SÆNSKAR LEIÐIR TIL EFTIRBREYTNI

Ég er hrifin af hinum sænsku leiðum.  Sænska leiðin í vændismálum er flott þar sem kaup á vændi er refsivert.  Nú vill sænska ríkisstjórnin auka eftirlit með þeim sem sækjast eftir að starfa á dag- og frístundaheimilum eða í skólunum.  Þetta er svo sjálfsagt í rauninni að það er beinlínis fáránlegt að þetta skuli ekki fyrir löngu komið til framkvæmda.  Fólk sem vill ráða sig til starfa við öryggisgæslu í fyrirtækjum þarf að framvísa sakavottorði og í bönkum t.d. þarf fólk að vera með hreinan fjármálaferil.  Börnin sem eru það dýrmætasta sem við eigum eiga rétt á því að allra varúðarráðstafana sé gætt þegar umönnun þeirra er annars vegar.  Nú vil ég að við gerum það sama og Svíarnir.  Ekki seinna en í haust þegar Alþingi kemur saman. 

Að byrgja brunnin áður en barnið dettur ofan í hann er að mínu mati ósmekklegur málsháttur en hér smellpassar hann.

Aukið eftirlit í Svíþjóð með fólki sem starfar með börnum

Athugasemdir

[Guðríður Hrefna Haraldsdóttir, 7.6.2007 kl. 12:41]

Hilda systir hefur gert þetta í níu ár í Sumarbúðunum Ævintýralandi. Enda farsæl starfsemin hjá henni. Sakavottorð, meðmæli, viðtöl og fleira áður en hún ræður fólk. Algjör snilld en auðvitað ættu allir að gera þetta, alls staðar, alltaf!!!

[Ásthildur Cesil Þórðardóttir, 7.6.2007 kl. 15:20]

Þetta ætti bara að vera sjálfsagt mál.  Það eru börnin okkar sem eru í húfi.  Saklaus og eiga rétt á því öryggi sem við getum veitt þeim. 

[Anna Ólafsdóttir (anno) (IP-tala skráð) 7.6.2007 kl. 17:07]

Ég er svo hjartanlega sammála. Það er í raun undarlegt miðað við öll ljótu málin sem nú eru komin upp á yfirborðið að ekki sé fyrir löngu kominn í gagnið einhver lagarammi sem ætlað er að fyrirbyggja að svoleiðis nokkuð geti gerst. Ég trúi ekki að það stangist á við persónuverndarlög að bakgrunnur fólks sé kannaður í þessum efnum.