ÉG HENGI MIG UPP Á AÐ SUMARSTARFSMAÐURINN...

..er fullur eða þunnur.  Enn einn ganginn enn virðast tvær fréttir blandast saman.  Að þessu sinni er það tilraunin til að bragðbæta lambakjöt með hvönn, sem er mér tilefni til þessara skrifa en þegar farið er inn á fréttina til að lesa meira þá stendur "Riðuveiki fannst í kindahræi á afrétti".  Ég fékk vatn í munninn.  Svo ákaflega passandi við bragðbótatilraunina.

Ok, en hvað um það.  Ég er með hugmynd.  Hvönn er ekki sérstaklega góð að mínu mati, en rósmarín t.d. fer unaðslega með lambakjöti, blóðberg og estragon líka.

Hugmyndin er að beita meme á rósmarín og blóðberg.  Það myndi spara mér mikla vinnu við að mylja og steyta og troða í kryddholur. 

Hvönnin er hins vegar fín til reykinga, eins og flestir vesturbæingar á mínum aldri geta vitnað um.

Síjúgæs.

Tilraun til að bragðbæta lambakjöt með hvönn

Athugasemdir

[Pálína (IP-tala skráð) 9.7.2007 kl. 19:34]

Kannske hann hafi verið að reykja Hvönn

Annars er ég sammála þér með bragðgæði hvannar.  Líst vel á hugmyndina um að beita meme á blóðberg og rósmarín.  Verst að það síðarnefnda vex ekki villt

[Þröstur Unnar, 9.7.2007 kl. 19:39]

Þú mátt ekki hengja þig, það yrði mikill missir fyrir okkur blogglesara. Riðuveiki er ekki krydd, passaðu þig á því. Rollur hata blóðberg og rósmarin er eitur með lambakéti. Maður þurfti nú ekki Hvönn, bara fara í búrið hjá gömlu og ná sér í Camel, og þá var ekki búið að finna upp fílteringuna. Æi,fjandi er maður orðin aldraður.  

[Ásdís Sigurðardóttir, 9.7.2007 kl. 19:47]

Æ elskan mín, þú ert nú sú allra, allra snjallasta.  Góð hugmynd. 

[krossgata, 9.7.2007 kl. 19:49]

Hvers konar hvönn er verið að tala um?  Ætihvönn? Skessujurt er ljómandi á lambakjöt og eðal í kjötsúpu.

[Jóna Á. Gísladóttir, 9.7.2007 kl. 20:24]

hahaha. smart fréttablöndun

[Guðrún Sæmundsdóttir, 9.7.2007 kl. 21:25]

líst bara vel á þetta en krossgáta hvernig notarðu skessujurtina á lambið?