SMÁ BÚHÚ BLOGG

Það er smá mánudagsblámi í mér í dag.  Hann kemur og fer reyndar og sem betur fer á ég ekki marga svona daga.  Annars hef ég átt góð móment eins og þegar við Edda Agnars, æsku- og bloggvinkona kjöftuðum frá okkur allt vit í símanum.  Þá leiddist mér ekki.

Ég er að fríka út á blóðsykrinum og insúlíninu.  Þarf eitthvað að láta leiðrétta sprautuskammtana en er búin að fara í tvö föll síðast liðinn sólarhring.  OMG ég geng um með þrúgusykur um hálsinn. Búhú.

Annars er þetta með blámann og búhúið undarlegasta fyrirkomulag.  Þegar depurðin sest á axlirnar og maður verður samstundis svo kvalinn, misskilinn og fráskilinn.  Það er ekki eðlilegur andskoti að geta átt svona bágt án þess að eiga nokkurn skapaðan, hræranlegan, lifandi hlut bágt.  En þarna er sá svarti rakki mættur og hann vill trúa að hann sé kominn til að vera.  Ég er búin að reka kvikindið út og það fer alveg að bresta á með brosi.

Las fréttina um lífstíðarfangelsi yfir manninum sem nauðgaði og myrti 2ja ára telpuna í Englandi fyrr á árinu og það kallar fram í mér vægast sagt óæskilegar tilfinningar.  Það er ekki einu sinni hægt að skrifa um þennan viðbjóð og mannhatur. 

Annars skín sólin úti og inni og það er best að reyna að kreista fram bros.

Blue, blue monday!

Athugasemdir

[Guðríður Hrefna Haraldsdóttir, 2.7.2007 kl. 16:01]

Sendi þér huggunarríkt knús og hrós fyrir að vera búin að reka kvikindið á braut!

[Jenný Anna Baldursdóttir, 2.7.2007 kl. 16:07]

Takk ljósið mitt, ég bý í 4 herberja íbúð.  Þú veist átóGRÖFIN!

[Kristín Katla Árnadóttir, 2.7.2007 kl. 16:58]

Þó að maður er veikur þá er allt lagi að tala um það. Mér finnst þú frábær og orðheppin.

[Anna Ólafsdóttir (anno) (IP-tala skráð) 2.7.2007 kl. 17:05]

Sendi þér heiðbleika  bloggvinkonukveðju til mótvægis við blámann. Og eins og einn sem ég þekki vel segir: Blús er í fínu lagi meðan maður viðurkennir hann, þegar maður fer að afneita honum er ástæða til að sparka fast í eigin rass!

knús í tilefni dagsins

[Jenný Anna Baldursdóttir, 2.7.2007 kl. 17:07]

Takk ljósin mín.  I love u kids.

[Þröstur Unnar, 2.7.2007 kl. 19:09]

Bara svona til árangurslausrar kynjajöfnunar hér, sendi þér bardaga kveðju.

[Katrín Snæhólm Baldursdóttir, 2.7.2007 kl. 20:03]

Heyrðu stelpa mín....rennblautt rigningarknús héðan úr landi Elísabetar drottningar.

Já ég veit að það verður allt vitlaust í kringum þetta kóngafólk hérna..en hva. Þetta eru samt konunglegar knús kveðjur til bloggdrottningarinnar minnar.

Megi sólin skína í hugann og hjartað og rakkinn flýja eins og fætur toga eitthvað út í buska eða geim.

Tomorrow is the pink day...for love!!!

[Maja Solla (IP-tala skráð) 2.7.2007 kl. 20:17]

Ég vona að þér líði eitthvað betur núna, mín kæra.
Hvað varðar þessa frétt um manninn sem fékk lífstíðarfangelsi fyrir hlut sem ég get ekki einu sinni skrifað á lyklaborðinu, þá er kannski ekkert skrýtið að þú hafir fengið vott af bláma í kerfið.
Þetta hefur vissulega áhrif á líðan flestra, held ég, að heyra af svona ógeðsköllum.

Hafðu það sem allra best.

[Jenný Anna Baldursdóttir, 2.7.2007 kl. 20:36]

Æi þið eruð hver annari yndislegri.

[Jóna Á. Gísladóttir, 2.7.2007 kl. 21:25]

Djöfull er þetta ógeðsleg mynd sem þú setur inn með blámablogginu  

[Jenný Anna Baldursdóttir, 2.7.2007 kl. 21:27]

Ó fokkingei, er það?  Ég er búin að týna "rerurunum" (eins og Jenny kallar þau).

Annars fór blúsinn og vék fyrir erótík, sko bloggískri erótík. Smjúts darlingið mitt.