ÁRANGURSMAT

 Petraeus hershöfðingi, yfirmmaður bandaríska hersins í Írak segir að stríðið muni taka áratugi að leysast.  Í viðtali við BBC segir hershöfðinginn að hann sæi árangur en að stríðið yrði erfiðara áður en það yrði léttara.

Ladídadída... þvílíkur þvættingur.  Hvernig liti út í Írak ef maðurinn mæti að stríðið væri árangurslaust?  Það væru hrein Ragnarök.  Forvitnilegt væri að vita hvernig maður þessi rökstyður árangurinn sem hann telur að hafi náðst.  Fólk er sífellt að týna lífinu þarna og engin lausn er í sjónmáli.  Það þarf hins vegar að halda vopnaverksmiðjum USA frá verkefnaleysi og svo þurfa bandaríkjamenn auðvitað að fá enn stærri ítök í olíuparadísinni þarna niður frá.

Mér er óglatt.  Meiri bölvaðir hræsnararnir. 

Íraksstríðið mun taka áratugi

Athugasemdir

[Njörður Lárusson, 9.7.2007 kl. 20:40]

Ég held að hershöfðinginn sé að tala um það að vera herliðsins á svæðinu kemur i veg fyrir meiri háttar "þjóðernishreinsanir" eins og áttu sér stað í Rúanda/Búrundi, eða Júgoslavíu, við endalok Titos eða/og kommunismans.   Í báðum löndum  var um endalok einræðis minnihlutahópa að ræða.   Hugsanlega verður alþjóðlega herliðið að hverfa á brott frá Írak vegna aukinna borgaraátaka, og verður þá algert uppgjör sem mun e.t.v. lykta með því að Írak skiptist í Norður og Suður, líkt og Indland og Pakistan á sínum tíma.  Þetta er ekkert Bandaríkjamönnum að kenna, þannig séð. Írakarnir eru greinilega í því að gera upp sakirnar, eftir einræði minnihluta trúarhóps.  Þetta hefði líklega hvort sem er gerst, þegar Saddam dó, og Baath flokkurinn missti foringjann.  En þá hefði blóðbaðið orðið eins og í Rúanda, eða Júgoslavíu.  Ég spái því að aljóðaherliðið eigi eftir að hrekjast frá Írak, eins og UN frá Sómalíu, og hlutirnir munu hafa sinn gang, þangað til Írak skiptist.  Bara spekulasjon, finnst þetta líklegt, miðað við svipuð dæmi í sögunni.

[Maja Solla (IP-tala skráð) 9.7.2007 kl. 20:48]

Heyrði einmitt 30 ár um daginn frá einhverjum sérfræðingum.
Sorglegt.

[Þröstur Unnar, 9.7.2007 kl. 20:49]

Athugasemdir sem koma málinu ekkert við. Jenný, ég var alltaf í vandræðum með síðuna þína, kom eitthvað "Stack  overflow" bull, en núna eftir lagfæringu á Moggablogginu hefur þetta horfið. Getur verið að þeir hafi sett upp sér netþjón fyrir þig? Þú ert alveg að ná toppnum  Spurning hvort Gurrrrí þurfi ekki líka sér netþjónabú.

[Jóna Á. Gísladóttir, 9.7.2007 kl. 20:49]

Vá hvað ég hef ekki þekkingu til að tjá mig um málið. Held nú samt að hlutirnir hafi ekki æxlast eins og Bandaríkjamenn ætluðust til en þeir munu aldrei viðurkenna nein mistök.

[Jenný Anna Baldursdóttir, 9.7.2007 kl. 20:52]

Vá hvað þú hefur víst þekkingu og tilfinningu til að tjá þig um þetta Jóna mín.  Haltu ótrauð áfram.  Þú ert nefnilega flott á því (nema þegar þú ert með maska).

Þröstur Unnar, fæ oft svona stack overflow og gef algjöran skít í það.  Hehe.  Ég næ toppnum ef ég blogga blátt en ég veit ekki hvort ég nenni að vera perri með kynlíf á heilanum.

Takk fyrir athugasemdir.

[Edda Agnarsdóttir, 9.7.2007 kl. 20:53]

Heimurinn fyrirlítur hinn veika, því hann dáir kraftinn, þá að sé kraftur til ills. Þetta er ein hliðin á stefnu Kana.

En það er fráleitt að láta það frá sér á prenti að þetta sé ekki Könum að kenna eins Njörður gerir hér fyrir ofan.

[Jenný Anna Baldursdóttir, 9.7.2007 kl. 20:53]

Þröstur gleymdi ég að segja þér að ég blogga í boði Baugs og er með lifandi netþjón niðri á mogga (nú fara einhverjir í mál við mig fyrir að ljúga upp á þá)

[Þröstur Unnar, 9.7.2007 kl. 20:54]

Nei takk Jenný, haltu þínu striki.

[Njörður Lárusson, 9.7.2007 kl. 21:21]

Er það bandaríkjamönnum að kenna núna, eða engum að kenna löngu síðar? Hverjum var um að kenna í Júgoslavíu, Sómalíu eða Rúanda, Könum, UN, eða bara íbúum landanna sjálfum?  Það vill enginn taka ábyrgð á Rúanda/Búrundí núna. Sagan mun dæma Íraksstríðið.  Tilfinningaþrungnar yfirlýsingar um ofbeldi Bandaríkjamanna á alþjóðavettvangi, munu ekki draga úr blóðbaðinu í Írak.  Þvert á móti er augljóst að vera alþjóðaherliðsins á svæðinu dregur verulega úr, eða kemur í veg fyrir algjörar þjóðernishreinsanir og borgarastríð.

[Anna Ólafsdóttir (anno) (IP-tala skráð) 9.7.2007 kl. 21:24]

Að sjálfsögðu byrjar bloggrúnturinn hér Þeir eru svo sterkir í rökfræðinni Kanarnir að það hálfa væri nóg, vá hvað þetta er djúpt hjá honum Petraeus, hann greinilega veður í (ó)vitinu Annars knús frá Essex

[Jenný Anna Baldursdóttir, 9.7.2007 kl. 21:51]

Anna mín, mikið rosalega var ég orðin úrkula vonar um að heyra frá þér.  Vertu í bandi og flýttu þér heim (vill hafa alla á sínum stað). Smjúts.