BÚHÚ - ÉG ER FYRIR...

...inni á mínu eigin heimili.  Inga-Lill vinkona mín er haldin þrif-maníu.  Hún geysist hér um allt með moppur, kústa, stálull og tuskur og það stendur aftan úr henni stormsveipur hreinlega.  Sjálfbjarga sem hún er, hentist hún út í Bónus í morgun og keypti allskonar vökva á brúsum sem ég þekki engin deili á.  Ég er ágætlega góð heimahangandi húsmóðir en neðrivörin var farin að skjálfa þegar hún reif eldhúsviftuna upp með rótum (eða því sem næst) sagði "Fy vad äcklig den är" og skellti hinum ýmsu pörtum í baðkarið og skrúbbaði og skrúbbaði.  Ég spurði hana hvort henni fyndist skíturinn á heimilinu yfirgengilegur og sem betur fer neitaði hún því (annars væri hún nú uþb að fara í loftið frá Keflavíkurflugvelli), en sagðist vera að extra.  Ég skil það svoleiðis að það séu þrif sem séu utan hins hefðbundna ramma vikulegra þrifa.

Ég sit hér með kaffi og sígó við tölvuna og þori ekki að hreyfa legg né lið af ótta við að hún extri mig líka ef ég verð á vegi hennar.  Mikið ári er gott að fá eina svona þrifalega í heimsókn.  Ég velti fyrir mér hvernig íbúðin muni líta út þegar Inga-Lill flýgur aftur til Svíþjóðar þ. 10. júní, þreytt á sál og líkama.  Ég beinlínis elska hana.

Afhverju er enginn undirflokkur fyrir heimahangandi húsmæður?  Gæti verið þrif og bakstur t.d.(skemmtileg blanda)

Athugasemdir

[Guðríður Hrefna Haraldsdóttir, 30.5.2007 kl. 15:02]

Mig langar í svona ...

[Unnur R. H., 30.5.2007 kl. 15:55]

oh hvað ég vildi að ég ætti svona góða vinkonu ha!!!!Er sammála með heimahangandi konur það væri gott aðhafa extra dálk fyrir okkur

kv unns 

[Kristín Katla Árnadóttir, 30.5.2007 kl. 16:00]

Æi ég vildi óska þess að hún mundi koma til mín að þrífa fyrir mig.

[Katrín Snæhólm Baldursdóttir, 30.5.2007 kl. 20:20]

Vantar hana ekki gistingu þegar hún stoppar í London á leiðinni heim. ALLIR ÞURFA AÐ STOPPA Í  LOSNDON...það er bara regla. Sjá stærtóana og svona og kíkja til mín ...og þrífa.  MEget elskeleg dine venkvinnde.

[Jenný Anna Baldursdóttir, 30.5.2007 kl. 23:02]

Vildi ég gæti hjálpað ykkur stelpur mínar en því miður, mín elskulega Inga-Lill er ekki til skiptana.