ÞVOTTAHÚSIÐ NÆSTA!

Eins og sjá má á myndinni hér að ofan, lenti ég í alvarlegum raunum fyrir ekki svo löngu síðan þegar ég rakst á könguló í þvottahúsinu.  Reyndar var köngulóin ekki könguló heldur rykrotta sömu stærðar og Amasonköngulærnar (þessar sem éta fugla, þið vitið).  Nú af skiljanlegum ástæðum reyni ég að fara eins sjaldan og kostur er í þvottahúsið vegna hættu á hittingi við köngulær og aðra óvætti.  Rykrottukvikindi þótt dautt sé getur gert mig jafn hrædda og könguló.  Það er mikið af þeim í þvottahúsinu. 

Nú er ég sem sagt á leið í þvottahúsið skjálfandi á beinunum.  Ég sagði húsbandinu að ef ég væri ekki komin upp um kvöldmatarleytið að senda þá út hjálparsveitina.  Maðurinn hefur á þessu fullan skilning og mun að sjálfsögðu kalla eftir hjálp.  Ef ég blogga ekki meira í dag þá er það ekki vegna efnisskorts heldur einfaldlega af því ég verð dúsandi og snarlæst inni í þvottavélinni eftir magnaðan flótta við eiturköngulær sem éta konu eins og mig í forrétt.  Muhahahahaha

Athugasemdir

[Ásthildur Cesil Þórðardóttir, 15.5.2007 kl. 16:06]

Hahahahaha 

[Kristín Katla Árnadóttir, 15.5.2007 kl. 16:19]

Þú ert alveg frábær.

[Hrönn Sigurðardóttir, 15.5.2007 kl. 16:34]

passaðu þig á þeim - þær eru svaka hættulegar

 hehehehehee

[Jenný Anna Baldursdóttir, 15.5.2007 kl. 17:11]

Stelpur mínar þakka falleg varnaðarorð og aðdáunarstunur (rofl).  Ég passa mig með því að hoppa inn í næstu maskínu Hrönnsla mín.