HINN SÍGLAÐI SUMARSTARFSMAÐUR..

 Sumarstarfsmaðurinn á stjörnuspávaktinni í gærkvöldi.  Fellur aldrei verk úr hendi!

..Moggans, þessi sem er með ábyrgðina á stjörnuspánni, heldur áfram að slá sjálfum sér við (veggi og gólf).  Núna er þýðingarhæfileikinn í fullum blóma og hvaða máli skiptir orðalag og stafsetning þegar boðskapurinn er góður?  Stjörnuspá sunnudagsins fyrir undirritaða er svohljóðandi:

"Steingeit: Viltu ráðast á vandamál? Gefðu því allt sem þú átt. Hvert sem þú ert að hreinsa geymsluna heima eða í hausnum, þá virkar að kíkja í horn sem vilja gleymast."

Spekin vellur frá þessari slyngu og skemmtilegu sumarstarfspersónu.  Hvað gerði ég við líf mitt áður en hún kom inn í það þessi elska?  Ég hélt aldrei að ég ætti einhvern tímann eftir að bíða með öndina í hálsinum eftir að spáin væri sett á netið hvern dag.

Gúddnætgæs!

Athugasemdir

[Eva Þorsteinsdóttir, 3.6.2007 kl. 01:53]

Hehehe... um daginn fékk ég; Fjölskuldan og vinir veita þér mikla athygli.........

[Ester Sveinbjarnardóttir, 3.6.2007 kl. 01:53]

  Frábært 

[Jóna Á. Gísladóttir, 3.6.2007 kl. 01:58]

gúddnæt honey

[Anna Ólafsdóttir (anno) (IP-tala skráð) 3.6.2007 kl. 02:02]

Láttu endilega vita hvort þú valdir, geymsluna eða hausinn

[Jenný Anna Baldursdóttir, 3.6.2007 kl. 02:14]

er enn að hugsa Anna mín, enn að hugsa

[Guðríður Hrefna Haraldsdóttir, 3.6.2007 kl. 02:44]

LJÓN 23. júlí - 22. ágúst
Suma daga renna draumar á vængjum álfanna, en í dag þarftu að nota olnbogana. Haltu áfram að hugsa stórt og á morgun ertu farinn að renna aftur.

Þetta eiginlega soldið fyndið. Hvernig er hægt að setja saman íslensk orð í svona óskiljanlegar setningar? 

[Jenný Anna Baldursdóttir, 3.6.2007 kl. 02:49]

Við verðum að fara fram á fund með Styrmi um málið og svo gætum við kannski hjálpað kjéddlingunni.  Ég held að hún reyki of mikið.  Ég hef sjaldan séð annað eins orðasalat.