BOMBA VIKUNNAR...

...fer til Samfylkingarinnar fyrir nýjustu útþynninguna á kosningaloforðum sínum.  Ætli það séu margir 70 ára og eldri sem stunda atvinnumarkaðinn?  Árlegur kostnaður við þessa breytingu verður 560-700 milljónir króna.  Ég kalla það vel sloppið.  Ég beini bombunni til Samfylkingarinnar þar sem ég gerði mér væntingar um hana en þar á bæ vill fólk telja sig félagshyggjuflokk.  Af íhaldinu bjóst ég ekki við neinu þannig að þeir koma ALLTAF á óvart.  Ég tek þó fram að ég er heiftarlegur aðdáandi Jóhönnu Sigurðardóttur en hún er greinilega ekki ein í ríkisstjórninni.

 

 

Tekjur sjötugra og eldri skerða ekki almannatryggingar

Athugasemdir

[Ásthildur Cesil Þórðardóttir, 14.6.2007 kl. 17:27]

Var einmitt að svara henni Hönnu Birnu með þetta sama;

Sennilega jafnréttishugsjón Samfylkingarinnar í réttu ljósi.  Þ.e.a.s. þegar á reynir ekki satt.  Hvar eru allar stóru yfirlýsingarnar ? Hvar er öll hneykslunin á fyrrverandi meirihluta ? Þetta er alveg ótrúleg kúvending, ætli grasrótin fíli þessa kúvendingu ?

[Eva Þorsteinsdóttir, 14.6.2007 kl. 18:41]

Jenný mín, þingið er farið í sumarfrí..... taktu þér nú pásu frá pólitíkinni líka

Muhahahaha......................................

[Anna Einarsdóttir, 14.6.2007 kl. 18:44]

Nú er ég að reyna að skilja ?  Er þetta ekki hið besta mál ?

Í málefnaskrá Samfylkingarinnar stendur m.a.

"Afnema skerðinu á tryggingabótum ellilífeyrisþega vegna tekna maka"

Mér finnst bara nokkuð gott að innan við mánuði eftir að við komumst í ríkisstjórn, eru hlutirnir byrjaðir að gerast. 

[Guðríður Hrefna Haraldsdóttir, 14.6.2007 kl. 20:56]

Vonum bara að þetta sé upphafið að efningu kosningaloforða. Ætla að reyna að vera á vaktinni með að fylgjast með. Þú ert best allra í að minna mig á. 

[Jenný Anna Baldursdóttir, 15.6.2007 kl. 13:47]

Anna "skerðing á tryggingabótum ellífeyrisþega (á öllum aldri) og öryrkja" held ég að standi þar.  Þetta eru því lélegar heimtur.  Ekki bera í bætifláka, þetta er ekki nógu gott.