BLOGGISMINN AÐ DREPA MIG

Ég er að drepast úr bloggisma.  Mér liggur svo margt á hjarta.  Ég nenni heldur ekki að gera neitt af því sem ég á að gera, er bara búin að planta mér við tölvuna.  Sko ég var að velta því fyrir mér hvort það sé almenn vitneskja um hvað er gert við öll atkvæðin þegar búið er að kjósa, skoða útstrikanir og allan þann ballett?  Ef það er almenn vitneskja þá er ég óalmennileg í meira lagi því ég minnist þess ekki að hafa nokkurn tíma vitað um afdrif allra þessara pappírssnepla.  Þetta er góður skiki af skógi og kominn tími á að kjósa vefrænt.  Burtséð frá því, eru atkvæðin brennd, sett í endurvinnslu (þá hvar?) eða er þeim staflað upp í Þjóðarbókhlöðu eða á Skjalasafninu? Ég er bakgrunnsmanneskja, horfi alltaf af mikilli athygli á það sem er að gerast á bak við aðalleikarana í bíómyndum.  Þess vegna er ég svo upptekin af örlögum atkvæðanna eftir kosningar.  Segið mér frá fólk!

Bloggvinatiltekt vikunnar hefur farið fram.  Ég er fjórum bloggvinum fátækari en þúsund sinnum ríkari samt því mínir alvöru bloggvinir eru mega!  Þeir eru skemmtilegir, alvarlegir, hádramatískir, brjálæðislega fyndnir, grátbroslegir og ALDREI leiðinlegir.

Athugasemdir

[Kristján Kristjánsson, 15.5.2007 kl. 13:53]

Ekki hef ég hugmynd hvað verður um gögnin frá kosningum en innilega sammála þér með bloggvinina. Það er að byggjast upp meiriháttar skemmtilegt samfélag hér á blog.is. Maður er farinn að þekkja nokkuð vel inná áhugaverðar síður og hættur að nenna kíkja á önnur. Sérstaklega sjálfhverfu bloggin þar sem menn leyfa ekki athugasemdir. Hvað er með það? Halda menn að þeir séu svo óskeikulir að það megi ekki benda á eða gagnrýna skrif manna?

Lífið er gott

[Eva Þorsteinsdóttir, 15.5.2007 kl. 13:55]

Já....bloggisminn er ansi hættuleg fíkn!.........auðvelt að verða háður ;)

[Jenný Anna Baldursdóttir, 15.5.2007 kl. 14:09]

Ég er svo sammála þér Kristján, þessar síður sem ekki gera ráð fyrir athugasemdum eru fyrirlestrar fólks sem hefur ekki áhuga á skoðunum annara.  Ég les þær ekki nema einu sinni.  Hvað ætli verði um atkvæðin krakkar?

[SM, 15.5.2007 kl. 14:19]

ég veit að fyrir svona 20-30 árum kveiktu menn í einu bæjarfélaginu hér bara varðeld niðrí fjöru held ég og horfðu á allt fuðra upp með smá brjóstbirtu.

[Jenný Anna Baldursdóttir, 15.5.2007 kl. 14:21]

Köstuðu þeir í alvöru atvkæðunum á eldinn og fengu sér í glas OMG! Allt er nú notað sem átylla fyrir fylleríi.  Hehe

[Ásthildur Cesil Þórðardóttir, 15.5.2007 kl. 16:09]

Ég las einhversstaðar að ekki alls fyrir löngu fundust nokkrir tugir atkvæða tengd Framsóknarflokknum einhversstaðar milli veggja þau voru nokkurra tuga gömul.  Man þetta ekki alveg skýrt, en minnir að það hafi verið frá dögum Hriflu Jónasar  en ég held að það þurfi að geyma atkvæðin í ákveðn tíma, og það er líka hægt að fara fram á endurtalningu ef lítill munur er.  Allavega eru þau geymd í einhverntíma frá kosningum.  Veit ekki hversu lengi.  Sennilega einhver fyrningartíma á kærum eða þannig.

[Jenný Anna Baldursdóttir, 15.5.2007 kl. 16:58]

En hvar eru þau geymd Ásthildur?? Hvar?? Ég ætla að stela þeim og nota þau fyrir teikniblöð handa Jenny Unu Errrriksdótturrr!  Hehe.. svo bleik og falleg.