EIN FÆRSLA ENN OG SVO EKKI MEIR..

Ég á bloggvaktinni í gærkvöldi!

...fyrr en eftir miðnætti.  Muhahahahaha Jóna mín!  Ég er að farast úr bloggisma.  "Við viðurkenndum vanmátt okkar gagnvart blogginu og að okkur varð orðið um megn að stjórna eigin lífi".  Ég þarf að fá mér fólk til að þrífa fyrir mig, fara í þvottahúsið og kokk í eldhúsið osfrv.  Svo ég geti bloggað.  Ég blogga líka soldið mikið fyrir hana Jónu (www.jonaa.blog.is)  bloggvinkonu mína en henni finnst gott að sleppa við að ganga frá í eldhúsinu og að sinna börnunum sínum og lesa bara bloggið mitt í staðinn.  Fyrir utan hina sem koma þá blogga ég fyrir Maysuna mína sem segist vera húkkd á síðunni minni og fer beint í hana þegar hún kemur heim á kvöldin.

Ég er búin að vera að hugsa og uppúrvelta mér í allt kvöld út af Cheeriosi.  Sko pökkunum.  Ég hef borðað þetta morgunkorn frá æskuárunum með reglulegu millibili.  Alveg frá því að ég byrjaði að glápa á umbúðirnar hefur verið Cheerios-diskur framan á umbúðunum og jarðaberjum stráð yfir.  Nú langar mig að vita hvort einhver sem hér ráfar hefur borðað jarðaber út á Cheerios?  Mér finnst eins og það hafi örgla enginn gert það.  Eins og ég sagði í fyrri færslu þá er ég sk. bakgrunnsmanneskja og pæli í litlu hlutunum í heildarmyndinni.  OMG ég ætla að prufa jarðaberin á morgun.  Ég meina hvaða roluháttur er þetta?  Af hverju er ég að velta mér upp úr þessu í staðinn fyrir að skjóta á það og prufa.  Vera snyrtileg en samt soldið væld eins og segir í ljóðinu.  Látum okkur horfast í augu við hinar stóru hættur lífsins.  Prófum jarðaber á morgunkornið það er ekki eins og það þurfi skömmtunarmiða í Hagkaup til kaupa á fyrirbærinu!

 

Athugasemdir

[Anna Einarsdóttir, 16.5.2007 kl. 00:13]

Frábær mynd af þér á bloggvaktinni

[Laufey Ólafsdóttir, 16.5.2007 kl. 08:41]

Frændi minn prófaði þetta þegar hann var lítill og skemmdi þarmeð eftirrétt fjölskyldunnar. Honum fannst þetta víst vont. Ég hef ekki haft löngun í að prófa þetta síðan ég fékk fréttir af þessu. Bragðlaukarnir í mér ná heldur ekki að láta þessar bragðtegundir rýma saman! Ég hef einmitt oft pælt í þassari mynd og spáð í hvernig þeim datt þetta í hug, kannski vantaði þá rauðan lit á pakkningarnar...

Bloggismi hvað??? Ég er með laptop sem er mjög heppilegt til slíks brúks

[Bergrún Íris Sævarsdóttir, 16.5.2007 kl. 10:27]

jæja, prufaðiru þetta?