), pomme de terre, sem eru brjálæðislega góðar. Ég sýð þær eða set í ofnfast mót, með olíu, pipar, salat- eða rauðlauk þangað til meyrar í gegn og skelli þá smá Maldon yfir og þær eru tilbúnar á diskinn.

Ég er orðin svöng.

Bestar eru nýju kartöflurnar og mín er búin að fara í Hagkaup og kaupa slatta.  Nú verður kartöfluveisla krakkar mínir.

Bætmí!

Fyrstu íslensku kartöflurnar teknar upp í Þykkvabæ í morgun

Athugasemdir

[Jóna Á. Gísladóttir, 11.7.2007 kl. 16:21]

hvenær mæti ég svo í mat í kvöld? Mamma.

[Björg K. Sigurðardóttir, 11.7.2007 kl. 16:24]

það þýðir ekki að spyrja svona Jóna. Jenný segir að við megum koma þegar hún er búin að borða og vaska upp fyrir hana. búin að spyrja hana að þessu áður....

[Jenný Anna Baldursdóttir, 11.7.2007 kl. 16:33]

Sko það er harðbannað að kalla mig gamla og að kalla mig mömmu og ömmu reyndar líka.  Var að koma frá lækninum mínum og hann segir að ég sé "ung fyrir aldur" eins og það heitir.  Og þegiði svo báðar addna.

[Björg K. Sigurðardóttir, 11.7.2007 kl. 17:16]

sorry það er ekki okkur að kenna að þú ert amma

[Jóna Á. Gísladóttir, 11.7.2007 kl. 17:26]

Ég er svöng