ERU EKKI ALLAR STELPURNAR..

..búnar að ná í peysufötin í hreinsun, bursta skóna og flétta hárið?  Ef ekki þá eruð þið ekki mjög þjóðlegar og getið því skammast ykkar.  Ég fór og fylgdist með forsetanum leggja blómsveig við styttuna af forseta Jóni og hlustaði "live" á Haarde reyna að selja okkur þá hugmynd að kvótakerfið væri besta kerfið.  Hvernig ætli fólki líði sem veit absolútt hvað er best?  Ég get ekki ímyndað mér það því það er fullkomlega framandi upplifun fyrir mér.  Annars er ég að ljúga í tilefni dagsins.  Hef þegar þetta er skrifað ekki rekið nef út fyrir hússins dyr.

Ef ég rekst á enn eina fyrirsögnina á blogginu í dag sem skartar hinni fleygu setningu "hæhæ og jibbí jei og jibbíjajei, það er kominn..... þá fer ég og frem eitthvað.

Fáið ykkur kandyfloss stelpur og strákar.!!

Athugasemdir

[Björg K. Sigurðardóttir, 17.6.2007 kl. 14:44]

Sæl Jenný og til hamingju með þjóðhátíðardaginn

[Ásthildur Cesil Þórðardóttir, 17.6.2007 kl. 16:57]

Hæ ó jibbyjey og jibbýjey það er kominn sautjándi júní

[Jenný Anna Baldursdóttir, 17.6.2007 kl. 17:55]

Ásthildur ég er ekki ofbeldishneigð kona en nú kem ég og .... þig! ArG..

[Steingerður Steinarsdóttir, 17.6.2007 kl. 19:07]

Ég verð að viðurkenna að þótt skautbúningur sé að mínu mati einn fallegasti klæðnaður sem skapaður hefur verið utan á kvenlíkamann eru peysuföt og upphlutur á hinn bóginn þau verstu. Allar konur, ég segi og skrifa, allar konur eru litlar, feitar og bosmamiklar í þeim búningum og ég horfi alltaf með samúðarsvip á konur í upphlut á sautjánda júní. Þær vita sem sé ekki að líkamsvöxtur þeirra er mjög svo afmyndaður.