BANNAÐ AÐ REYKJA - HÓST - HÓST

Kormákur Geirharðsson er ekki hrifin af væntanlegu reykingabanni sem tekur gildi á föstudaginn.  Ég skil hann ágætlega þar sem hann hefur ekki aðstöðu til að byggja skýli fyrir gesti sína.  Þrátt fyrir að vera reykingarmaður þá er þetta bann alls ekki alvont finnst mér.  Þó finnst mér súrt að geta ekki fengið mér eins og eina síu á kaffihúsi.  Þar verður aldrei jafn mikið kóf eins og á skemmtistöðum.  Ég sætti mig þó við þetta og mun fara þangað sem reykingaraðstaða er fyrir hendi, úti eða í skýli.

Allir vita um skaðsemi reykinga, um það þarf ekki að deila. Það sem ég á hins vegar erfitt með að skilja hvers vegna reykingamenn eru litnir hornauga allsstaðar á meðan ríkið selur sígarettur og græðir á þeim peninga. Ekki lítil tvöfeldni í þeirri pólitík finnst mér.  Ég bíð spennt eftir að sjá hvernig þetta mun ganga.  Þorgrímur Þráinsson hlýtur allavega að vera í skýjunum.

Reykingabann á skemmtistöðum gæti skilið milli feigs og ófeigs

Athugasemdir

[Guðríður Hrefna Haraldsdóttir, 30.5.2007 kl. 17:23]

Það rúlla einhverjir á hausinn, það er alveg pottþétt. Ekki ætla ég út á djammið og mega ekki reykja ... svo mikið er víst. Ég fer reyndar aldrei en það er önnur saga. Svona fanatík fær mig ekki til að hætta að reykja, frekar æsir mig gegn því. Vona að það komi sérstakir reykingaklúbbar, það hlýtur að mega. Þá er hægt að vara Þorgrím og fleiri við áður en þeir ganga í bæinn. Sammála þér með tvöfeldnina í þessu öllu saman. Annars finnst mér sjálfsagt að sýna þeim reyklausu algjöra tillitssemi en þeir eru farnir að vaða yfir mig núna. Bestu kaffihús bæjarins eru reyklaus og búin að vera það lengi. Frekjan við veitingamenn er svo mikil að þeir mega ekki einu sinni setja upp sérstök reykingaherbergi ... nei, þetta reykingapakk sem heldur uppi þjóðfélaginu að hluta hefur engin réttindi. Urrrrr, þú æstir mig upp.

[Eva Þorsteinsdóttir, 30.5.2007 kl. 18:14]

Heyr, heyr....... af hverju þarf að útskúfa reykingamönnum eins og glæpamönnum, þetta er söluvara, hún er seld..... og keypt!!!

Og trúið mér, það munu koma sérstakir reykingaklúbbar...... því ég ætla hér með að stofna einn í húsnæði sem ég á...... þið kaupið bara áskrift í klúbbinn og þá eru drykkir og veitingar innifaldar..... ekki er það ólöglegt???

Vitið þið um laust húsnæði....anyone????

[Þorbjörg Ásgeirsdóttir, 30.5.2007 kl. 21:16]

Flott Eva, ertu svo ekki til í að hafa til sölu, í klúbbnum þínum,  hylki utanum sígarettupakkana sem á stendur "ÞÞ er leiðinlegur"  í staðinn fyrir "reykingar drepa"

[Ásdís Sigurðardóttir, 30.5.2007 kl. 21:40]

Ég reyki nú ekki og hef ekki gert í 16 ár, en ég er ekki fanatísk. FInnst ég geta alvega valið um kaffihús þar sem ekki er reykt eða þá hreinlega láta mér það lynda þá stuttu stund sem ég dvel á slíkum stöðum sem telst líklega í nanósekúntum per ár.  Allt er bannað og stundum fara þeir yfir strikið.

[Ásthildur Cesil Þórðardóttir, 30.5.2007 kl. 22:52]

Hurðu góða varstu ekki að hætta að reykja ? Eða er ég að taka feil á bloggvinkonu ?

[Jenný Anna Baldursdóttir, 30.5.2007 kl. 23:00]

Gurrí og Eva ég er svo sammála ykkur báðum.  Eva ég skrái mig hér með í reyklúbbinn.  Sendu mér gíró.  Þar fær enginn reyklaus inni vænti ég þeir gætu forpestað andrúmsloftið með vandlætingarsvip.

Ásdís þú ert audda alltaf svo flott á því, fordómalaus og alles.

Arna:  Gott að þú hættir að reykja, til hamó með það.  Þetta reykingarbann hjálpar engum til að hætta að reykja, því get ég lofað.  Boð og bönn hafa aldrei verið vænleg til árangurs.

Ásthildur: Lestu ekki bloggið mitt kona?? Ég ætlaði að hætta að reykja á afmælisdegi húsbandsins þ. 26.04. en "gleymdi" því og verð því að bíða fram í apríl á næsta ári.

[Ólafur Björn Ólafsson, 30.5.2007 kl. 23:02]

Hún er leiðinleg tík þessi fanatík, en ég held áfram að reykja útaf henni og það á vinnustað í rými sem ekki er fyrir fleiri en eina manneskju. Svo er líka leyft að reykja í bílnum mínum.

Heima hjá mér er bannað að reykja og búið að vera svo síðan árið 2000, en vegna fanatíkur er ekki á áætlun að hætta að reykja enn sem komið er,

[Anna Ólafsdóttir (anno) (IP-tala skráð) 30.5.2007 kl. 23:37]

Einhverju sinni löngu eftir að ég hætti að reykja fór ég í Borgarleikhúsið. Þegar komið var hlé fór ég að skoða í kringum mig og sá þá að fólk sem reykti þurfti að standa frammi í andyri í kulda og trekki ef það vildi fá sér að reykja.  Oft fara nú konur og menn frekar í fínna tauinu í leikhús og mér fannst það vægast sagt léleg þjónusta við fólk sem var búið að borga alveg jafnmikið og ég að ég gæti setið í hlýjunni af því að ég var að drekka kók og borða nammi en þetta fólk fengi nánast lungnabólgu af leikhúsferðinni af því að það langaði í smók. Mér finnst að svona stofnanir eiga að koma upp elmennilegra reykaðstöðu fyrir fólk. Sme betur fer heldég reyndar að það sé búið að laga þetta eitthvað núna en mér finnst þetta samt dæmi um þessa óþolandi flokkun.

[Ásthildur Cesil Þórðardóttir, 31.5.2007 kl. 21:07]

 Snilldarafsökun.