SVO RÓMÓ

Þegar bónorð hafa ratað mína leið í lífinu hefur það verið frekar óspennandi.  Eigum við ekki að giftast?  Ég meina barn á leiðinni og svona.  Eða við getum alveg eins gift okkur, það er hagkvæmara.  Í núverandi hjónabandi fórum við hins var bæði á hnén og erum þar enn.

Þrátt fyrir skort á rómantík í boðorðadeildinni utan í þetta eina skipti þá vogaði enginn þeirra sér að biðja mín þegar ég þreif klósettfjandann.  Enda hefði það verið ávísun á vandræði.  Alvarleg vandræði.

Þetta segir mér bara eitt.  Tony Blair er meistari lélegra tímasetninga.

Þetta fór undir spil og leikir og ekki orð um það meir.

Blair bað Cherie á meðan hún var að þrífa klósettið

Athugasemdir

[Ásdís Sigurðardóttir, 1.7.2007 kl. 18:31]

Á WC  oj. Ég var í sturtu eitt skiptið 

[Jenný Anna Baldursdóttir, 1.7.2007 kl. 18:33]

Já var það ekki.  Hitta á mann þegar maður er hvað veikastur fyrir, nakinn.  Frussssssss

[Katrín Snæhólm Baldursdóttir, 1.7.2007 kl. 18:36]

Já akkúrat...minn bað mín þegar ég var íklædd skærgulum gúmmíhönskum í miðju uppvaski..hefði ég ekki bara átt að löðrunga hann og sprauta upp i hann sápu í stað þess að segja já og klára svo að þvo upp??? Karlmenn hljóta bara að missa sig þegar þrif og sápur eru annars vegar..kannski að eitthvað í sápum geri þá rómantískari en ella. Best ég setji smá uppþvottalög undir rúm og gái hvað gerist.

[Maja Solla (IP-tala skráð) 1.7.2007 kl. 19:15]

Kannski er þetta bara karlremba, að sjá konuna í "sínu hlutverki", þ.e. við þrif og ákveða að fara á skeljarnar við það tækifæri. Hehe, allavega hefði ég orðið brjáluð.

[Laufey Ólafsdóttir, 1.7.2007 kl. 19:16]

Hef aldrei lent í bónorðum og því ekki alveg viðræðuhæf... Kannski fannst honum hún gera þetta svona afbragðsvel, höndla burstann með mikilli lagni og skrúbba með þvílíkri reisn. Annars vitum við aldrei, kannski var þetta svaka rómó augnarblik ...in a sick twisted kind of way.

[Anna Ólafsdóttir (anno) (IP-tala skráð) 1.7.2007 kl. 19:36]

Til hvers fer maður á klósettið?? Mætti þá kannski kalla þetta bad tæming? Ég stakk upp á þessu í kommenti í dag hjá honum Dodda, bloggvini. Hann sagði að það kæmist í það minnsta nálægt því!

[Jóna Á. Gísladóttir, 1.7.2007 kl. 20:10]

Látið ekki svona. Hún hefur legið á fjórum fótum við klósettið að skrúbba gólfið með tannbursta. Hann hefur ákveðið að hann gæti ekki látið konu með svona afturenda og þetta þrifnaðaræði sleppa sér úr greipum. Ákveðið að grípa gæsina.. hmm... áður en einhver annar gerði það.

[Marta B Helgadóttir, 1.7.2007 kl. 20:45]

Hef bara fengið eitt bónorð um ævina og hjónabandið entist í 22 ár (núna er því lokið sko - ekkert varir að eilífu ): 

þetta bónorð varð einhvernvegin svona:

já þurfum við ekki að gifta okkur? (af því við vorum að fara erlendis í nám.....)

[Jenný Anna Baldursdóttir, 1.7.2007 kl. 23:00]

Takk fyrir frábærar athugasemdir.  Ég ligg í hlátri.