KOMIN MEÐ STUBBANA Á HEILANN

Vissuð þið að umboðsmaður barna í Póllandi er hætt við að láta sálfræðinga rannsaka áhrif Tinky Winkys með handtöskuna, á börn?  Hvernig skyldi nú standa á því?  Ætli einhver hafi hringt í hana í ofboði þegar fréttin um vitleysuna í henni flaug um heimsbyggðina og sagt við hana t.d. "Umboðska! Ekki gera okkur að algjörum fílfum, hættu við, Pólland er orðið að athlægi út um víðan heim".  Sennilega eða þá að það hefur runnið upp fyrir henni ljós. Ég veit ekki og mér er sama.  Ég mun aldrei gleyma Fröken umboðsmanni Polski sem var með alvöru áhyggjur af engu á meðan Pólland er allt löðrandi í félagslegum vandamálum og ekki nokkur leið að fara að telja þau öll upp hér.

 

Athugasemdir

[Anna Ólafsdóttir Björnsson, 29.5.2007 kl. 23:55]

Eitt sinn gekk sú saga að Finnar hefðu bannað Andrés önd, vegna einkennilegra fjölskylduhátta allrar þeirrar fjölskyldu, og fyrst ég man það 20 árum seinna, þá bendir það til þess að þeir hafi orðið að athlægi. Hitt er svo annað mál að fyrir 13 árum fór ég til Turku og þar rakst ég á skemmtilegustu Andrésarboli og póstkort sem ég hef séð, gekk lengi í bol með Monu Lísu prýdda Andrésarandliti.

[Heiða Þórðar, 30.5.2007 kl. 00:07]

Það er sko margt verra en að fá stubbana á heilann.....

[Guðríður Hrefna Haraldsdóttir, 30.5.2007 kl. 00:32]

Skrifaði einu sinni opnugrein um Stubbana í Vikuna. Þegar ég viðaði að mér efni (takk, RÚV) þá komst ég að því að heilmikil pæling er bak við þessa þætti sem eru afar hollir og þroskandi fyrir börn upp að fjögurra ára aldri (minnir mig). Man eftir fjaðrafoki vegna þess fjólubláa fyrir nokkrum árum ... bara hallærislegt.  

[Halla Rut , 30.5.2007 kl. 01:11]

Kannski eru öll málin svo stór að hún ræður ekki neitt við neitt svo hún fann þetta til að vinna með.

[Jóna Á. Gísladóttir, 30.5.2007 kl. 01:44]

Umboðska. hahaha. Vandroska I Polskana greiniska ekkiska alvarleska.

[Laufey Ólafsdóttir, 30.5.2007 kl. 08:26]

Haha! Elísabet! Ég held að sonur þinn sé metró... Hann er voða gaur þótt hann sé í pilsi! "Já ég er í pilsi!!! Hvað ætlarðu að gera í því???"

Andrés önd er líka ber að neðan. Við öll stórskemmd fyrir vikið! Tinnabækurnar? Stórvafasamar... Ævintýra- og fimmbækurnar? Fullar af kvenfyrirlitningu. Fjólublár kall með tösku sem dansar um í bleiku ballettpilsi? Örugglega bara til bóta.

Umboðska hefur fengið moggabloggið þýtt fyrir sig og hætt við hið snarasta.

[Ester Júlía, 30.5.2007 kl. 08:48]

Já margt má nú hafa áhyggjur af og ég held að Stubbarnir séu ekki eitt af þeim málum. 

[Jenný Anna Baldursdóttir, 30.5.2007 kl. 09:10]

Hehe stelpur bara gaman að þessu.  Beta barnið er bjútífúl í pilsi eða án en þessi pilsaárátta drengsins er örla stubbunum að kenna.