ENN EIN BLEIK FÆRSLA..

..og ekki svo gleðileg í þetta skipti.  Ef fram fer sem horfir verð ég handtekin af litalögreglunni en ég er komin með dómdagshöfuðverk af öllum þessum hressilega bleika lit, enda ég þekkt fyrir að vera í svörtu.  Konur bjóða körlum hærri laun en konum og karlar bjóða kynbræðrum sínum ennþá hærri laun.  Konur reikna með að konur sætti sig við lægri laun en karlar.  Munurinn er frá 13-19%.  Þetta er niðurstaða rannsóknar á óútskýrðum launamuni kynjanna sem kynnt var í dag.

Ég er ekki hissa á að karlar bjóði körlum mikið hærri laun en konum.  Það veit ég bæði af eigin raun og vegna fjölda rannsókna um málefnið.  Það er hins vegar sárara en tárum taki að konur skuli mismuna kynsystrum sínum svona.  Það eru sorgarfréttir á þessum annars yndislega degi.

Við áfram í bleiku stelpur og bítum á jaxlinn!

Bæði kynin reikna með því að konur sætti sig við lægri laun en karlar

Athugasemdir

[Guðríður Hrefna Haraldsdóttir, 19.6.2007 kl. 14:30]

Já, þetta eru sorglegt að vita ... var sjálf á "eiginkonulaunum" í svo mörg ár þótt ég væri eina fyrirvinna heimilisins. Ekkert þýddi að biðja um launahækkun, ég þurfti að skipta um starf og síðar fara í skóla til að fá það sem ég átti skilið. Það er samt svo erfitt að vita ekki hvort karlar í sambærilegum störfum séu meira metnir launalega séð, þess vegna vil ég að launaleynd verðiaflétt! Þetta misrétti grasserar svo víða vegna hennar. 

Knús frá Skaganum!  

[Hrönn Sigurðardóttir, 19.6.2007 kl. 14:36]

Sammála síðasta ræðumanni. Burt með launaleynd þar sem misrétti grasserar!!!

[Ásthildur Cesil Þórðardóttir, 19.6.2007 kl. 15:39]

Já einmitt. 

[Eva Þorsteinsdóttir, 19.6.2007 kl. 15:44]

Þetta er svínslegur litur :)

[Jenný Anna Baldursdóttir, 19.6.2007 kl. 16:51]

Svín ertu sjálf og ull á þig addna í tilefni dagsins. Smjúts.