BANNAÐ AÐ REYKJA

Reykingafólki verður meinað að taka að sér börn undir fimm ára aldri samkvæmt nýjum viðmiðunarreglum sem birtar verða þegar ný lög um reykingar taka gildi í Bretlandi þann 1. júlí n.k.

Ég reyki, eins og strompur, það viðurkennist en ég myndi aldrei láta mig dreyma um að gera það þannig að börnum stæði hætta af.  Ég reikna með að flestir séu sama sinnis.  En fósturbarn færðu ekki ef þú ert í nikótíninu.  Það fer að verða vandlifað í þessum heimi.

Látum foreldralaus börn deyja úr sulti og vosbúð eða hírast inni á stofnunum frekar en að koma þeim fyrir hjá fólki sem vill eignast börn.  Ekki spurning því vesalings börnin gætu mögulega orðið fyrir óbeinum reykingum þar sem foreldrarnir standa úti á svölum og reykja.

Ég á ekki orð.

Breskir reykingamenn fá ekki að verða fósturforeldrar

Athugasemdir

[Jóna Á. Gísladóttir, 21.6.2007 kl. 14:53]

Því miður var bara tímaspursmál hvenær þetta myndi gerast. Maður verður svo fjúríus. Hvergi er minnst á að ekki megi drekka brennivín. Einmitt! Vegna þess að börnum stafar ekki hætta af því að það sé drukkið í kringum þau, því allir kunna að fara með vín og halda því frá börnum en enginn reykingamanneskja kann að halda nikótíninu frá þeim. Yeah right.

[Jenný Anna Baldursdóttir, 21.6.2007 kl. 15:50]

Þetta er alveg stórfurðulegt þegar það er farið að einblína á einn þátt í fari fólks.  Ég held að flest allir (nema hálfvitar) reyki núorðið innan um börn og það eru mörg ár síðan sú hugarfarsbreyting varð.  Arg...

[Katrín Snæhólm Baldursdóttir, 21.6.2007 kl. 16:03]

Held að engu barni yrði meint af dvöl hjá mér þó ég taki einn og einn smók í garðinum seint um kvöld. Hins

[Katrín Snæhólm Baldursdóttir, 21.6.2007 kl. 16:04]

Hins vegar hef ég meiri áhyggjur af eitruðu hugarfari og neikvæðni sem ég held að hafi mun skaðræðilsegri áhrif á ungviðið en sígarettureykur í fjarskanum.

[Björn Jóhann Guðmundsson, 21.6.2007 kl. 16:48]

Jahá..........

Ég veit eiginlega ekki hvað ég á að segja. Ég sé hvort sem er ekki fram á bjarta framtíð hjá þessum börnum því þau munu aldrei fá að vera frjáls. Eftir tíu ár mun ríkið vera byrjað að segja þeim hvað þau eiga að hugsa. Þessi and- reykingafasismi eru bara fyrstu skrefin inn í nýja öld án persónufrelsis og stanslauss eftirlits af höndum þeirra sem við því miður borgum laun.

[Jenný Anna Baldursdóttir, 21.6.2007 kl. 17:37]

Svo sammála Björn Jóhann og reyndar ykkur öllum.  Hvernig stendur á því að það er ekki eitt einasta argjúment frá þeim sem eru á móti reykingum.  Þeir eru nú yfirleitt tjáningaglaðir mjög en kannski er þetta dálítið út fyrir mörkin, jafnvel fyrir þá líka.

[Guðríður Hrefna Haraldsdóttir, 21.6.2007 kl. 19:28]

Ég er einmitt að bíða eftir einhverju svona hérna heima! Banni við reykingum á heimilinum eða úti á svölum, jafnvel bara í augsýn einhvers sem gæti þá sagt við sjálfan sig: "Aha, reykingar ... ég sem ætlaði alltaf að byrja að reykja, gott að þessi minnti mig á það!"

[Ísdrottningin, 21.6.2007 kl. 21:03]

Það er ekki hægt að líkja reykingum í návist barna við drykkju gott fólk, ekki nema að börnin fái sína vodkablöndu í pelann um leið og sá fullorðni. 

Eiturefni sígarettunnar eru börnunum enn hættulegri en þeim sem reykja, þetta vita allir sem vilja vita en reykingamenn vilja/ætla ekki horfast í augu við slíkt því þá gætu þeir ekki eitrað fyrir börnunum sínum áfram.  Þeir hefðu ekki samvisku til þess.  

Reykingar í návist barna eru hámark sjálfselsku sem jafnast við fátt annað í þessari veröld.

[Jóna Á. Gísladóttir, 21.6.2007 kl. 22:32]

Það er ekki verið að líkja þessu tvennu saman. Aðeins verið að benda á að forræðishyggjan er orðin ansi mikil og afhverju að draga mörkin við reykingar. Ofdrykkja foreldra/forráðamanna hefur varanleg andleg áhrif á börn sem alast upp við slíkt. Afhverju nær forræðishyggjan ekki yfir slíkt? Ef fólki er ekki treystandi til að halda reyknum frá börnum afhverju er þeim þá treyst fyrir því að áfengi sé ávallt haft um hönd í hófi???

[Jenný Anna Baldursdóttir, 21.6.2007 kl. 22:43]

Það er enginn að tala um að reykja í návist barna Ísdrottning.  Róleg.  Ég segi eins og Jóna ef það á að fara meta hættur þá eru drukknir og dópaðir öllu öllu dómgreindarlausari og hættulegri börnum en fólk sem reykir og tekur ábyrgð á sínum reykingum.  Þessi fasismi er farinn að ganga út í öfgðar og hananú. 

[Ísdrottningin, 27.6.2007 kl. 10:31]

Flestallt reykingafólk sem ég veit um reykir inn á heimilum sínum án þess að hugsa nokkuð út í hvar börnin eru eða hvaða áhrif reykingarnar hafa á börnin. Veit meira að segja um þrjú tilfelli þar sem foreldri/foreldrar hafa fengið bein tilmæli um það frá lækni að hætta að reykja nálægt barni vegna astma/ofnæmis. Ein þóttist hætt að reykja inni hjá sér en breytti samt engu, í tveimur tilfellum reyktu foreldrarnir á svölunum í rétt rúma viku, fóru út í dyr í nokkra daga þar á eftir en hættu svo alveg að nenna út að reykja.

Skoðanir mínar eru mótaðar af því að fylgjast með þessum börnum reyna að lifa af ósóma foreldranna og að hlusta á börnin tala um reykingar foreldra sinna þegar ég hef gætt þeirra. Ein stúlkan vildi flytja til mín því hún sagðist ná andanum heima hjá mér og liði mun betur.

Þessir foreldrar eru allir því marki brenndir að hafa alist upp á reykingaheimili þar sem ekki var tekið tillit til þeirra (enda aðrir tímar þá) og þeim finnast það sjálfsögð mannréttindi að reykja heima hjá sér!