HÚS-LÆKNIR LÖÐRANDI Í LÝSI

Ég horfði á Hús-lækninn en gleymdi að minna bloggvinkonur mínar á yfirvofandi komu hans á heimili víðs vegar á landinu.  Annars finnst mér karlmörðurinn alls ekki sexý svo langt því frá heldur dáist ég að því hvað hann er mikill ruddi og að hann sé látinn komast upp með það,  en í Ameríku alvörunnar væri búið að "súa" af honum rassinn. En stelpurnar vinkonur mínar halda ekki vatni vegna karaktersins og þjást illa af hinu svokallaða "badboysyndrome" sem er útbreitt meðal kvenna, nokkurs konar stökkbreytt móðureðli, löngun til að ala upp óalandi og óferjandi götustráka á fullorðinsaldri.  Ég er þó alveg sátt við að þær glápi á kvekindið í sjónkanum því á meðan fara þær ekki á stjá eftir alvöru mannflökum.

Svo kom lýsisauglýsing og gjöreyðilagði þennan annars þolanlega dag.  Ég get ekki horft á lýsi, má ekki hugsa um það og ef ég hefði verið fædd svona 4 árum fyrr þá hefði ég fengið lýsi neyddu í mig úr könnu á hverjum degi í Melaskóla.  Þá sæti ég ekki hér og bloggaði heldur væri ég ólæs og óskrifandi vegna þess að námsferli mínum hefði lokið eftir fyrsta daginn þá og þar.  Svo klígjugjörn er ég að lýsi fæst ekki geymt í mínum eðalísskáp og húsbandið lætur sér nægja töflur.  Mér finnst að svona auglýsingar ættu að vera tveggjalófa, þe með viðvörun fyrir viðkvæma.

Nú, stór dagur á morgun því þá byrja stjórnarmyndunarviðræðurnar formlega.  Forsetinn hlýtur að verða við Ósk Geirs H. Haarde að veita honum umboðið.  Þá getur maður farið á límingunum af spenningi yfir því hvernig það mál fer allt saman.

Gúddnætgæs

Athugasemdir

[halkatla, 18.5.2007 kl. 01:00]

ég skil þetta badboysyndrome svo vel, enda heillast ég af Pete Douherty, þetta er hrikalegt! ég hef ekki enn séð Hús lækni, á ég að þora því? Kveðja

[Laufey Ólafsdóttir, 18.5.2007 kl. 01:01]

Er það ekki breski hreimurinn sem kemur í veg fyrir að þeir súi af honum rassinn? Bandaríkjamönnum finnst breskur hreimur svo gasalega krúttlegur að illkvittnin fer örugglega alveg hjá þeim. Ég verð hinsvegar að játa að ég kom af fjöllum þegar ég komst að því að íslenskar konur héldu vart vatni yfir Húslækninum. Ég er með badboy syndromið á háu stigi en þessi maður höfðar engan veginn til mín. Dagar hans í Monty Python gætu verið ástæðan... eða kannski skortur hans á karlmennsku .

Stjórnarmyndunarviðræðurnar eru virkilega krassandi í ár. Það segi ég með þér! Þetta er eins og pirrandi púsluspil sem aldrei virðist geta gengið upp. Þá sækir maður hamarinn og lemur bitana saman.

[Laufey Ólafsdóttir, 18.5.2007 kl. 01:05]

...skil heldur engan veginn hvernig Lýsi tókst að ferðast inn í nýja öld. Öflug markaðssetning þar á ferð kannski .

[Jenný Anna Baldursdóttir, 18.5.2007 kl. 01:15]

Ætli þetta með lýsið stafi ekki á ofurtrú íslendinga á fiskafurðum?  Gæti trúað því.  Húsið er zero-sexý finnst mér en ég á ekki margar skoðanasystur þar.  Vertu því velkomin í hópinn Laufey mín

[Hrönn Sigurðardóttir, 18.5.2007 kl. 07:12]

 Ég mundi sko aldrei breyta honum.....

looooooove him as he is