AÐ KVÖLDI DAGS!

Ég reyni oftast að gera samantekt á deginum áður en ég fer að sofa.  Ég ætla ekki að hafa um hann mörg orð.  Mér komu á óvart rosaleg viðbrögð sumra við færsluna mína hér fyrir neðan þar sem ég kalla ritstjórn Moggans til ábyrgðar á hlutum sem geta misboðið fólki alvarlega og birtast á blogginu.  Ég var hissa á að flestir gætu ekki fallist á það sjónarmið mitt og margra annarra, að einhver mörk þyrftu að vera varðandi hvað við getum sett á bloggið. 

En hvað um það, svo lengi lærir sem lifir.

Las að Katrín (www.katrinsnaeholm.blog.is) vinkona mín er að hætta að blogga.  Það finnst mér leiðinlegt ef rétt er.  Vona að hún endurskoði hug sinn.

Á morgun kemur Jenny Una Errriksdóttirrr til okkar og við ætlum að dekra hana til tunglsins og hafa svakalega gaman.

Skellti inn einni mynd af litlu gullmolunum mínum Jenny og Oliver.  Þau bæta, hressa og kæta.

Gúddnæt gæs!

Athugasemdir

[Björg K. Sigurðardóttir, 22.6.2007 kl. 23:47]

Sæl Jenný mín, við erum víst ekki alveg sammála í máli dagsins en ég skil og virði þín sjónarmið þó við séum ekki alveg sammála.

Með kveðju,

[Anna Ólafsdóttir Björnsson, 22.6.2007 kl. 23:49]

Góða nótt. Renndi yfir greinar dagsins hjá þér, búin að blanda mér í umræðuna sem greip augað mest, en rakst á litla umhugsun. Hélt ég væri eina manneskjan sem er ekki alveg sama um hvernig fer með Britney Spears (þótt mér komi hennar líf strangt til tekið ekkert við). Sé að ég er ekki ein og á sömu forsendum og þú.

[Ásdís Sigurðardóttir, 23.6.2007 kl. 00:00]

Elsku Jenný mín. Stend með þér throug thick and thin, U are my girl. Yndisleg börnin á myndinni. Ég vil að blogg sé takmarka við ákveðna siðsemi, þessvegna finnst mér Ellý á mörkunum, skil ekki hvað menn og konur fá út úr því að lesa hana. Ég hef farið 2svar á síðuna hennar og skil ekki þetta bull. Einhver er ekki í lagi, kannski er það ég.

[Jóna Á. Gísladóttir, 23.6.2007 kl. 00:05]

Sofðu sérstaklega vært í nótt gullrófan mín

[Jenný Anna Baldursdóttir, 23.6.2007 kl. 00:21]

Takk elskunar mínar allar saman.

[Guðríður Hrefna Haraldsdóttir, 23.6.2007 kl. 00:39]

Sofðu rótt, elskan. Sé að ég hef misst af miklu fjöri hjá þér í dag ... annasamur dagur, vægast sagt og ekki þrek í kvöldblogg. Bara lúlla. Núna!

[Ester Sveinbjarnardóttir, 23.6.2007 kl. 00:40]

Við höfum sem betur fer mismunandi bakgrunn og mismunandi sjón á hlutunum og alltaf gott að ræða málin, ekkert að því að vera ekki á sömu skoðun.  Takk fyrir daginn

[Laufey Ólafsdóttir, 23.6.2007 kl. 01:05]

Algerir gullmolar . Verð að segja að ég er sammála þér með að mbl þurfi að taka ábyrgð. Velsæmisstjórnun þekkist á mörgum stórum vefsvæðum þar sem fólk hefur opin samskipti og er ekkert að því. Góða nótt ljúfust!

[Anna Ólafsdóttir (anno) (IP-tala skráð) 23.6.2007 kl. 01:11]

Eigðu góða nótt og enn betri morgundag með litla gullmolanum þínum - knús

[Hrönn Sigurðardóttir, 23.6.2007 kl. 01:34]

Falleg börn. Ekkert lík þér

Knús