STOLIÐ OG STÍLFÆRT

 

Ég er að drepast úr sunnudagsleti og ég áttaði mig á því að ég sakna pólitískrar umræðu.  Ég sem ætlaði ekki að minnast á pólitík í allt sumar.  Var í hávaða viðræðum við húsbandið áðan áður en hann fór í vinnuna.  Það þýðir ekki að við værum að rífast því við erum ógeðissammála um stjórnmálin en við tölum okkur í ham.  En nóg um það að sinni. Til að lengja í minni prívat og persónulegu hengingaról, vegna þrifanna á heimilinu sem ég þarf að takast á við, þá fór ég að lesa allskyns blogg.  Á einu þeirra fann ég gamla færslu sem ég stal og stílfærði smá (þe sleppti úr og sollis) og ég skelli henni hér inn ykkur til gamans.  Þetta er sumarlesningin í ár skilst mér.  Gjöriðisvovel:

* Fölskvalaus iðrun - eftir Árna Johnsen

* Stjórnmálaflokkar sem ég á eftir að prófa - eftir Kristin H. Gunnarsson

* Framfarir í mannréttindamálum í Kína

* Hlutir sem ég hef ekki efni á - eftir Björgúlf Thor Björgúlfsson

* Villtu árin - eftir Geir H. Haarde

* Hvernig halda skal formannssæti - Össur Skarphéðinsson

* Félagatal Framsóknarflokksins

* Kúnstin að vera krúttlegur - eftir Gunnar Birgisson (æl)

* Vinsælustu lögfræðingar landsins

* Hvernig á að bjóða útlendinga velkomna - eftir Jón Magnússon

* Úr fréttum inn á þing - eftir Ómar Ragnarsson

* Þingmannsárin - eftir Jón Sigurðsson

* Það sem mér líkar vel í fari framsóknarmanna - eftir Steingrím J. Sigfússon

Hauspokamyndin er af mér audda af því ég stal af blogginu.

Síjúgæs

 

Athugasemdir

[Halldór Sigurðsson, 10.6.2007 kl. 16:56]

Eru lögfræðingar vinsæli á Íslandi ?

[Hrönn Sigurðardóttir, 10.6.2007 kl. 17:18]

þetta hljóta að vera styztu bækur ever....

[Jenný Anna Baldursdóttir, 10.6.2007 kl. 18:08]

Eru ekki gefnar út örbækur Halldór þar sem þú ert?  Svona á stærð við skiptimiða ha?

Já mér telst svo til Hrönnsla að þær muni vera stuttar enda afþreying á sumrum.