KLÁMRÁÐSTEFNAN GERÐ UPP

Alveg finnst mér furðulega auðvelt fyrir klámráðstefnugestina alræmdu að fá greidda "sáttargreiðslu" vegna ákvörðunar eigenda Hótel Sögu að hætta við að hýsa ráðstefnugesti.  Forsvarsmenn hótelsins hafa fallist á að greiða á fimmta tug gesta einhvers konar sárabætur vegna þess að hótelið hætti við að hýsa þessa ráðstefnugesti.  Er ekki alltaf verið að lofa og prísa frelsið?  Er eigendum Hótel Sögu ekki leyfilegt samkvæmt "frelsispólitíkinni" að úthýsa hverjum sem er af sínu hóteli?  Sigurgeir Þorgeirsson hjá Bændasamtökunum telur að þetta jafngildi ekki viðurkenningu á sekt í málinu.  Hvernig ber þá að túlka þessar millur sem þeir eru að greiða klámráðstefnufólkinu? Eru það pjúra almennilegheit? 

"Um er að ræða greiðslu vegna ferðakostnaðar, kostnaðar við gistingu og vinnu við undirbúning klámráðstefnunnar. Ekki fékkst gefið upp um hve háa upphæð er að ræða en samkvæmt upplýsingum Fréttablaðsins nemur hún nokkrum milljónum króna."

Ég get svarið að þetta vefst töluvert fyrir mér eins og ég er nú súper vel af Guði ger.  Af hverju borga þeir ef það er ekki jafnframt verið að viðurkenna einhverja sekt í málinu?  Hm.....

Fallast á sáttagreiðslu vegna afboðunar klámráðstefnu

Athugasemdir

[Árni Steingrímur Sigurðsson, 2.6.2007 kl. 13:06]

Þetta snýst umþað hvað þeir höfnuðu gistingunni seint.  Alveg sama hvað fólkið var að gera þá er það nú þannig að bókun hafði verið framkvæmd án mótmæla, þá myndi ég halda að góðar ástæður þurfi að koma til.  Fyrst þú ert svo frelsisþenkjandi, var þá ekki í lagi fyrir þetta fólk að koma hingað og tala saman?

[Sigurjón, 2.6.2007 kl. 21:51]

,,Er eigendum Hótel Sögu ekki leyfilegt samkvæmt "frelsispólitíkinni" að úthýsa hverjum sem er af sínu hóteli?"

Nei, Hótel Sögu er ekki heimilt, frekar en öðrum að mismuna fólki eftir starfi þess.  Ef þeir borga ekki þessa greiðslu með góðu, eiga þeir eftir að standa í málarekstri við ráðstefnugesti og því máli eiga þeir eftir að tapa, því þetta var ólöglegt!

[Jóna Á. Gísladóttir, 2.6.2007 kl. 22:46]

Ég held þetta snúist um hversu seint þeir höfnuðu viðskiptunum.