ÉG GLEYMDI HÉRNA LÍTILRÆÐI!

Úpps ég er orðin svo gleymin.  Hef þess vegna þessa rauðu slaufu á vísifingri hægri handar til að minna mig á allt það sem ég þarf að deila með ykkur bloggvinir og aðrir gestir.  Þegar líf manns er svo fullt af spennandi viðburðum og það eru ekki einu sinni AUGLÝSINGAHLÉ á milli atriða og hver spennandi atburðurinn rekur annan í hinu villta lífi mínu, þá hef ég gripið til þessa ráðs.  Ég get því miður ekki ráðlagt ykkur hvernig þið eigið að gera líf ykkar auðugri að viðburðum en þið lufsurnar ykkar getið allavega lesið um mitt "hektiska" líf ykkur til upplyftingar.  Eftir að ég varð snúra hefur líf Indíana Djóns orðið eins og hjá fóbiskum perra með torgfóbíu sem fer aldrei út fyrir hússins dyr.  Ójá.

Í gær gleymdi ég að segja ykkur frá æsispennandi atburði sem gerðist í Hagkaup í Kringlunni.  Eftir að fólk hafði nær snúið sig úr hálsliðnum vegna mergjaðrar og sérstæðar fegurðar minnar og limaburðar (þar sem ég sveif um með körfuna úr Hagkaup sem svo vildi ekki vera með á mynd) fór ég allt í einu að sjá tvöfalt.  Ég var í sykurlosti.  Staðurinn var nottla vel valinn, allt löðrandi í akútvörum fyrir sykursjúka og ég drógst nær dauða en lífi að næsta sælgætisrekka og reif í mig súkkulaði.  Meira segja þarna olli fegurð mín og kynþokki ofsaundrun í sælgætisdeildinni.  Það gláptu bókstaflega ALLIR á mig.  Úff eins og fólk hafi aldrei séð konu fá sér nammi á meðan hún verslar.  Auðvitað veit ég að það var lásý afsökun til að fá að horfa á mig sem lengst.

Þessu vildi ég deila með ykkur dúllurassarnir mínir og ég gleymdi því í gærkvöldi af því að líf mitt er svo óheyrilega villt.

Kræst hvað ég á gott að vera ég.  I love my selv!

Athugasemdir

[Guðríður Hrefna Haraldsdóttir, 3.6.2007 kl. 16:37]

Mikið varstu heppin að vera staðsett nákvæmlega við sælgætisrekkann! Sé fyrir mér fólkið að horfa á þessa ægifegurð ráðast á nammið ... hahahhaha!

[Eva Þorsteinsdóttir, 3.6.2007 kl. 17:15]

Grísinn þinn ;)

[Ásthildur Cesil Þórðardóttir, 3.6.2007 kl. 17:21]

[Ásthildur Cesil Þórðardóttir, 3.6.2007 kl. 17:21]

Ég náði ekki að segja meira ég datt niður af stólnum.

[Svava frá Strandbergi , 3.6.2007 kl. 17:37]

Sætar konur þurfa sætindi.

[Halla Rut , 3.6.2007 kl. 19:41]

Sæt - sætari - sætust.....

[Ásdís Sigurðardóttir, 3.6.2007 kl. 20:07]

Lykilatriði sem kemur fram í lok pistilsins, love myself, algjört must ef vel á að ganga, stundum hefur maður nú aðeins skrikað á ástarbrautinni en sjálfselska er uppspretta alls kyns ástar á öðrum og öðrum

[Kristín Katla Árnadóttir, 3.6.2007 kl. 22:08]

Jú þarna sæta, flott hjá þér að fá þér smá nammi.

[Jóna Á. Gísladóttir, 4.6.2007 kl. 01:13]

 Passa blóðsykurinn kona. Leiðinlegt að skríða svona á gólfinu í stórmörkuðunum og hanga á rekkunum, á litinn eins og undanrenna.