NÚ VERÐUR ALLT VITLAUST

 

Sko ef hún Laufey bloggvinkona og einn af nágrönnum heimilisins fyrir heimilislausa við Njálsgötu, væri ekki í London og ég í öruggu skjóli, þá þyrði ég ekki að skrifa um þetta mál eitt einasta orð.  Sko ég skil ekki þessi læti sem verða oftast, hvar sem er í borginni ef opna á einhvers konar heimili fyrir illa statt fólk.  Auðvitað er þetta ákveðið álag á nágranna, en oftar en ekki rætist úr svona starfsemi og fyrr en varir eru allir ánægðir.

Það sem mér finnst hallærisleg málamiðlun hjá borginni að fækka vistmönnum niður í 8 í stað 10 sem upphaflega var áætlað að byggju þarna.  Ég held að það skipti varla miklu máli.  Allavega opnar heimilið eigi síðar en 1. október nk.

Ég held að nú verði allt vitlaust út af þessu máli.

En hvernig er það; eru heimilislausir ekki hættir að vera það þegar þeir flytja þarna inn?

Laufey súmí

Ákveðið að hefja rekstur heimilis fyrir heimilislausa í haust

Athugasemdir

[Jóna Á. Gísladóttir, 5.7.2007 kl. 00:58]

Í öruggu skjóli í London. Muuuhaaaaaa

[Jenný Anna Baldursdóttir, 5.7.2007 kl. 01:00]

Takk fyrir að minna mig á þetta aulinn þinnMuhahahahahaha

[Edda Agnarsdóttir, 5.7.2007 kl. 01:03]

Ja hérna báðar vakandi í sumarnóttinni? Gaman

[Heiða B. Heiðars, 5.7.2007 kl. 01:03]

Ef að mér líkar ekki við nágranna mína þá flyt ég í burtu. Þessi æruverðuga bloggvinkona þín, Laufey, verður bara að flytja annað ef þetta fer eitthvað fyrir brjóstið á henni.... andskotinn hafi það. Sjálf bý ég við næstu götu og ég vil frekar eiga þessa heimilislausu fyrir nágrannna en Laufeyju

[Ester Sveinbjarnardóttir, 5.7.2007 kl. 01:10]

Heimilislausir eru í mikilli nauð og er það illa gert að setja stein í götu þeirra, menn þurfa aðeins að setjast niður og hugsa um það hvað þeir sjálfir gætu gert í sporum þessa fólks.  Við eigum að sýna meðbræðrum okkar kærleika og skilning í orði og á borði.

[krossgata, 5.7.2007 kl. 01:13]

Ætli það verði ekki bara meiri friður og ró þarna þegar þetta heimili tekur til starfa.... Starfsfólk allan sólarhringinn = hverfisvakt, alveg frítt.

[Jenný Anna Baldursdóttir, 5.7.2007 kl. 01:16]

Sammála stelpur, við eigum að sjálfsögðu að sýna náungakærleik og þarna verður vonandi starfsfólk 24/7 því að sumu leyti skil ég áhyggjur tam. barnafólks.

[Jenný Anna Baldursdóttir, 5.7.2007 kl. 05:51]

En ekki að dissa hana Laufeyju Heiða mín.  Hún er ein af mínum uppáhalds og mikill mannvinur addna kjéddling.

[Svava frá Strandbergi , 5.7.2007 kl. 16:20]

Nei ég veit... ég var að dissa hana. Mér finnst málflutningur hennar um þetta mál ömurlegur

[Heiða B. Heiðars, 5.7.2007 kl. 16:22]

Æi... ég fór inn á Svövu dóti ...en þetta var sem sagt ég að misskilja og skrifa undir vitlausu nafni