AÐ HANGA Á SNÚRUNNI GLAÐUR MEÐ SITT

 

Af og til heyri ég frásagnir af alkóhólistum sem hafa náð góðum tíma í edrúmennsku og hafa fallið. Ég sjálf lét líða góð 10 ár á milli minna tveggja meðferða.  Ég sagði af mér sem alkahólisti eftir fyrri meðferðina, var í þolanlegu standi í nokkur ár og endaði svo nærri dauða en lífi í meðferð í október í fyrra.  Í hvert skipti em ég heyri fréttir af ölkum sem falla er það áminning fyrir mig og hversu varlega maður þarf að stíga til jarðar.  Að allir alkar, hversu lengi sem þeir hafa verið alsgáðir eru jafn langt eða stutt frá fyrsta glasinu.  Ég verð alltaf hrygg þegar ég heyri af einhverjum vini mínum sem hefur skrikað fótur í edrúgöngunni.  Ekki hissa en hrygg, því eins og mætur maður sagði "hvað er eðlilegra en að alkahólisti detti í það?".  Ok, það má vera en það er samt sárt. 

Sem betur fer er maður ekki með lögsögu yfir neinum öðrum en sjálfum sér og það er, alla vega í mínu tilfelli, ærið verkefni.  Ég rek því nefið ekki ofan í annarra koppa og kirnur enda eins gott þar sem verkefnin mín í edrúmennskunni eru nægjanleg svo ekki sé nú meira sagt.

Ég á 2 daga í 7 mánaða edrúafmæli.  Í bráðum 7 mánuði hef ég dvalið á snúrunni stórkostlegu, í misjöfnu veðri reyndar, örsjaldan (kannski bara alveg í byrjun) hef ég barist við að halda mér þar vegna ágjafar en flesta dagana ef ég bærst í vindinum, ósköp þægilega í brakandi þurrk.  Ég plana ekki lengur en 7 klukkutíma í einu fram í tímann.  Það gefur mér leyfi til að fullyrða að ég muni fara edrú að sofa í kvöld.

Athugasemdir

[Ragnheiður , 18.5.2007 kl. 13:34]

dugleg stelpa, knús á þig....

[Auðun Gíslason, 18.5.2007 kl. 13:40]

Glæsilegt!  Til hamingju, 2 eftir í sjö mánuði; einn dag í einu!

[Jenný Anna Baldursdóttir, 18.5.2007 kl. 13:46]

Takk, takk.  Nákvæmlega Auðun einn dag í einu.  Þannig gengur það.

[Ásdís Sigurðardóttir, 18.5.2007 kl. 13:54]

Stattu þig stelpa, ég hef trú á þér 

[Kristín Katla Árnadóttir, 18.5.2007 kl. 14:01]

Já þú ert dugleg og til hamingju með  með þig þú er frábær elskan.

[Hrönn Sigurðardóttir, 18.5.2007 kl. 14:10]

þú ert yndisleg

[Jenný Anna Baldursdóttir, 18.5.2007 kl. 14:22]

Æi stelpur "you make me cray"

[Anna Ólafsdóttir (anno) (IP-tala skráð) 18.5.2007 kl. 14:42]

Einn mér nákominn er búinn að eiga tólf edrú ár og annar ellefu. Báðir voru búnir að prófa sérleiðirnar. Þessar sérleiðir byggðust á því að ákveða á einhverjum tímapunkti að þeim væri „batnað“. Þær virkuðu að sjálfsögðu ekki með tilheyrandi ótalmörgum byltum. Þeirra kúvending varð þegar þeir fóru að vinna í batanum sínum einn dag í einu. Nafna, dagurinn í dag er dagurinn þinn, í kvöld klappar þú sjálfri þér á öxlina og segir „Jenný Anna þú náðir mikilvægum áfanga í dag, þú tókst enn eitt skrefið í bataferlinu, til hamingju!“. Og allir bloggvinirnir þínir og vinkonur taka undir  Þú ert frábær

[Birna Dis Vilbertsdóttir (IP-tala skráð) 18.5.2007 kl. 14:52]

Til hamingju með áfangann. Þetta er hægt. Ég varð 20 ára 1 nov 2006. Gengið á með éljum en það birtir alltaf upp aftur. Gangi þér vel

[Ragnheiður , 18.5.2007 kl. 14:56]

Þið eruð svo yndislegar, með fallegu afmælin ykkar.  á ykkur allar og sér í lagi þig Jenný mín.

Hver dagur fyrir sig

[Jenný Anna Baldursdóttir, 18.5.2007 kl. 16:52]

Takk stelpur mínar fyrir falleg orð og hlýjar hugsanir.  Það er ekki verra að eiga svona yndislegar vinkonur.

[Nafnlaus Ónefndur (IP-tala skráð) 18.5.2007 kl. 17:00]

Sæl, Í gær voru sextán ár hjá mér sem betur fer án þess að hrasa.  Ég gæti ekki verið ánægðari með að engin mundi eftir þessu nema ég.  En ég er samt ekki lengra frá glasi en þú, armslengd.  Gangi þér vel.

[Jenný Anna Baldursdóttir, 18.5.2007 kl. 17:05]

Takk fyrir félagi og gangi þér vel áfram.

[Ásthildur Cesil Þórðardóttir, 18.5.2007 kl. 19:30]

Ég horfi með stolti á drenginn minn, þegar hann kemur hingað með litla soninn sinn.  Búinn að fara til helvítið og kominn til baka aftur.  Ég er bæði þakklát og ánægð.  Og nú er maður ekki lengur endlaust hrædd um að ef hann kemur ekki í nokkra daga, eða er veikur eða þarf að skreppa suður að nú sé eitthvað skuggalegt að gerast.  Þessir dagar eru liðnir núna.  Vonandi forever. 

Þess vegna veit ég hvað þú ert dugleg og hve öllum líður svo miklu betur í kring um þig elsku Jenný mín.  Þetta er eitt af kraftaverkum í lífi hverrar fjölskyldu.  Gangi þér áfram vel.

[Jenný Anna Baldursdóttir, 18.5.2007 kl. 20:12]

Takk Ásthildur mín og til hamingju með hvað sonurinn stendur sig vel.  Við gerum þetta einn dag í einu til lífsloka.  Þannig er það best.

[Laufey Ólafsdóttir, 18.5.2007 kl. 22:04]

Svona skemmtileg og frábær kona eins og þú VERÐUR að hugsa vel um sig! Til hamingju með allt saman elsku Jenný og haltu áfram að gleðja okkur hin . Ég hef sagt það áður og ég segi það aftur: YOU GO GIRL!

[Jóna Á. Gísladóttir, 18.5.2007 kl. 23:57]

You hang in there girl. Æi Jenný Anna. Mikið vildi ég að sumir nákomnir mér tæku þig sér til fyrirmyndar. Það er svo óendanlega sárt að sjá góðar sálir steypa sér í glötun. Megi dagurinn á morgun verða þér gleðidagur.

[Jenný Anna Baldursdóttir, 19.5.2007 kl. 00:03]

Takk Jóna mín.  Já ég vona svo sannarlega að sem flestir sem þjást af þessum hryllilega sjúkdómi sjái leiðina útúr honum. Lífið er svo dásamlegt þegar maður er "high" á eigin safa. Smútsj.

Takk stelpur I love u

[Katrín Snæhólm Baldursdóttir, 19.5.2007 kl. 16:38]

Hér hefur allt verið sagt sem þarf að segja...svo ég sendi þér bara hjartaknús!!!