AÐ LÆRA AÐ SITJA Á FÖTUNNI

Ég lærði mest og best að sitja á fötunni í Vinnuskólanum eða unglingavinnunni hér margt fyrir löngu.  Við fótum með rútu upp í Heiðmörk með nesti og unnum við að bera skarna á plöntur.  Réttara sagt áttum við stelpurnar að vinna við það en staðreynd málsins var sú að við fylltum fyrstu fötu morgunsins af skarna, bárum hana yfir næsta hól, í hvarf frá verkstjóra, settumst og reyktum, kjöftuðum og fífluðumst góða stund, náðum í aðra, hurfum á ný og svona gekk þetta hálft sumarið.  Hinn helminginn þóttumst við vera að snyrta Laugardalinn en hurfum þar líka reglulega yfir daginn.  Við vorum hysknir stafsmenn Reykjavíkurborgar, á skítalaunum og fengum vitnisburð í stíl við vinnuframlag.  En mikið rosalega var gaman.

Arfaplokk og fræðsla í Vinnuskólanum

Athugasemdir

[Jóna Á. Gísladóttir, 25.6.2007 kl. 16:33]

uss uss uss uss. Þvílíkt og annað eins. Ungdómurinn fyrr og síðar. Ég gerðist aldrei svo fræg að fara í Vinnuskólann eða unglingavinnuna

[Svartinaggur, 25.6.2007 kl. 16:48]

Ég vann bæði sumrin í Vinnuskólanum fyrir þó nokkrum árum síðan (nálgast 30). Það voru eintómir strákar í flokkunum og það var ekkert liðið að menn væru að hangsa. Verkstjórinn sagði að menn fengju engan pening ef þeir væru að slóra við þetta. Þannig að strákar og stelpur hafa víst sína hvora reynsluna af þessari vinnu.

[Jenný Anna Baldursdóttir, 25.6.2007 kl. 16:53]

Ég er svo gömul að á þeim tíma voru flokkarnir kynskiptir.  Þetta var hormónafyllerí gelgjunnar sem entist í tvö sumur.  OMG

[Ásthildur Cesil Þórðardóttir, 25.6.2007 kl. 20:20]

Já ég var með vinnuskóla Ísafjarðar í nokkur ár.  Þið hefðuð ekki komist upp með þetta háttarlag hjá mér.  Það get ég sagt ykkur.  Ég fór á milli flokkanna og ræddi við börnin um hvað þau væru þýðingarmikil og væru að vinna gott starf.  Ég sagði þeim líka að allur bærinn fylgdist með þeim, og ég væri sú fyrsta til að frétta að þau væru löt. Ég sagði þeim líka í trúnaði, að oft kæmi fyrir að ég væri beðin um að gefa umsögn um krakkana, þegar þau sæktu um vinnu annarsstaðar, og að mér dytti ekki í hug annað en að segja sannleikann.    Þeim var líka umbunað þegar þau gerðu vel, og refsað þegar þau voru hyskin.  Ég man eftir einum hópi sem hafði verið latur alla vikuna, þau fengu að klippa njóla, meðan hinir fóru og grilluðu inn í skógi, vegna þess hve dugleg þau höfðu verið.