LÖNGU TÍMABÆR ÁSTARJÁTNING TIL SJÁLFRAR MÍN!

Ég fer ekki að sofa fyrir en ég er búin að monta mig smá af því hversu dugleg ég er búin að vera í dag og kvöld.  Algjör ofurhúsmóðir ef ég á að segja eins og er.  Það stendur mikið til á morgun þegar Inga-Lill kemur frá Svíþjóð.  Hún hefur komið til Íslands all oft en það eru orðin mörg ár síðan við hittumst hér.  Hún er ástfangin af Esjunni og getur ekki beðið eftir að sameinast henni að nýju.  Nóg um það.  Ég er búin að þrífa allt hátt og lágt.  Ekki kusk á mínum húsmóðurhvítflibba.  Móðir mín yrði stolt af ef hún droppaði í heimsókn (sem ekki er líklegt að hún geri svona upp úr miðnættinu).  Ég bakaði þrjár sortir og lagði í sultu (eða sultar maður sultu arg.. man ekki) en ég er að sjálfsögðu að ljúga hvorutveggja til að imponera á bloggvinina.  Rúllugardínan lýsir heiftarlega með fjarveru sinni auðvitað en það er ekki hægt að öðlast alla hluti "på befallning".

Ég fór í Smáralind og verslaði fyrir tugi þúsunda (eða því sem næst) enda stórt matarboð á mánudaginn þar sem allar stelpurnar mínar með mökum ásamt börnum verða hér í mat og Inga-Lill að sjálfsögðu líka. 

Ég veit ekki hvort ég að segja frá því hér en ég er hreint ótrúlega seinheppin stundum.  Í öllum hamaganginum við þrifin steig ég bókstaflega ofan í skúringafötuna og varð blaut upp að hné.  Ég blótaði ekki mikið.  Húsbandið hló sig ekki alveg máttlausan.  Það er merkilegt hvað ég hef oft lent í því um ævina að kunna ekki fótum mínum forráð.  En nú orðið er þetta forráðaleysi öllu hættuminna en það hefur stundum verið í lífinu fyrir meðferð og í þetta skipti var það í orðins örgustu.

Gúddnætgæs!

Athugasemdir

[Anna Ólafsdóttir (anno) (IP-tala skráð) 27.5.2007 kl. 00:32]

Þú gleymdir að nefna í öllu þessu verðskuldaða sjálfshóli að þú ert líka ofurbloggari - en ég sé á seinheppninni þinni að þú toppar ekki undirritaða. Mér tókst nefnilega einu sinni að bregða eigin fæti fyrir sjálfa mig - það er eiginlega of flókið að lýsa hvernig ég fór að því en ég datt kylliflöt á gólfið heima hjá mér við þessa aðför

[Jóna Á. Gísladóttir, 27.5.2007 kl. 00:50]

hehe. Sé þig fyrir mér ofan í skúringafötunni. Nema í sýninni minni ertu pínulítil og hangir á fötubarminum með tærnar ofan í sápuvatninu. Húsbandið er stór og íhugull með pípu. Veit ekki afhverju. En nú held ég að Þorvaldur sæti námskeiðshaldari sé farinn að hafa einhver áhrif á mig því hann lætur okkur upphugsa svona myndir i huganum. Eins gott að maður byrji ekki í dópinu og fari að rugla saman ímyndun og veruleika. Sultar maður ekki á haustin eftir berjatínslu!? Ég bara spyr sisona. Þú ert ofur-margt og þarft ekki einhverja helvítis tertugerð til að sanna það.

[Jenný Anna Baldursdóttir, 27.5.2007 kl. 00:57]

Ég hef líka rekið sígarettu upp í mitt "eigins" auga Anna mín, bláedrú sko, þannig að ég hlýt að eiga aulavinninginn.

Jóna: Sko maður getur alltaf á sig blómum bætt.  Hehe ég held ég láti kökugerðina og sultuna öðrum eftir (jú það er á haustin svo mikið veit ég).

[Guðríður Hrefna Haraldsdóttir, 27.5.2007 kl. 01:27]

Varstu í Smáralind í dag og ég líka og samt hittumst við ekki? Varst þú nokkuð konan sem ég gekk að inni í Hagkaup og spurði: "Hvernig kemst maður héðan út?" Nei, þú hefðir ekki orðið hræðsluleg á svipinn. Kannski hefði ég þekkt þig í návígi, gleraugun of mild/dauf/léleg/ósterk.

[Guðríður Hrefna Haraldsdóttir, 27.5.2007 kl. 01:28]

Gleymdi: Dugleg stelpa! Ætla að nota morgundaginn í að þrífa allt út!

[Hrönn Sigurðardóttir, 27.5.2007 kl. 03:50]

bara upp að hnjám trítla? Tek fram að þetta er það eina sem ég trúi ekki í bloggfærslunni þinni....

[Birgitta Jónsdóttir, 27.5.2007 kl. 07:50]

Til hamingju með ástarjátninguna:) - hygg að flest okkar gleymi að vera ástfangin = af sjálfum okkur. Fátt toppar seinheppni móður minnar, eitt það síðasta sem gerðist þar á bæ var að þau fengu brjálaða kú upp á þak hjá sér...

[Laufey Ólafsdóttir, 27.5.2007 kl. 08:15]

Hörð samkeppni um aulavinninginn þegar undirrituð er annars vegar er einstaklega seinheppin. Við höfum rætt þetta áður!

Svakalega ertu dugleg! Þessi ástarjátning er vel verðskulduð. Gardínukaup? grrr. Ég er búin að vera með bráðabirgðarklúður fyrir gluggunum í 3 ár! Er búin að fara 1000 ferðir í IKEA (3 síðan það var flutt upp í sveit, bíllaus skiluru...) og finn aldrei neitt!!! Er samt að spá í að fara að drífa í þessu. Er í framkvæmdum á íbúðinni sem stjórnast óþolandi mikið af fjárhag (grrr aftur) og tíma (úff) en vona að mér takist að klára það fyrir rest. Virðist endalaust!

Góða skemmtun með fjölskyldunni og til hamingju með að hafa þau öll samankomin á einum stað! Mömmu minni fannst alltaf ómögulegt þegar ég bjó í London... Var kvenna (og manna) fegnust þegar við fluttum heim. 

[Katrín Snæhólm Baldursdóttir, 27.5.2007 kl. 11:30]

Good morning....sunshine!!! Njóttu semverunnar með vinkonunni og hlægið á ykkur gat saman innan um allt Ikeadótið sem þér var stýrt frá að kaupa. Minn verður einmitt eittthvað heyrnarlaus og röltir bara burtu þegar ég er að spá og spekúlera með innkaup á lífsnauðsynlegu dóti sem hvergi er pláss fyrir.

[Heiða Þórðar, 27.5.2007 kl. 14:08]

Eigðu yndislega dag mín elskuega

[Edda Agnarsdóttir, 27.5.2007 kl. 16:03]

Góða skemmtun í dag. Þess vegna eru ekki fimm eða sex færslur í dag. Var í þessu sama og þú í gær og var bara ótrúlega stressuð, hef orðið stressaðri og stressaðri með árunum við það að taka á móti fólki í boð/veislur. En - það er alltaf yndislegt að fá sína nánustu!