NAUÐSYNLEGUR LÆKNIR Á HVERT HEIMILI

Hann www.ragnarfreyr.blog.isþe matglaði læknirinn og bloggvinur minn er að gera mig brjálaða.  Hann setur inn hverja dásemdina á fætur annarri í kræsingum og ég er alltaf svöng eftir að ég er búin að lesa færslurnar hans.  Nú er það Pavlova.  Það eru terturnar hérna fyrir ofan.  Djísús ég er sykursjúk og má ekki svona marengsdæmi eitthvað.  Lífið er tík og ekki bara pólitik.  Þetta er að fara verulega illa með mig.  Ég ætla samt að baka svona Pavlovu næst þegar ég svindla en það gerir ég reglulega með löngu millibili og ég brýt af mér með mjög einbeittum og allt að því agressívum brotavilja.

Annars eru uppskriftir mannsins vart af þessum heimi margar hverjar.  Ragnar Freyr hefur bjargað lífi mínu í kjúklingadeildinni svo eitthvað sé nefnt.  Varíasjónirnar eru óteljandi.

Konan hans er ekki síðri kokkur þegar hún kemst að í eldhúsinu (er í lagi með okkur hin? Mörg hver á stöðugum flótta undan eldavélinni).

Ég hef eldheita matarást á þessum hjónum og ég þekki þau ekki nokkurn skapaðan lifandi hræranlegan hlut.

Namminamm!

Athugasemdir

[Ásdís Sigurðardóttir, 15.5.2007 kl. 21:02]

Það ætti nú að banna þig,  ég nýbúin að borða gulrótar heilsubuff og drekka vatn svo kemur þú með geeeððððveika tertu á skjáinn og ég bara saklaus að kíkja á þig, þetta útheimtir rúnt út á Esso að kaupa ís með heitri sósu 

[Hrönn Sigurðardóttir, 15.5.2007 kl. 21:08]

namm jamm - hann hefur gefið mér margar hugmyndir að brauðbakstri

[Jenný Anna Baldursdóttir, 15.5.2007 kl. 21:23]

Ásdís mín það þýðir ekkert að vera borða einhver arfabuff kona, kjöt skal það vera með miklu grænmeti hins vegar.  Annars endar þetta á ESSO í kaloríusukki.

Hrönnsla maðurinn hefur bætt við tilfinningaflóruna hjá mér í kjúklingabransanum.  Nú er lífið sífellt ævintýr.

[Ester Júlía, 15.5.2007 kl. 21:24]

OOO JENNÝ!  Ég var að ákveða að hætta að borða SYKUR ..og svo þegar ég er í sakleysi mínu á bloggrúntnum þá þá þá ... :-(.  Ég er sykurSJÚK en ekki á þann hátt að ég sé með sykursýki. (ennþá að minnsta kosti).

Annars hef ég gert Pavlovu og hún er guðdómlega góð!  

[Jenný Anna Baldursdóttir, 15.5.2007 kl. 21:27]

Ég mun baka hana fyrir mitt næsta sykurfyllerí sem verður í júlí hehe

[Ibba Sig., 16.5.2007 kl. 11:14]

Ég eeeeelska Pavlovur! Hef haft það fyrir sið að baka slíkan guðdóm þegar einn drengurinn minn á afmæli um mitt sumar. Þá höldum við alltaf garðveislu þar sem Pavlovan er í aðalhlutverki. Ekki síst vegna þess að ég hrúga á hana guðdómlegum brómberjum sem ég sæki í gróðurhúsið mitt og skelli á hana um leið og hún er borin fram. 

En nú borða ég ekki sykur svo allur svona marens er horfinn úr mínu lífi.

[Jenný Anna Baldursdóttir, 16.5.2007 kl. 13:11]

Ibbs þú lætur væntanlega eftir þér eins og eina Pavlovustneið um mitt sumar eða svo þarna meinlætakona?  Hvernig hef ég getað lifað Pavlovulausu lífi fram að þessu?