GELGJUSKEIÐ HIÐ SÍÐARI

Þessa dagana er ég á "þungu" gelgjuskeiði númer tvö í lífi mínu.  Ég hef ullað og grett mig framan í húsbandið, systur mínar, nágrannana og börnin mín, ef ekki hefur verið gengið samstundis að vilja mínum.  Ég hef tuggið Pan-tyggjó (12 plötur í einu) blásið kúlur, málað neglurnar á mér svartar, grátið yfir bíómyndum Tarentinos (vegna angurværðar þeirra), skellt símanum á fólk oftar en ég kæri mig um að muna og borðað hamborgara í öll mál og þrátt fyrir það verið í stanslausri megrun (er að segja að ég sé feit).

Ok,ok,ok.. róleg ég er að ýkja en ég er á einhverskonar gelgju þessa dagana og það kemur fram í furðulegum svefnvenjum.  Vakna eins og stálsleginn berklasjúklingur á morgnana, reyki, drekk sódavatn, hangi á blogginu og er heilbrigð með afbrigðum.  Svo skellur á einhver þreyta, ég fer aftur í bólið og sef eins og saklaust barn fram yfir hádegi og missi af helling í heiminum á meðan og má hafa mig alla við að láta eins og ég hafi verið að allan morguninn.  Sko við heimilisstörf krakkar mínir, lífið gengur ekki bara út á bloggheima (*ræskj*) ég á mér LÍF þessa dagana utan þeirra (jeræt).

Kannski er um að kenna þeirri leiðu staðreynd að ég er með hita, beinverki og arfamikinn hósta.  Æi það er ekki eins dramatiskt og alls ekki efni í færslu. 

Þetta verður flokkað undir "satt og logið".

Er sem sagt vöknuð, komin á vaktina og til í allskonar óknytti, enda unglingur á ferð.

Lofjúgæs!

Athugasemdir

[Edda Agnarsdóttir, 25.6.2007 kl. 14:14]

Það er svo geggjað að geta hneggjað þá getur mar farið að krulla og ulla og í lokin byggja svo hægt sé að tyggja!

Við þurfum sko okkar rými og tíma. Kveðjuknús!

[Jóna Á. Gísladóttir, 25.6.2007 kl. 14:53]

gæti þá hitinn, beinverkirnir og hóstinn flokkast undir unglingaveiki?

[Kristín Katla Árnadóttir, 25.6.2007 kl. 15:06]

HaHa gelgjan þín.

[Laufey Ólafsdóttir, 25.6.2007 kl. 16:55]

held að unglingaveikin sé að ganga. Sumir á mínu heimili þjást af þessu líka. Ansi skemmtilegir fylgikvillar. Sérstaklega fyrir ósýkt heimilisfólk. Láttu þér batna!