FARÐU WATSON, FARÐU!

Nú þarf heimavarnarliðið að skella sér í kraftgallana með Björn í fararbroddi, geysast niður á uppfyllingu og garga:  "Go home you whalelover Watson you" og leggja þunga í orðin.  Án gríns af hverju erum við að púkka upp á hvalveiðar svona yfirleitt?  Þetta er blóðug atvinnugrein í orðsins örgustu, vond lykt og svona og svo vill enginn kaupa hvalinn.  Það er liðinn tíð að það teljist til einhvers "hvalreka" að geta keypt svona ódýrt kjöt.  Það er lýsisbragð af hvalkjöti ég fer ekki ofan af því.  Mamma var nokkuð slungin í að plata hvalkjöt ofan í fólk með því að segja að þarna færi nautakjöt.  Mamma er listakokkur og flestir trúðu henni og úðuðu í sig hinu falsaða nautakjöti.  En ekki hún ég.  Fann lýsislyktina í mílnafjarlægð.  Ég er jafn slungin og mamma.  Ég ber enga óttablandna virðingu fyrir Watson, hann má hamast eins og hann vill.  Mér finnst aðeins að það sé ótrúlegur barnaskapur og þvermóðska að halda áfram að veiða hvali einkum og sérílagi með tilliti til þess að engum (nánast) langar í hann.  Leyfum krúttunum að gúffa í sig fiski sjávar í tonnavís.

Skip Sea Shepherd leggur af stað áleiðis til Íslands í dag

Athugasemdir

[halkatla, 15.5.2007 kl. 13:51]

alveg sammála - en þetta er engu að síður hentugt tækifæri fyrir Bjössa að taka smá tindátaleik eða jafnvel Die Hard

[Jenný Anna Baldursdóttir, 15.5.2007 kl. 13:53]

Satt segirðu en nú er ekki víst að megakrúttið Björn verði ráðherra eða hvað?

[Geiri (IP-tala skráð) 15.5.2007 kl. 19:47]

Finnst vægt að vísa þeim bara úr landi, þetta lið hefur framið hryðjuverk gegn þjóðinni og eru líklegir til þess að endurtaka leikinn. Finnst eins og við eigum að taka harkalega á þessu og bara sökkva þeim ef þeir fara inn á okkar lögsögu, getum tilkynnt þeim það áður til að vera aðeins mannúðlegri.