AFLEIÐINGAR HERNÁMS ÍSRAELSRÍKIS

Amnesty International heur birt nýja skýrslu "Enduring occupation: Palestinians under siege in the West Bank" sem skýrir frá afleiðingum hernáms Ísraelsríkis á landi Palestínumanna sem hefur varað í 40 ár.  Auðvitað er gott mál að Amnesty skuli hafa unnið þessa skýrslu en þarna birtast svo sem ekki ný sannindi.  En best er að þau fái að heyrast sem oftast.  Í tilkynningu Amnesty segir að skýrslan skýri frá vesti ólöglegra landnemabyggða á landi Palestínumanna og hvernig þessar byggðir svipta palestínska borgara nauðsynlegum auðlindum.  M.a. kemur einnig fram í tilkynningu samtakanna eftirfarandi:

"Skýrslan greinir einnig frá fjölmörgum ráðstöfunum til að einangra búsetu Palestínumanna við mörg smá landssvæði og hindra aðgang þeirra að vinnu, heilsugæslu- og menntastofnunum. Til slíkra ráðstafana telst til að mynda 700 km löng girðing/veggur auk rúmlega 500 eftirlitsstöðva og vegatálma."

Mér verður svo oft hugsað til þess hversu sagan endurtekur sig meira og minna.  Þetta minnir mig töluvert á ýmsa hluti sem Gyðingar sjálfir bjuggu við þegar þeir voru ofsóttir af Hitlers-Þýskalandi.  Ghettó og annað ámóta geðslegt.  Hvernig stendur á að heimurinn lokar augunum fyrir því hvernig farið er með Palestínumenn?  Er það af því að það er Ísraelsríki sem stundar ofsóknirnar, landtökurnar, byggingu múra  svo eitthvað sé nefnt?  Er eitthvað glóbalt samviskubit í gangi gagnvart Gyðingum vegna þeirra hroðalegu ofsókna sem þeir urðu fyrir í seinni heimstyrjöldinni?  Það samviskubit er þá of seint á ferð og á alls ekki við lengur.

Ný skýrsla um Palestínu frá Amnesti International

Athugasemdir

[Ásthildur Cesil Þórðardóttir, 7.6.2007 kl. 09:05]

Mér finnst alveg hræðilegt hvernig ísraelsmenn haga sér.  Og þeir voru sko ekki einu fórnarlömbin i stríðinu hans Hitlers, þar voru mörg þjóðarbrot sem voru hundelt, til dæmis Sígaunar.  Ísraelsmenn eignuðu sér bara málið, til að fá vorkunn.  Aldrei hefur hvarflað að neinum að gefa sígaunum land.  Tvískinnungurinn er mikill hjá þjóðum heims.  Ég ætla ekki að láta hér út úr mér hvað mér finnst um ráðamenn í Ísrael, en ég er viss um að forystumenn þeirra fara lóðbeint niður til Helvítis þegar þeir fara héðan.

[Kristín Katla Árnadóttir, 7.6.2007 kl. 09:46]

Já heimurinn er  vondur.