HEITIR ÞAÐ EKKI NAUÐGUN...

..að hafa samfarir við konu sem er ófær að sporna við verknaði?  Ég gaf mér að þetta væri löngu búið að skilgreina sem nauðgun í lögum.  Héraðsdómur Austurlands hefur dæmt karlmann í 18 mánaða fangelsi fyrir kynferðisbrot á konu sem ekki gat björg sér veitt vegna ölvunar og svefndrunga.

Sko nú eru karlmenn búnir að hafa yfirhöndina í réttarkerfinu nógu lengi.  Aukinn skilningur almennings og almenn réttlætisvitund fólks er ekki að skila sér í nauðgunardómum.  Ég vil fleiri konur í dómarastétt, þe konur sem ekki ganga athugasemdalaust inn í ríkjandi viðhorf þessarar karlastéttar.

Guð hvað það er tímabært að breyta þessum málum.

Dæmdur í 18 mánaða fangelsi fyrir kynferðisbrot gegn konu

Athugasemdir

[Þarfagreinir, 10.7.2007 kl. 19:03]

Já ... ég hef nú alvarlega vaknað til vitundar um hversu margt er rotið í íslensku réttarfari þegar kemur að nauðgunarmálum. Þegar maður skoðar löggjöfina og ber saman við hvernig hún er víðast hvar erlendis er dagljóst að íslenska löggjöfin er meingölluð - því miður.

[Geir Jónsson (IP-tala skráð) 10.7.2007 kl. 19:50]

Ég hef aldrei stundað skyndikinni þar sem ég eða hinn aðilinn höfum sagt skýrt "JÁ" og tekist í hendur, flest skyndikynni eru frekar óformleg. Sumir hafa svo víða skilgreiningu á nauðgun að ég er byrjaður að íhuga að taka með mér skriflegan samning næst þegar ég fer á djammið. Er virkilega nóg að hinn aðilinn missi löngunina í miðjum klíðum án þess að gefa það í skyn?

Ath. ég er að tala almennt og hef ekki myndað endanlega skoðun á þessu dómsmáli. 

[Svala Jónsdóttir, 10.7.2007 kl. 20:01]

Þessi árás átti sér stað sl. haust, en lögunum var breytt nú í mars og núna yrði svona verknaður kallaður nauðgun skv. lagabókstafnum. Ég veit ekki til þess að það sé einhvers staðar búið að dæma í máli eftir nýju lögunum, en vonandi verða þau til bóta.

[Jenný Anna Baldursdóttir, 10.7.2007 kl. 20:02]

Ég held að samfarir án vilja konu fari ekki framhjá neinum sem hefur vit í kollinum.  Sko lágmarksvit.  Þetta heitir að rugla um alvarlegt mál og ég efast ekki um að þú yrðir full meðvitaður hvenær þú færir yfir mörkin í þessu sambandi.

[Edda Agnarsdóttir, 10.7.2007 kl. 20:08]

... ég segi ekki meir.

[Heiða Þórðar, 10.7.2007 kl. 20:17]

Ótrúlegur andskoti!

[Þröstur Unnar, 10.7.2007 kl. 20:27]

Það þarf ekki einu sinni neitt vit í kollin til að finna hvort hún vill það eða ekki. Þetta er tilfinning sem allir hafa, réttlátir og ranglátir. Sumir bara virða það ekki, svo einfalt er það.

[krossgata, 10.7.2007 kl. 20:48]

"Er virkilega nóg að hinn aðilinn missi löngunina í miðjum klíðum án þess að gefa það í skyn?"  Hvers konar spurning er þetta?  Auðvitað er nóg að annar aðilinn hætti í miðjum klíðum, upphafi eða enda og sama hvor er. 

Ég verð annars að spyrja:  Af hverju þessi svakalega tregða við að koma á eðlilegum lögum við kynferðisofbeldi og nauðganir?  Í hvað er verið að reyna að halda?  Að konur þegi og þjóni til borðs og sængur hverjum sem vill?

[Hrönn Sigurðardóttir, 10.7.2007 kl. 21:06]

Hver er munurinn á kynferðisbroti og nauðgun?

[Jenný Anna Baldursdóttir, 10.7.2007 kl. 21:11]

Spurðu Héraðsdóm Austurlands.

Kynferðisafbrot var síðast þegar ég vissi ekki innan sama refsiramma og nauðgun.  Kannski hefur það breyst núna með nýju lögunum.