"HAFÐU SAMBAND"..

...stóð efst á blogghausnum hjá mér þegar ég fór inn í morgun. Ég fór í fár.  Hvað hafði ég nú að mér gert?  Ég var ekki viss um að það væri eitthvað sem ég hefði brotið af mér (sem Mogginn vissi um) en var jafnframt með það á hreinu að möguleikarnir væru ýmsir.  Hafði einhver ýtt á "óviðeigandi tengingu" við frétt? Ég fréttablogga stundum og einhvertímann í fíflagangi hefði ég getað bloggað frá mér og fréttinni allt vit.  Hafði einhver Fjóla, Allmannagjáa eða Skæringur lesið nafnabloggið og fyrts við og klagað í Moggann fyrir persónuofsóknir?  Ping, pang, það sló mig í höfuðið hvað ég hafði gert mig seka um mest af öllu.  Það er flokkunin.  Ég flokka grimmt.  Ef t.d. er minnst á bók í færslu hjá mér (td. stendur eins og stafur á bók) þá set ég það undir bókmenntir, allt sem ég skrifa fer undir vísindi og fræði þar sem þið vitið að allt er til í heimi vísindanna, líka pistlarnir mínir.  Ég sendi sleikjulegt bréf til Moggans, þar sem ég spurði sakleysislega af hverju ég ætti að hafa samband og fékk um hæl svarið að þetta væri ný krækja til að auðvelda okkur bloggurum að hafa samband við höfuðfjölmiðilinn.  Þeir eru bara að gera okkur lífið auðveldara þessar elskur.  Hugs.. hvernig flokka ég þessa færslu?

Þessi fer beint í spil og leiki því ég er náttúrulega að leika mér með ykkur.

Síjúgæs!

Athugasemdir

[Laufey Ólafsdóttir, 15.6.2007 kl. 10:40]

Æi Jenný! Ekki gera mér þetta! Ég ligg í gólfinu!

...var einmitt að spá í þetta "hafðu samband" í gær en ákvað að vera ekkert að koma mér í vanræði með því að gá að því

[Edda Agnarsdóttir, 15.6.2007 kl. 10:48]

Bíddu, þetta var allt of spennandi byrjun til að láta hana enda í einhverjum dauðum frumum eins og mbl.is!

[Ibba Sig., 15.6.2007 kl. 16:16]

*fruss*

Og þú svona sjálfhverf að halda að þú hefðir ein fengið svona boð. Ég verð ekki eldri kona.

Annars dáist ég að skrifhamnum sem þú ert í, bara hver færslan annarri betri. Þú ert sannkallaður súperbloggari.