IMPREGILO - ENN EINN HROÐINN

Enn einu sinni heyrir maður ljótar sögur frá fyrirkomulaginu á Kárahnjúkum.  Hrafndís Bára Einarsdóttir, fyrrverandi starfsmaður öryggisdeildar Impregilo, tekur undir ásakanir portúgalsks verkamanns í fjölmiðlum heimalandsins.  Hún talar líka um kynferðislega áreitni þar efra og fleira miður fallegt.

Það er alveg sama hvaða hroðbjóður kemur fram um vinnuaðstæður undir stjórn Impregilo, þeir kannast aldrei við neitt.  Það ætti samt öllum sem vilja á annað borð vita, vera ljóst að það er eitthvað meira en lítið að aðbúnaði og framkomu þessa fyrirtækis við starfsmenn sína.  Hversu mikið þarf að ganga á áður en íslendingar taka sig til og rannsaka hvernig háttsemi fyrirtækisins gerir sig raunverulega við Kárahnjúka?  Svo er það auðvitað ljóst að þetta fyrirtæki er ekki þekkt að mannúð annars staðar sem það hefur borið niður í heiminum.

 

„Vildi ekki leika hetju"

Athugasemdir

[Jóna Á. Gísladóttir, 30.5.2007 kl. 11:09]

Við eigum náttúrlega ekki að leyfa það að landinu sé bendlað við svona lagað. Það þarf að gera eitthvað í þessu.

[Laufey Ólafsdóttir, 30.5.2007 kl. 11:57]

Hroðbjóður!!! Sennilega eina orðið til að lýsa þessu ógeði. Ég þekki lifandi vitni viðbjóðsins sem þarna viðgengst. Ótrúleg svívirða.

[Jenný Anna Baldursdóttir, 30.5.2007 kl. 12:03]

Arg úr landi með fyrirtækið.  Hlýtur að vera hægt að semja við almennilegt fólk um að klára vanskapnaðinn fyrir austan.

[Jóhann (IP-tala skráð) 30.5.2007 kl. 12:06]

Heyr heyr... þetta er með ólíkindum.  Annaðhvort eru þeir að borga einhverjum íslenskum embættismönnum fyrir að líta í hina áttina eða þetta er hreinlega aumingjaskapur.  Ég veit ekki hvort er verra.  Þeir fá allavega að komast upp með allt.